أغمد السيف يا سياف دونك مطير ... يغمدون السيوف اللي تسلونها
أغمد السيف تعليمات من عند امير ... بالعفو يسبق النقمة وما دونها
من ( جزاء ) اللي بتعداد المناقب جدير ... مدحته يغلطون اللي يعدونها
يوم في ساحة الميدان جمعا غفير ... بالنظر والرقاب اللي يمدونها
بالقلوب الخفوقة بالنهار العسير ... والجموع الغفيرة زاغت اعيونها
كلها تنتظر كلمة تعين الكسير ... من جزاء هو وربعه يوم يقلونها
كلمة العفو عند مطير مطلب يسير ... كلمةً عندهم بالطيب يبنونها
أعلنوها وكاد الجمع كله يطير ... والهتافات بالتكبير مضمونها
كلها يا جزاء تدعي بالأجر الوفير ... يوم الأموال خانت ناس يجنونها
من بني مالك التقدير ما له نظير ... لكن الجنة أبقى يوم تبغونها
جنة الخلد والفردوس نعم المصير ... ندعي الله يجازيكم بمكنونها
في ساحة القصاص جزاء بن متعب المطيري عفوه عن فيصل المالكي (24 سنة
متابعة النقاش، صفحة 12