الموضوع مغلق

فستان سبب مشكلة كبيرة بيني وبين اهلي(استوفى حقه من الردود

@sh_f_l

بعطيكم السالفة وشورو علي بالحل..

هذا الله يسلمكم ملكة اخو زوجي بعد اسبوعين وهم من الجماعة يعني حتي اهلي معزوميين والملكة بسيطة مو كبيرة
المهم ان عندي بنت عمرها12سنة وهالعمر محير تعبت ولفيت المحلات من فترة ادور لها فستان لملكة عمها وهي جسمها بسم الله عليها شوي مليان المهم لقيت لها فستان من قسم الكبار موديله لفوق الركبه بس عليها طلع تحت الركبة ومن فوق قصته عادية ماتعطينه نسائي ابد وهالكلام من اكثر من شهر وخلاص نسقت لها كل شئ

قبل كم يوم رحت لاهلي واختي بالثانوي جات من السوق ولقيتها اشترت نفس فستان بنتي للملكة!!
المهم علي طول قلت لها انه نفس حق بنتي وبتلبسه
المهم اخواتي قامو يتريقون علي اختي وانها بتطقم مع بنتي ومن هالكلام واختي تقول والله ماتلبسه لبسيها شئ ثاني هي صغيرة مو مهم

رجعت البيت وكلمت زوجي اني بروح السوق ادور لبنتي فستان ثاني واستغرب لان الفستان روعة عليها ويوم عرف السالفة حلف مايشتري غيره

والحين امي واختي اخذين الموضوع عناد ان بنتي ماتلبس الفستان وزوجي نفس الشئ
وانا محتارة ماادري ايش اسوي

74 تعليق 8,129 مشاهدة

0 0

شاركي في النقاش

سجلي الدخول لإضافة تعليق.

التعليقات

71

  1. @fdo_algbl

    هههههههههههههههههههه

    تنازلي عشان اختك

    وبنتك الله يعوض عليها بواحد احلى

    بس لييييش علمتي زوجك ؟؟؟؟؟

  2. @am_osaaam_2

    وخير يعني تلبس نفسه الخاله وبنت اختها ايش المشكله اما يسوووون زحمه علشان الفستان صعبه شوووي

    ولاقولي لاختك تدور عن طريقها فستان لبنتك ان حصلت اللي يناسبها كان بها وارتحتو كلكم

    وان ماحصلت عادي ايش صاررر تلبسه وبالعافيه عليهم

  3. @beautiful_girls

    طيب اختك ماتنلام
    هي ماتدري عن فستان بنتك ولا شافته ولا حتى توقعت تشترين لها من قسم الكبار ولا شاورتيهم فيه يعني ماشروه عناد
    بعد هي دفعت وتخسرت يعني ترميه او تتركه وتروح تدفع لفستان جديد ! انتي ترضينها طبعا لا

    اذا ماتبينها تلبسه اقنعيها تعطينها قيمه فستان جديد وهي تشتري غيره وتخلي هذا لمناسبات بعيده عن اقاربكم
    واذا ماتبين تعطينها اشوفها انها هي الاحق بلبسه لانها حق كبار ويناسبها اكثر وماكانت تدري عن فستان بنتك اساسا

  4. @sh_f_l

    صاحبة الموضوع
    انا علمت زوجي عشان اروح السوق ادور غيره ادري يبغالي لفلفة طويييلة يعني ماراح يقتنع اني فضاوة كذا نازلة السوق
    او ان الفستان هالحين ماعجبني وهو عارف اني بالقوة لقيته وميته عليه وكل يوم اطلعه اتغزل فيه خخخ
    خصوصا اني تعبت علي مالقينا لها هالفستان
    مقاسات الصغار تجي صغيرة عليها
    والكبار مو كلها تناسبها ماصدقت لقيت هالفستان 

  5. @sh_f_l

    صاحبة الموضوع
    انا ماعلي لبسو مع بعض او لا

    بس اختي تقدر ترجعه معاها الفاتورة وماصار وقت عادي تستبدل لكن بنتي من زمان شارية الفستان ولا ادري عن الفاتورة وماشاء الله تلاقي كثير يناسبها وكمان الملكة وقت اختبارات 

    يوم قلت لهم كذا قالت رجعي فستان بنتك بفاتورتي
    طيب اختي اخذته بالتخفيض حرام نص قيمة الفستان تروح علي 
    اضافة انه مابقي غير اسبوعين مااظمن الاقي لبنتي غيره

تابعي تجارب أخرى من هذا القسم.