شاركي في النقاش

سجلي الدخول لإضافة تعليق.

التعليقات

19

  3. @aaashk_algmal_6

    & روائع الصبر &
    الله يفرج همك ويكفيك شر كل ما به شر
    شوفي يالغالية واضح إنك طيبة القلب و ما تحبين و لا تفهمين أسلوب الخباثة اللي يتبعه البعض ، و واضح جدا إنك من النوع اللي يحب يسمع المدح و الثناء من اللي حواليه و هذا من حقك

    في البداية قدري ذاتك و حبيها و طوريها ، و لا يهمك اي كلمة تنقال عنك من عدو ، لأنها مو صحيحة فيك بل هي نابعة من غله و حبه في أذيتك ، رب العالمين كرمنا كلنا بني البشر و خلقنا في أحسن تقويم ، و كلنا سواسية عند الله سبحانه ، و لا فرق بين عربي و أعجمي إلا بالتقوى ، يعني لا تهتمين لها انتي بشر الله خالقه و هي بشر الله خالقه ، منو هي اللي تنكد عليك و الا تضايقك برايها


    كوني صداقات مع بنات كفو يحبونك و يحسسونك بقيمتك ، الصداقة و العزوة حلوة

    أساليب التطنيش كثيرة بعلمك إياها

    1/ تجنب هالنوعية من الناس أفضل حل ، و اختصار الكلام و الجلوس معاهم أحسن ، لا اطولين السوالف و لا تندمجين بالحديث معاهم كثير ، في ناس يحترمون و يهابون اللي ما يعطيهم وجه و يقابلهم على طول
    2/ إذا هي قريبة لك أو زميلة في الدراسة و العمل و مضطرة تشوفينها كل يوم ، كوني متأهبة و مستعدة إنها راح تبدي معاك مسلسل الغل اليوم ، خليك فطينة و حطي براسك إنه كلامها اللي بتقوله مو صحيح و ما راح اتصدقينه
    3/ إذا بدت تقط الكلام اسفهيها و خليها كنها اتكلم الطوفة ، طقطقي بالموبايل و الا سولفي مع أحد الجالسات اللي اتحبينهم عن موضوع ثاني
    4/اذا اضطريتي تسمعين كلامها خلي وجهك جامد معاها و طالعيها بعينها و الله لتنرعب
    5/ ممكن تعطينها ابتسامة استهزاء أول ما تخلص كلامها
    6/ممكن اتردين عليها ابرود و اتقولين امممم عادي ، أو طيب انتي ليش شايلة همي
    7/ ممكن تقلبين تعليقها كأنه نكتة قطتها و تضحكين عليها

    الكلام يطووول بس و الله أهم شي إنه اتحطين براسك إنه كلامهم لا يودي و لا يجيب و نفس اللي يسوونه فيك و الله العظيم إنه قاعد يصير لهم مع ناس ثانين يعني الله ياخذ حقك منهم ، بعدين لا اتفكرين كثير باللي سووه فيكي بس قولي الله يسامحهم على اللي صار و من اليوم و طالع راح يوقفون عند حدهم ، و افرحي هم عطوك حسناتهم باللي سووه

  4. @aythar_11

    وحدة الله لا يوفقها احسنت لها وكنت طيبة للاخر واكتشفت خبثها ولئمها وانها منافقة يوم اكتشفتها صارحتها بعد ماصبرت وكنت اتغاضى وطنشتهاا

    انقهرت وسارت كل ماتشوفني تدق بالكلام وتشمت بي وماتبغى لي الخير

    المشكلة انها من القرايب مرة غير انها فرقت بيني وبين قريباتي من طرفها وبحكم انها قريبتهم مرة وقفوا معاهاا وتسوي مكايدة وتسوي نفسها بريئة منافقة لها وجهين

    ولما اقولهم ايش سوت لي تنكر الله ياخذ حقي منها يارب عاجل غير اجل زي ماظلمتني وبهذلتني

    وكل ماتشوفني بمناسبة لان اقاربنا واحد تدق بالكلام وتطالع من فوق لتحت وتشمق وتاذيني اذية الله واعلم بهاا واصبر واتصبررر مابي مشاكل وهي من تشوفني تدور الهواش تجنبتهااا لكن مافي فايدة

    الله ينصرني عليها والله جابت لي الهم وفرقت عوائل الله لا يوفقها حسبي الله ونعم الوكيل فيها ذكرتيني بهاا اعذريني انا زيك ابي حل وانا كافية خيري شرر لكن مافي فايدة من النوع الي لو تشوفك تدور لك اي مشكلة وتدق وتستفزز تكرة تحقد الله ينتقم منهااا

تابعي تجارب أخرى من هذا القسم.