السلام عليكم
أنا من الشرقية وزواج أختي بعد 10 أيام وأنا الأخت الكبيرة ( المسكينة في هاللحظات واللي كل شي فوق راسها )
بالنسبة للاستعدادات حاولت أقسم المهام بين افراد العائلة خاصة اللي أثق في ذوقهم وعارفة انهم بيبدعون في هالمجال , وكل ماكان استعدادك مبكر راح ترتاحين في الاخير لان بعض المحلات وخاصة الكوش يرفعون الاسعار اذا قربت المناسبة .
الصبابات : سلمت هالمهمة لأمي وخالتي
الفرقة : سلمتها لأخوي لأن كان اتفاقنا ان نجيب رجال مع مرة يغنون سوا بس الرجال هو حق الفرقة ( طبعا بدون موسيقى )
أختي الصغيرة في متوسط حبيت استفيد منها في شي تفهم له فوكلت لها مهمة اختيار الأغاني لانها تعرف في هالامور ووش الجديد والمطلوب هاليومين لأن أنا هالمجال في وادي وانا في وادي ثاني
أولا : بالنسبة لطاولة الاستقبال طلبت من الأخت ( مس ديزاين ) واهي تاجرة موثوقة في المنتدى الميل بوكس اللي توضع فيه بطاقات التهنئة للعروس والبطاقات على شكل عروسة وعلى كل بطاقة اسماء العرسان وتاريخ الزفاف وبصراحة شغل مرتب وماقصرت , وعلى الطاولة برضوا محتارة بين شغلتين اما نافورة العود او باشتري قفص عصافير ابيض فخم وباحط داخله بلبل يطرب اللي يدخلون بصوته .
ثانيا : بالنسبة للتقديمات أغلبها من محل ( كونتري ) بشارع الببسي بصراحة محل شامل وشي يشرف وعنده توصيل .
ومتعارف عندنا بعد ماتنزف العروسة يوزع شوكولاتة يحمل اسم المعاريس وتلقينهم في محلين ( بستاني _ الشوكولاتة السويسرية )
ثالثا : عند دورات المياه اللي في الاستقبال او المرايات عند المدخل باحط باذن الله ستاند يحتوي على علب صغيرة كل علبة فيها بعض احتياجات المدعوات اللي قد تنساهم بالبيت ( عطور فرنسية _ بنس _ كريمات يدين _ مشط ........ )
تقريبا هذا اللي في بالي حاليا والله يوفق اختي ويسعدها ويسعد كل عروس ياااارب
تعالو يااهل العرسان نجهز لافراحنا مع بعض \ اخذ حقه من الردود
متابعة النقاش، صفحة 53