شاركي في النقاش

سجلي الدخول لإضافة تعليق.

التعليقات

1,958

  1. @aymas_1

    مساء الخيرات على كل الحبايب اللي طلو علينا اموله اخيراً شفناك الله يسعدك ماتخيلين وشلون فرحتي يوم شفت مشاركتك الله يكتب لك الخير بكل خطوه تخطينها
    بنوته هلاوغلا الله يسعدك وانا مثلك راح علي العرس بس لازم يعوضننا بحفله اخرى الله يسعدك يابنوته على دعواتك لي واشكرك على الباقه الحلوه والاسم الحلو الله يلبسك من الماس الجنان الحمدلله انا مستمره على رقية نفسي ولله الحمد وتحسنت عن اول كثير ولله الحمد وبالنسبه لهدايا الطالبات الحمدلله ماتخيلين وشلون ابدع في هداياهن كل سنه غير وتغليف واحط مع كل هديه رساله لتلميذتي وصايا ونصائح لهن وادري ان الهديه لوهي صغيره ماتخيلين وقعه عليهن اشوف انا اذاجتني هديه وش فرحتي رغم اني كبيره بس له فرحه حتى لوهي بسيطه والله يجعل اعمالنا خاصة لوجه الكريم
    واما حفظ القران احاول والله يااخيه بس غصب انسى والحين ابشرك باقي لي شوي واختم سورة البقره وحافظه بعض الاجزاء من القران والله يثبته ويعينني على حفظ الباقي ان شاءالله

  3. @aymas_1

    هلا بشوشو وضبوبه وينك وين اخبارك
    عزي عند ابوي الله يجزاك خير على تفطيرك للصائم لاتندمين على شئ لوجه الله احتسبيه ويجيك مثل اجره ويااختي الرجال تري بهم غفله شوي لكن ماينسون الطيب ابدا انا زوجي بعض الاحيان مااجيب سيره لشئ وهو يفكر وماادري الاويحكي بشغلي وقومتي معه بعزايمه عاد معروف بكثرة عزائمه وطلعاته للبر اقول بقلبي اشوى اللي مانسيتهن وهو عارف الفرق بيني وبينه بهالنقطه الخميس اللي فات جانا ضيف فجاه والساعه ١١ونصف قال يالله نبي غداء يرفع الراس واطير انا والشغاله ركض وبنتي ويالله نطبخ الذبيحه صغيره بس متاخرين وازين معه حلا وقرص ورق عنب وايدام وسلطات وماتجي الساعه وحده ونصف الاكل شئ جاهز والحمدلله انبسط على السفره وتجميله وهذا اختصاص بنيتي عاد جاني العصر وانا البس قال وين قلت امي عازمتني قال بس الضيف يبي يتعشى قلت انا مالي دخل غديتكم بيومي واظني ماقصرت والعشاء خلاص مالي دخل به على ام فلان سكت ورحت لامي عاد اساله قال والله انحست حوس حتى وليدي ماكان موجود قبل مايجي ادري انه تعود علينا بس قلت بكيفه خله يجرب عاد اساله اقول وش حطيتو قال سلطه بس كان العشاء برى البيت بعد يعني مااتعبت نفسه لاقهوه ولاشاهي ولاحتى طبخ المطعم طابخه له بحجة انه برى والذبيحه كبيره قلت ميخالف الواحد مايتحسف على الطيب

  4. @aymas_1

    هلا طبوعي الله يسهل عليك السفر نبي نفقدك بس اهم شئ وناستك الله يحفظك احسن لك ياقلبي ريحي من النت والاجهزه اللي اتلفت اعصابنا امس اقول لزوجي وعيالي وش رايكم نروح لمكان مافيه نت نبي نريح رؤسنا منهن الصراحه ببيت واحد ولكن متفرقين كلن عيونه بالجهاز ويديه حتى الاطفال المساكين صارت معهم والله ارحمهم مره
    اي والله المظلوم ربي ينصره ولوبعد حين اموله غاليه علينا بس الانسان مبتلى البارح تكلمني وحده من اعز صديقاتي وتشكي ظلم زوجه قلت ايه وحده حطيها تحت عينيك ماتندمين ابداً (إِنَّ مَوْعِدَهُمُ الصُّبْحُ أَلَيْسَ الصُّبْحُ بِقَرِيبٍ )لابد ان الظالم ياخذ حقه بس الانسان يبي له صبر ووالله من الواقع ومانرى حولنا ان الله نصر المظلومين واعلى كلمتهم واذل الظالمين بس اهم شئ التوكل وحسن الظن بالله اللهم يارب املاء قلوبنا تواضع وايمانا ويقيناً سبحان الله اشوف اشكال من البشر تقولين يمكن يملكون كل شئ وكانهم سيعمرون في هذه الارض ولايعلمون ان الذي خلقهم خلقني وان الذي اعطاهم حظاً اوذرية اومالاً امسك عني فربما خيراً لي وشراً عليهم نراهم وقد رفعو رؤسهم علينا ونحن واياهم خلقنا من تراب وسنعاد في التراب مااتخذو حبيبنا عليه الصلاة والسلام قدوة لهم كان يحب يجلس مع المساكين والفقراء ويخالطهم والله اني اكره صفة الغرور والكبر اشاهد بعض النساء تترفع على القاء السلام على الشغاله بحجة انها شغاله وفقيره وتتكبرعلى (وحده شحطت عن الموضوع )تذكرت شيخنا الله يرحمه على الطنطاوي

  5. @alrym_allaaob_4

    ايماس
    هلا بشوشو وضبوبه وينك وين اخبارك عزي عند ابوي الله يجزاك خير على تفطيرك للصائم لاتندمين على شئ لوجه الله احتسبيه ويجيك مثل اجره ويااختي الرجال تري بهم غفله شوي لكن ماينسون الطيب ابدا انا زوجي بعض الاحيان مااجيب سيره لشئ وهو يفكر وماادري ا…
    تكفين وش سويتي قسم تحمست؟

    الله يسعدك :llove:<<فيس مستحي:wink2:

    أحسنتِ كلام صحيح//


    بنات وراكم أمس تهدون لخالتي <آلسيده رمانه> وأنا العريسه ماتهدون لي:icon36:


    مشاعر وش تفكرين فيه بالإمتحانات ههههههههههههههههههههههه يوم قلتي احليلك بريئه حسيت اني بزر:44:
    لا وينفقن فساتيني أبد ألبس وأفصخ بهالفساتين وذا سمنت عليه وذا طلت عليه وذا بخيط عليه ههههههههههههههههههههههههههههههههههه وأقفل آلباب علي لأن أمي لو تشوفن ياويلي :tongue:

تابعي تجارب أخرى من هذا القسم.