الملف الــحــــــ(11)ــــادي عشر لــــ((خبرتي+خبرتك بمستشفيات المنطقه الشرقيه))

وينكم مكسلين مالكن حس غررررريبه ؟ والا بدا العد التنازلي وبدا الثقل معه


مريم بسالك عن دكتوره نعيمه باسطون تعرفين احد ولد عندها ومدحها لاني اول مره دخلت عليها هالموعد ومدري متردده مع انها الباين انها كويسه

انا متعوده على عزه ومحتاااااره

World Happiness .. الله يسعدك و يسهل عليييييييك شمعة التجمع إنتي


شوفوا حظي النحس من تزوجت ما رحت شهر عسل و حملت على طول و بعد مطاقق قرر زوجي يوديني دبي ..

و قبل نحجز قلت له خل الحجز " قابل للاسترجاع " يمكن يصير شي قبل نسافر قال فداك الفلوس .. و حجز على أرخص طيران

و قعدت أبحث بالنت لقيت منع السفر للي تعدوا الاسبوع 32 .. و خصوصا فلاي دبي متشددين مررررررررة و معقدين حتى لو بتقرير طبي و أنا خلصت ال34 و ممنوع منعا باتا السفر في 35 حتى لو بتقرير

و رحت للدكتورة أكشف و أتطمن و آخذ تقرير قالت ما بيمديك لأن حتى طبيا ممنوع سفرك .. مع إن فحوصاتي سليمة

و عطتني طريقة إذا كنت مصرررررة .. بس ما سويتها عشان سلامتي طبعاً أنا و النونو .. و طز بالسفرة ..

و الله حتى لما وافق نسافر كنت مترددة لأن دبي محتاجة مشي و أبغى أروح أماكن كثيرة ما أقدر أتحمل بس قلت

حتى لو أزمت بخليه ياخذ لي كرسي أبو عجلات خخخ أهم شي أروح قبل إزعاج النونو .. :biggrinlo

المهم ما بروح .. و التذكرة راحت بس آآآآآآخ :024:

عاد قال لي نروح الكويت بر أو الرياض بس النفسية صكت .. و أيام الوحم كنت أروح البحرين و لايعة كبدي منها

ما فيني شدة للسفر بر و لو سافرت بتصير محسوبة علي سفرة و هي ما تسوى ..

قلت أقولكم التجربة عشان ما يصير لكم إحباط مثلي ..

أمس طبيت على محل مواليد حللللللووووو

عنده أنواع من سرر المواليد اللي خشب و اللي سلة للأربعين زي هالأشكال



اللي زي كذا أسعارهم ما بين 130 إلى 180






سألته عن سعر السرير هذا و هو هزاز قال بـ300




و عنده طقم النفاس الكامل المفرش و السلال و الزبالة و انتوا بكرامة و دولاب صغير للنونو و سرير إلخخخ




عنده جدار كامل كله تشكيلة مدسات بالكوووووووووم و مفارش بيبي ( شي مع مخدته و شي بدون )

سألته عن مفرش بدون مخده قال بـ30 ,, و مدس بـ 70 حليوة أسعاره



عنده شوية ملابس و شنطة أغراض النونو و قمصان رضاعة




ميزته إنه مركّز ع السرر و المدسات المحل مليااااااااااااان أشكال و ألوان

أول كنت أدور مدس و يوم بطلت منه لقيته :tongue3:


المحل اسمه ( الملاك الصغير ) و مكانه :

الدمام - شارع الملك خالد - جنب زاكي و بيتزا هت تقريباً ( قبل المستشفى المركزي )

الصور اللي حطيتها تقريبية لا تعصبون علي :wink:

السلام عليكم

صباح الخير

آسفه أمس ما طليت عليكم كنت مشغوله إن شاء الله كلكم بخير

جاية من قوقل مشكوره على الصور كنت بسألك وين المحل ولقيتك كاتبه الوصف بالتفصيل جزاك الله خير

يا رب البنات إللي قريبه ولادتهم يجو يبشرونا ويطمنوننا عنهم

الله يتمم علينا وعلى كل حامل ويرزقنا الذريه الصالحه وكل مشتاق

World Happiness أبد حاضرين .. أبشرك رتبت شنطتي حق المستشفى

و شطفت ملابس بنوتي انتظرها تنشف و تجهز شنطتها خلاص .. كلولولولولوش ..


أنا ما حطيت أغراض شاور للنونو .. و بس أخذت حفاظتين احتياط

قلت المستشفى بيروشونها أصلا و بيعطوني حفاظات صح ؟؟ شرايكم ؟؟