لكل من هي في الاشهر الثلاث الاولى الصعععبه حياكم...يفتح من جديد

بنات انا توني جايه من عند الدكتوره وقلت لها على الم الظهر واعطتني حبوب مثبته 3 مرات باليوم وبعد اسبوع مرتين باليوم وعطتني حمض الفوليك ونصحتني بالراحه بس ياحسره من وين راحه واحنا نكرف بهالمدارس ماحد يرحم احد المهم يوم سوت اشعه مابين شي والله خفت بس قالت انتي يمكن ماخلصتي 5 اسابيع عشان كذا مابين الكيس تعالي بعد اسبوع او عشر ايام يبين
وهذا هو يومي الله يعين بس الي مخوفني ظهري الله يستر منه بس ويعدي هالايام على خير

انا طلع عندب فقر دم وقالت لي الدكتوره اليوم راح اكتب لك الحديد

بس تخلصي الفوليك استخدمي الحديد

وانا مثلك ياحلاها مبتليها معي الام في ظهري وقالت لي نامي على ظهرك ولاتكثرين حركه

وللحين مااخذت اشاعه قالت لي بعد مااكمل شهر ونص

ان شاء الله

انتي استمري على المثبت انا قالت لي استمر على المثبت لمدة ثلاث شهور الله يعين بس

ويلا عطونا اخباركم اول باول

أنا بعد معكم حاااااامل لي أربعة أسابيع
وقصتي غريبه جدااا الله يتمم حملي على خير
قبل ثلاث أسابيع رحت وسويت تحليل دم علشان الحمل وما طلعت النتيجه موجبه وقلت للدكتوره أنا معي ألم في ظهري وهات كشف علي بالمهبل ولقت التهابات وعطتني تحاميل وغسول وعطتني الدوفستون قالت للدوره تنزلها استخدميها خمسة ايام وبعد خمسة ايام تنزل وقالت عموما كل الادويه اللي أعطيتك اياها تستخدم أثناء الحمل لو كان فيه حمل وبنفسي أضحك أقول لامافيني شيء
وراحت الايام ولا شفت شيء دوره ولا غيرها
وكلمت الدكتوره وانا ضايق صدري كل شيء بجسمي يوجعني صدري والم اسفل ظهري
كأن الدوره بتنزل
قلت لها مانزلت قالت تعالي حبيبتي أبشوف عندك هرمون الحليب ولما جيتها
قات أبطلبك طلب ابسوي لك تحليل حمل مره ثانيه دم علشان نطمن وسويت التحليل

وطلعت حاااااااااااااااااامل
والله ما أكذب عليكم جاني الخبر ما كنت متوقعته أبد لان فيه دكتوره ثانيه قالت لي عندك ضعف في التبويض وما حطيت الحمل في بالي بسسسسسسس الحمدلله
الله يتممممه لي على خير
وأنا وضعي زيك يا حلاها مبتليها الكيس للحين ما بين وأنا خايفه لان معي الم في ظهري والله يستر

وحمض الفوليك اللي بيسألون عنه مفيد جدا في بداية الحمل للجنين في تكوين الجهاز العصبي ويبعد عنه مرض الانشقاق في العمود الفقري على ما اعتقد ومفيد لدم الحامل
واسبرين الاطفال زين للي عندها مشاكل في الحمل وهو يمنع تجلط الدم بالذات لمشيمة الجنين
وهذي الادويه كلها استخدمها أنا
أسبرين الاطفال والدوفستون لان قد سقطت مرتين وهو مثبت وحمض الفوليك
وهذا هو حملي الثالث
وما شالله علي لاأحم ولا دستور قلت لكم قصة حياتي كامله
هههههههههههههههه
بس تراني معكم في المجموعه

الاميره ساره ...والله مافي فايده خصوصا مديرتنا مرررررره طيبه <<<المعنى في بطن الشاعر هههههه

غريبه يازمن...ممكن حبيبتي اعرف اخر دوره جاتك بالهجري لان الدكتوره تقول اني ماكملت 5 اسابيع

همساتي...الف الف مبروك الله يتمم لك بخير وياكثر هالحركات الي تصير لنا انا في حملي بولدي رحت للحج واخذت حبوب ماتنزل الدوره وسويت البلاوي وانا مادري اني حامل بس ربك ستار

حياك الله ام بتول واعطينا اخبارك ياغاليه

حلاها مبتليها انا اخر دوره جتني بـ 30/3/1427هـ

والدكتوره تقول لي بـ 15/ 5 ان شاء الله بكمل شهر