سؤال للنقاش : أغار على زوجي من كل شيء

بنات فيه شيء أنا مستغربته
اختي الله مارزقها بأطفال ويوم احد يقولها افرضي زوجك يتزوج عليك ترفض قطعاً

امي الله يحفظها قالت: الله يرحم ايام زمان كانوا نص رجالنا يتزوجون على حريمهم بدون سبب والزوجه ماتقول شيء عادي تجلس ببيتها وعند عياله
ومانعرف غيره وتفتيش وراه وخوف مبالغ عليه ومراقبته

استغربنا قلنا انا واخواتي غريبه ماكانوا يغارون يوم تشوف زوجها يخطب ويتزوج
ماتزعل ولاشيء

حتى كانوا زمان الوحده تسال الثانيه كيف زوجك وش اخباره وسلامته مايشوف شر وسلمي لي عليه!!!

بس ماكنت الزوجه مثلنا الان( يؤ الحقوني تسال عن زوجي وتجلس ميته خوف على زوجها وتكره الادميه اللي تسال عن زوجها

معقوله ماكانت فيه غيره:huh:

اهل زوج اختي كان الرجال قديما يسلم على زوجات اخوانه لفظي السلام عليكم/
ويسالهم عن احوالهم
وزوجته عادي ماتزعل ولاشيء...

وابوي الله يحفظه اذا جاب فطور لنا برمضان يعطي جارتنا بحسن نيه من الفطور
وامي ماتزعل ولاشيء
لو نحنا قلنا بينهم علاقه;)

احد الصديقات ابوها مرض
وكانت جارتهم ترسل له (شوربه ومرقه وعصيده)
وتقول لزوجته اعطيها ابوكم
وبالعافيه
وزوجته تشكرها
لو جيلنا كان قلنا وش دخلها بزوجي
وكان راح بال ازواجنا بعيد
ان الجاره تحبه;)


قبل فتره انصدمت صديقتي زوجة اخوها تغار عليه من اهله!!!!
وصديقتي تقول اخوي تغار عليه مني:icon33:
(حدثت لها مواقف واضحه وصريحه وتدل على الغيره)


السؤال:هل الغيره شيء جديد مستحدث او غريزه قديمه ولاكن كانت مكبوته فانفجرت بشكل سلبي حتى اصبحت الزوجه تغار ان يسمع زوجها صوت جارتها بالغلط ؟؟؟
وتغار عليه من نظرات النساء بشكل عفوي
ومن امه واخواته


بنات افهموني انا قصدي من الموضوع ليش ماكانوا مثلنا يغاروا لو مثلنا زوجها كلم زوجة اخوه بحسن نيه
ليه نحنا لو طالعت فيه فلانه متنا غيره
مع انا عارفين ماراح توصل له ولايوصل لها
نظره عابره بسوق

ليه احساس الغيره ماكان يعتري امهاتنا وجدادتنا حتى لو زمنهم غير
ونيتهم صافيه
الغيره تحصل بمجرد حدوث الزواج والحب

36 تعليق 8,556 مشاهدة

شاركي في النقاش

سجلي الدخول لإضافة تعليق.

التعليقات

34
  1. @aaalmy_aloasaa

    الغيرة موجودة في كل الأزمان

    بس كانت زمان النفوس غير والنية غير ومافي خوف والثقة كبيرة بين الكل

    بس الحينة الزمن صار يخوف من إلي نسمعه
  2. @maaana_anth

    الزمن هن نفسه بس الناس وتفكيرهم تغير والعياذ بالله بعد امي ربي يطولي بعمرها تقول اجلس مع عمانكم انا وحريمهم بالغطاء بيت واحد ونطبخ ونقلط الاكل ويعاملونهم كانهم خواتهم وهن محتشمات طبعا الجيل تغير الحين البزر بالابتدائي عليه نظرات ولا نظرات شاب في العشرين
  3. @thkk_alhlm

    ايه والله امك نفس امي نيتها طيبه اذكر واحد من جيراننا دخلت زوجته المستفي في رمضان حريم الحاره كلهم تكفلووا فيه صار كل يووم علي وحده فيهم تفطره وتسحره وعادي الحين والله محد يطق باب احد ووحد اعرفها مملكه تقوول اغار من زوجي لمن يجي يسلم علي امها وتخلي امها تلبس عبايه ونقاب ولا تخليها تطوول عنده وتقوول لو بيدي حتي خواته وامه ما اخليهم يسلموون عليه سبحان الله الجيل القديم والجيل الجديد
  4. لا ياعمرى اول فية غيرة بس كانت النفوس طيبة والحياة بسيطة
    بس الحين كثرة القنوات الفضائة والاشكال والالوان والمغريات للحياة والفتن علشان كذا الزوجة تخاف
  5. @nkhl_mthmrh

    تحقق الحلم
    ايه والله امك نفس امي نيتها طيبه اذكر واحد من جيراننا دخلت زوجته المستفي في رمضان حريم الحاره كلهم تكفلووا فيه صار كل يووم علي وحده فيهم تفطره وتسحره وعادي الحين والله محد يطق باب احد ووحد اعرفها مملكه تقوول اغار من زوجي لمن يجي يسلم علي ا…
    حبيبتي اول كانت الحياه ضيقه
    يعني يمكن الناس مايشفون الا يجرانهم الي حوالين بيتهم يعني كم بيت بس
    بس الحين صار انفتاح وصار انترنت يعني تسمعين كل حوادث العالم وتسمعين حوادث الحريم الي يخطفون الرجاجيل من زووجاتهم ويسمعون عن السحور

    اول كانت الحرمه ماتتتعطل على طووووووول تلقى لها رجال ورجال شهم ويشيلها ويحشمها وماتحتاج تغير من صديقتها ولا اختها


    بس هذه الايام البنات كثرو في البيوت وكل وحده زااايغ قلبها تبي زوج
    والحريم المتزوجات يعرفون نفس البنت في الرجال فاتشوفينها تخاف انه احد يلطشه
    وياكثر الحريم الي مش مرتاحين مع ازواجهم فاتشوفينها ممكن تحط عينها على زوج صديقتها
    وتسمعين من هالسوالف
    انعدمت الثقه وانعدم الاحاساس في الامان

تابعي تجارب أخرى من هذا القسم.