شاركي في النقاش

سجلي الدخول لإضافة تعليق.

التعليقات

2,901
  1. صاحبة الموضوع
    مدام وائل
    اه معلهش يا دينا لو تعرفى عجينة السبرنج رول بتتعمل اذاى ياريت تقوليلى مقاديرها معلهش اناتعباكى معايا والله بس ربنا يجازيكى الجنة
    أم أبيها74 والله يابنتى الفراخ دى عملتلى هلع فى دماغى وسبحان الله كل ما اقول خلاص بقى انا حشتريها يعنى حيحصل اية ؟؟الاقى تانى يوم مانشيت فى الجرنال ان فية حالات جديدة ظهرت فى ...و.... زى ما يكونوا مستقصدنى :hahaha: وبالنسبة للكسكسى ياسيتى بتعملى اللى حقولك علية سيبك من اللى مكتوب على العلبة حنسوية على حمام مائى بالبخار هاتى حلة وضعى فيها ماء بس الماء متلمسش المصفاة علشان خدى بالك ان الماء لما بيغلى حيرتفع لفوق وضعى عليها مصفاة مخرمة طبعا بس تكون بقدر الامكان لابسة حلو على الحلة وتروحى جايبة شاشة وتضعى فيها الكسكسى وترشرشية بايدك بشوية ماء وتقفلى الشاشة كويس على الكسكسى وتغطى بغطاء حلة كمان وتسبيهم على النار وكل شوية حوالى كل ربع ساعة تفتحى الشاشة وتقلبى الكسكسى بالمعلقة كويس وتغطية تانى يادوب مرتين او تقليبتين وحتلاقية استوى وطرى وفرفر خلاص كدة بقى جاهز وتستخدمية سواء بالخضار او حلو بالسكر

    وممكن تعملية وتسوية مرة واحدة بدل ما تفضلى كل شوية تقفى تسوية ازاى؟؟؟؟؟؟
    بعد ما يستوى وتطفى علية النار تسبية لحد ما يبرد وبعدين تضعية فى اكياس نايلون وتشيلية فى الفريز وكل ماتعوزى تروحى مطلعة كيس وبالهنا والشفا
  2. صاحبة الموضوع
    don
    أم أبيها74 والله يابنتى الفراخ دى عملتلى هلع فى دماغى وسبحان الله كل ما اقول خلاص بقى انا حشتريها يعنى حيحصل اية ؟؟الاقى تانى يوم مانشيت فى الجرنال ان فية حالات جديدة ظهرت فى ...و.... زى ما يكونوا مستقصدنى :hahaha: وبالنسبة للكسكسى ياسيت…
    فكرة حلوة لام ابيها ورانيا بخصوص الكسكسى

    ساعات وانتى بتسوية على البخار الماء اللى فى الحلة بيخلص وينشف وانتى مبتخديش بالك اقولك تعملى اية ؟؟؟؟؟؟ خلى عندك قطعه زجاج صغيرة اى قطعه زجاج وتضعيها فى الماء فطول ما الماء موجود فى الحلة وبيغلى حتفضلى تسمعى الزجاجة وهى عمالة تخبط واول ما الماء يخلص من الحلة حتلاقى صوت الزجاجة سكت وبطلت تخبط فتعرفى ساعتها انك تضعى ماء تانى فى الحلة ..تمام ؟؟؟؟؟؟؟؟؟؟؟ اى خدمه :42:
  3. صاحبة الموضوع
    don
    فكرة حلوة لام ابيها ورانيا بخصوص الكسكسى ساعات وانتى بتسوية على البخار الماء اللى فى الحلة بيخلص وينشف وانتى مبتخديش بالك اقولك تعملى اية ؟؟؟؟؟؟ خلى عندك قطعه زجاج صغيرة اى قطعه زجاج وتضعيها فى الماء فطول ما الماء موجود فى الحلة وبيغلى حت…
    مدام وائل تدخلى او متدخليش انا دايما فكراكى وربنا يقومك بالف سلامة وقولى للنونو حااااضر بكرة او بعده حعملهالك من غير سميد وحصورهالكم من عنيا (والظاهر ان النونو داخل على طمع ):42:
    وبالنسبة للسبرنج رول انا بشترية يا ايمان مبعملوش خالص
  4. صاحبة الموضوع
    don
    مدام وائل تدخلى او متدخليش انا دايما فكراكى وربنا يقومك بالف سلامة وقولى للنونو حااااضر بكرة او بعده حعملهالك من غير سميد وحصورهالكم من عنيا (والظاهر ان النونو داخل على طمع ):42: وبالنسبة للسبرنج رول انا بشترية يا ايمان مبعملوش خالص
    ازيك يا رانيتى بالنسبة للكسكسى خلاص بقى ابعد ياشيطان .... بالنسبة لاكل الاطفال طبعا السن دة المفروض تكونى بتاكليها كل حاجة ومن اكلكم بس الموضوع عايز شطارة منك وصبر ازاى ؟؟؟ يعنى بينى وبينك الاكل بيبقى متشابه كل يوم لكن الرك عليكى انتى فى طريقة تقديمة انتى ممكن قوى تضحكى عليها ويكون الاكل هو نفسه بتاع امبارح كل الحكاية ان العيل بيزهق وخصوصا اذا كان من النوع اللى مش آكول وبيحب لاكل وممكن لعلمك يكون بتاع امبارح هو بتاع النهاردة لكن تغيرى بس نوع العصير اللى مع الاكل بمعنى تعملى مع الفطار اما كوب نسكويك او عصير برتقال او شاى يالحليب او كوب حليب المهم انها تحس ان فية تغيير على الترابيزة وبعدين انتى ممكن تعملى وحدات بيتسا مدورة صغيرة وممكن كل انواع البيض وممكن توست بلافاش او سبرد او مربى او ذبادى بالعسل او بالفواكه او جبنة شيدر تحطيها فى التوستر مع جبنة شيدر تسييح وتبقى جميلة ممكن كورن فليكس وياريت لو تلعبى فى التقديم بالزيتون والسوسيس وتعملى اشكال وممكن حليب وبسكويت بس يارانيا وفين الفول المدمس بس شيلى القشرة واهرسيه وممكن تضربى معاه صفار بيضة خلى وجبة الفطار مفيدة جدا وخفيفة جدا وممكن بدل العيش يبقى توست وبدل التوست يبقى كوواسان وجواه جبنة او عسل او شيكولاتة وعلى فكرة انا كنت مرة شفت حد عامل الاكل بطريقة جميلة للاطفال حدور عليكى ويارب الاقيها وانزلهالك اهو شىء من حيث المعرفة بس او يمكن الفكرة تعحبك او تديكى افكار تانية
  5. صاحبة الموضوع
    don
    ازيك يا رانيتى بالنسبة للكسكسى خلاص بقى ابعد ياشيطان .... بالنسبة لاكل الاطفال طبعا السن دة المفروض تكونى بتاكليها كل حاجة ومن اكلكم بس الموضوع عايز شطارة منك وصبر ازاى ؟؟؟ يعنى بينى وبينك الاكل بيبقى متشابه كل يوم لكن الرك عليكى انتى فى ط…
    اهم لقيت كام حاجة يارانيا


















تابعي تجارب أخرى من هذا القسم.