مين مثلي قاعدة مع زوجها وهي تكرهه

الله يعين

أولا أشكر كل اللي ردو علي.وبالفعل الموضوع ناقص لأني إنشغلت وما قدرت أكمل.السالفة ومافيها إن زوجي من النوع المتسلط .كلامه وصخ دايما يسبني يشتمني .يسوي مشاكل على لاشيء.في البداية كان يعتذر .لكن في السنوات الأخيرة ولايعتذر ولاشي دايما يعاملني كأنه مغصوب علي. المشكلة إنه شايفني الشوفة الشرعية .ولا كان قلت يمكن يشوفني موحلوة.والله ما أقصر معاه بس هو أخلاقه كذا.يمكن تقولون عين.لا لأن هو وأهله كذا حياتهم كلها صراخ وسب وشتم ومشاكل.لكن أنا ماتعودت على كذا.عندي منه ثلاث عيال الله يحفظهم

هذا غير إن راتبه ضعيف وهذا الشي مايعيب لكن بما إني أساعده في المصروف لأن راتبه يغطي ليت يحشمني شوي.
شهادته متوسط أنا كنت أدري بس هو واعدني إنه بيكمل ..وإلى الآن ماكمل .
.أنا أتوقع إن عنده إحساس بالنقص عشان كذا يحتقرني....طيب ليش أخذني ...ما أدري
عينه زايغة دايما سواء في الشارع في النت. بعد الزواج بكم سنه وبعد ماجبت العيال إكتشفت إنه دايما يطالع أفلام إباحية .والحين تطور الأمر وصار عنده حساب في الفيس بوك.. مره نساه مفتوح وشفته ظايف بنات حسبي الله عليه .مو أي بنات .داعرات صورها أصلا شبه عارية وير سلون روابط آباحية.ولما بكيت وإنفجرت عنده قال هذا أنا تبغين ولا روحي بيت أهلك ومين قالك تفتشين وراي
.قلت له طيب طلقني قال لا بخليك شغالة للعيال!
( للمعلوميه هو مستغل حسابة بس في هالأشياء ولا هو مايعرف يقرا كأنه واحد في أول إبتدائي) نفس الشي القراءة والكتابه ماتعيب لكن أنا قصدي إن كل شي شين مجتمع فيه...

مرة مد يده علي والله من قوة الألم تنفخ وجهي حتى في السجود أتعب من الألم.بس طبعا مدة اليد هذي ماسكت عليها دخلت أخوي في الموضوع.ولا عاد كررها.طيب كلمت أخوي قلت له شف له حل مع أخلاقة قال المشكلة هذا هو طبعة!
المشكلة أخوي ماهو راضي بالطلاق يقول فكري في عيالك .
والله جاتني أمراض دايما أحس بآلام في جسمي من التعب والقهر.

بقول لكم موقف من أبسط المواقف اللي تمر علي عشان تحسون فيني.مثلا أكون لابسة له ومتعدلة ومسوية عشا حركات وأجيب العشا ....وفجأة يصرخ وين الملح...
يعني جات على الملح. تخيلو موقفي دايما في نظره أنا مقصرة .على أتفه الأسباب ياخذ مخدته وينام في المجلس.ومايرضى إلا لما أنا أروح أراضيه..
أحس إني مهمومه مخنوقة ماأحد يدري عن بلاويه إلا أهله لأنهم مثله.وأخوي.
أمي ماتدري عن شي لي 11 سنه متزوجه وماعمري قلت لها شي راعية سكر ولا أبي أضيق صدرها.أمي لو تجيني زكمة تحاتييني شلون لو تدري بتعامله معي. ياليت تعطوني كلام يريحني لأن نفسيتي تعبانه مرة

ياحبيتبي وينك من الاستغفار والله الاستغفار يفك الاقفال وله فضل عظيم
والدعاء والله الدعاء مخ العباده ولا يرد القضاء الا الدعاء
انصحك باالدعاء

وقيام الليل وادعي الله ليل ونهار ان الله يغيره للاحسن

الله يرحمك برحمتة

الله ياخد الاشكال اللي زي كدا لايرحمون ولايخلون رحمه ربي تنزل زي زوجي اكره كره العمي مهمليني لعاب بحقوقي ومعطني اكبر طناش يعاملني زي شغاله لكن انا ماراح اسكت له ولااخليه يذلني كلمت اهله يشوفون وش سالفته