مأساة منتظرة تتكرر معاي شو اسوي يارب ماريد اتطلق

الله يقومك بالسلامه ويفرحنا بسلامتك
اقوووول بنات قولوا امين
اللهم ياحي ياقيوم ياذا الجلال والإكرام يارحيم ياودود ياذا العرش الكريم نسألك بكل اسم هولك سميت به نفسك اوانزلته في كتبك او علمته احدا من خلقك ان تفرج كرب شهوده وكروب بنات المسلمين
الله ياعلي ياعظيم سخر قلوب اهل زوجها لها وحببهم فيها وحبب زوجها فيها
اللهم واهدي بالها وامنحها الصبر وارزقها القناعة والرضا وارزقها بالصحبة الصالحه التي تعينها في امور دينها ودنياها اللهم ياكريم كما قلت للنار كوني بردا وسلاما على ابراهيم اللهم فحبب اهل زوجها فيها وسخر قلوبهم لها ياحي ياقيوم اللهم هذا الدعاء ومنك الأجابه .آمين

الله يصبرج ويهون عليج

الله يهديه لك ويرزقك الذريه الصالحه
انا اشوف انك تتطلقين وتشتغلين احسن لك من حرقه الاعصاب

السلام عليكم

هذي اول مشاركه لي

وبصراحه انا معاكم انتم الاثنين الزوج والزوجه

وما حبيت ابدي رأيي الا بعد ما اشوف اخر صفحه من ا الموضوع


..

بالنسبه لزوجج::

زوجج فيه صفات جميله لكن الصفات الغير مستحبه هيه الغالبه والمشكله انها هيه الضروريه
يعني قوة شخصية الرجل مهمه وضروريه انها تكون متوفره في الزوج المسئول عن زوجه وابناء او اسره بأكملها ..

وهذا الشي ناتج من طريقة تربية امه له او الظروف الي مر بها وهو صغير فلا تلومينه ..

"الأم اذا اعتدتها اعتدت شعبا طيب الأعراق" فهي اعتقد كانت المسيطره حتى مع زوجها وابنائها
وكانت الآمره الناهيه والراعيه الاولى للاسره .. وطريقة تربيتها لابنها لم تكن بالمثل الصحيح والابن تربي على الكذب .. الذي وجد انه الحل السليم والخلاص لمشاكله .. ولكن حبل الكذب قصير ..


.......................

بالنسبه لج انتي ::

ومن البدايه انتي غلطتي معاه ايضا لانج وافقتي على كذبه كذبها على أمه في موضوع الطلاق.. كان لازم توقفين في وجهه ووجه عائلته وتقولين يا يعترفون بج ويقبلونج يا يسرحج باحسان..
وادري بتقولين هذي تجربه ومرت وما بيدي الحيله الحين اقول او اغير لكن من تجارب الغير نستفيد وهذي نصيحه للبنات الاخريات .. واشوف انها خطأ وعشتيه ..وصار زواجكم كأنه بالسر !


.......................

الحل ::
:26:
بالنسبه للوقت الحالي
اشوف انه ظروفج وايد صعبه وانتي نفسج غير قادره على الحل الصحيح الان
وللعلم الله جعل الطلاق آخر الحلول اذا تأزم الوضع مع الزوج وصار بدل الموده كره وحقد وعدم رغبه ..

هنيه تنتهي حياتهم وينفصلون لانه اساس الزواج الموده والرحمــــــــه..

وانتم اعتقد بينكم موده ومحبه ... هذا شي ايجابي في حياتكم

وسبحان الله خبر حملج هو معناته انه الله معج ..

لانه بالحمل راح ينجبر يعترف بج وبالطفل وتنتهي المأساه وممكن حتى هو راح يرتاح بعد ما تستقرون وتتخلصون من مشكلة امه اللي ما تدري عن استمرارج ويا ولدها للان ..!



اعتقد انتي الحين ولدتي .. فاصبري وشوفي شو الي بيحصل يمكن الطفل وجهه خير عليكم
وصدقيني الاب مهما كان اذا كان صالح او قلبه طيب مثل ما تقولين راح ينجبر بتحمل المسئوليه لاحساسه بالأبوه وتأنيب الضمير عندنا يرى الطفل..

اصبري لانه الفرج قريب .. والله معاج .. وان شاالله خير ..
تفائلي واذا لم يكن ذلك وقتها فكري يا تستمرين يا خلاص ..


وما تدرين يمكن يوم مرته الثانيه تعرف بخبر الزوجه الاولى انها تتركه فهي اهون لا تحمل طفل منه وتوها صغيره ومحد يعلم ..
واذا استمرت وياه خلاص اقبلي الي الله كتبه لج واللي يرضى يزيده الله رضا وسعاده


وان شاءالله لنا عوده بالحديث بعد ما نسمع آخر اخبارج

انا عندي الحل لمشكلتج يا شهوودة ...
اتعرفيين اشو تسوين ..خليييييييج احسن عن حرمة ريلج الثانية .. عشاان يحبج اكثر ويتعلق فيج اكثر
ولا تتنازليين عنه مهما صار . لانج انتي اولى فيه . انتي ام ولده .. وهي بعدها ما يابت له .. عيالة .. خلييج احسن عنها عشاان ايتم يفكر فيج ..دووم حتى وهو معااها... خلييه يكرهها هي .. ويحبج انتي وبس ويوم بيمل من هاذيج بيطلقها هي .. وما بيطلقج انتي .. صدقيني هذا هو الحل .. الوحييد وبعدين هاذيج صغيرة بتحصلها نصيبها ودام انها ما عندها عيال ما بتتبهدل .. بس انتي عندج بيبي .. فحياتج بعد الطلاق بتكون أصعب .. طاوعيني والله ما بتندمين .. وبعدين شوي شوي مع الايام .. بيخبر اهله .. عنج وبيحطهم أمام الأمر الواقع .. .ودووم بينيله انج احسن عن هاذيييج في كل شي .. ولا تحسسينه انج اتغارين منها بطريقة مباشرة .. اتعرفيين الرياييل يحبون حريمهم يغارون علييهم بس اونه ما يحسسونج بها الشي .. بس خليييج انتي دوووم احسن عنها في اللبس والمكياج والتعامل والذوق والاهتمام وكل شي ..خلييج انتي ملكة في عيونه ..