ظلمنا الفتاة وسلبنا مهرها منها بتصرفاتنا واساليبنا

لا اله الا الله

جزاك الله خير وفتح الله عليك وعلى كل وحده معارضتني بأدب وبارك الله لكم في مالكم وأولادكم

وحسبي الله على كل وحده ردت وتلفظت بكلمات جارحه لها رب العالمين ينتقم لي
هذا راي قلته أجل لو إني ماخذه منكم شي وش كان سويتوا حكمتوا علي قصاص مثلا
ماتخيلت ردودكم كذا أبدا
وإذا كان المهر ينفق بالملابس والأغراض فمثل ماقلتي يسمى نفقة وليس مهر ..
أصبح الشاب وأهل الشاب ينتظرون العروس تقضي أغراض لاحصر لها من ومن ومن بعضها مثل ماقالوا الأخوات مفارش السرير والأمور هذي اللي مقتدره وبتساعد الزوج الله ييسرلها
لكن كذا صار هذا مو مهر صار نفقة المهر فعلا شيئ بسيط وممكن يعطيها العريس مبلغ ويسميه بانه نفقه لها تنفقه وتجهز نفسها لكن مانقول مهر فرق بين المهر والنفقه

وأنا ماعندي بنات وأسأل الله يرزقني بنات خلفتي كلهم أولاد وقريب أزوجهم وإن شاء الله يكون طريقتي كذا بالعقل إذا جهزت نفسها واشترت ملابس كثيرة البنت بتحمل ويتغير جسمها لاستفادت من المهر ولا الملابس كله يروح

عروس ولدي بإذن الله لها مهر معقول بالقدر اللي نوفره لها حول 10 أو 20 ألف تشيلها تلعب فيها ماتدخل فيها شي للبيت حتى ملابسها وولدي مسؤول يجهزها

ولها مبلغ نفقه تجهز نفسها فيه بالمعقول ومافيها شي إذا ولدي وداها اول يوم السوق واشترالها مو شرط اول يوم بيكون عندها لبس وغيارات لاسبوع تقريبا

أما أجي أنا أم العريس وأشوف وش اشترت بمبلغ المهر وولدي يحاسبها ويقولها انا عطيتك المهر عشان تقضين هذا ماصار مهر صار نفقه

أعطيها شي مهر وشي نفقه وبالمعقول

ولا أضيق على العريس بالطلبات اللي يقدر عليه يسويه لو فرح بسيط يجمع حبايبهم وقرايبهم بس

وبعدين صار الناس تقلد بعض كل وحده تسوي شي وشويات لبنتها أدري هي حره وبكيفها بس البنت الفقيرة ينكسر خاطرها يوم محد يعملها زي صاحبتها إبتدعنا أشياء وتكاليف وامور مو بالعقل

وكل وحده تتهمني بشي أسأل الله يبليها فيه وتطلع صفة معروفة فيها وربنا قادر سبحانه

هي نفسها سواء دفعتي 50 الف وهي اشترت اشيائها بنفسها وبقت لنفسها 10 او 20 الف
او ولدك دفع لها 10 او 20 وراح اشترا لها ب30 فرضا في النهايه هي نفسها 50 دافعها دافعها

خلي يدفعها بدري على اساس العروسه تجهز نفسها من بدري بدل اللخبطه بعد الزواج

أختي العزيزة
جهاز العروس هذا هي أو أهلها يجهزوه وهذا أبداً ما كان من مسئوليات العريس
والمتعاوف عليه إنه المهر للعروس يا تجهز نفسها بيه أو تخليه لنفسها وأهلها هم يشتروا لها كل شئ إذا كانوا مقتدرين
وشئ طبيعي الوحدة تشتري بمهرها ذهب بالعكس عين العقل
وأما إنه الوحدة تطلب من عريسها يشتريها حتى فستان الفرح،، فوقتها لا تلوم إلا نفسها لو جاب لها فستان بخمسمية ريال أو حتى إيجار،،

طيب ايش رايك الاهل اللي ياخذون مهر بنتهم ولا يعطونها شي


اختي هذا المهر دوخ العالم الكل يطمع فيه

والكل يبي يصير وصي على العروس ويسأل عن مهرها ويطلب منها


انتي موضوعك عجيب من نوعه ما سمعت فيه من قبل

المهر تدرون علشان ايش

المهر يا بنات المرأة لما تتزوج في البداية تستحي من زوجها وتطلبه فلوس فالمهر مو شرط مبلغ كبير يكسر ظهر المعرس هو شي بسيط علشان تنفق على نفسها او ترجع لبيت لاهلها لو ما ارتاحت في الزواج

والعروس في الاسلام اعلان واشهار العزيمة شاه فقط الدين يسر

اما التكاليف اللي نشوفها الآن فهذي ليست من الدين

نرجع لموضوعنا

انتي قلتي نفقة اي نفقة اختي بارك الله فيكي النفقة غير والمهر غير

المهر للعروس هي تتصرف فيه مثل ما تبي والنفقة واجبه على الزوج ومو مفروض المرأة تنفق على نفسها من المهر ابد

فكرة اللي في موضوعك فريدة من نوعها ما قط سمعت فيها

صح يجب ان نقلل المهور والمصاريف على الشباب من اجل الزواج ولكن لا نربط المهر بالنفقة

اتمنى ان تكون فكرتي وصلت

وانا وحدة لا شفت مهر ولا شي والله يسامح اللي اخذ مهري وكنت اجهز نفسي بنفسي والحمد لله