الموضوع مغلق

اناالعروس اللي كان زوجي وبنت عمه على علاقه امس خطبته وبيطلقني تعالو وشور علي / استوفى

السلام عليكم

كيفكم جميعا

يمكن في البعض يذكر قصتي المهم تقدرو ترجعو للبروفايل وتشوفو المواضيع

طبعا انا ولدت وجبت بنوته ولاده مبكره بعمليه

وفي هالفتره ماخلاني اتنفس عند اهلي ومن سابع يوم ولاده قام يتذمر ويبيني انظف واطبخ الى اليوم

وانا كنت اسوي طبعا لما طلعت للبيت بنت عمه درت وكانت منقهره وقامت تيدقدق عليه وطلع على اساس بيجي اغراض ويوم رجع مسكت جواله طلع دق عليها ومكلمها

طبعا في الفتره الاخيره قبل اولد كان يتراسلو يعني مانقطعت بينهم المسجات وحب .......الخ
ومره كلمها وانا جنبه ويوم واجهته قالي لاهذي بنت اختي طبعا انا متاكده مليون بالميه بس هو كان خايف

وقبل 4ايام كنت اكلم اختي وسكرت معها وجاء اخذ جوالي وفكه واخذ الشريحه وتهاوشنا وقام يلعن والديني وبغى يضربني وبعدها جاء الصباح واخذني لمطعم يفطرني وقام يقولي انا احس اني معيون او مريض نفسي اسوي اشياء وماادري عنها .........الخ

المهم من يوم السبت قلبي مقبوض وقارصني وصار جواله معه بالعاده يخليه عادي الحين لااااااا وامس قلبي مره قرصني لانه طلع ملابسه وقالي بخريه حتى الله يكرمك ملابسه الداخليه وقام يلمع الشوز وانتم بكرامه ويتعطر وحلق ومره مهتم بعمره رغم ماكان كذا المهم هنا قلبي نقز وقالي بروح لعمتي قلت طيب ودني لصديقتي اذا بتتاخر قالي مافي اقعدي قلت انا طفشت قالي من شو قلت من كل شي قالي وايش الحل قلت قريبا ان شاءالله

قال انا اللي بقولك قريبا بس عطيني مهله شهر وانا بطلع من حياتك قالي بس خليني اروح لعمتي واشوف الموضوع وارجع اقولك قلت لو صار هالشي اشطب على فتو من حياتك قال انا شاطب عليك من زمان بس قلت يمكن تتعدلي بس خلاص او بالاصح انا اللي بشطب على حياتي من عندك يوم رجع مارضي يقولي الموضوع بس انه قال ابي اخلص بعض الامور خلال شهر وتاخذي بنتك وكلن بطريق

واليوم يوم اشوف جواله طلعت بنت عمه الحقيره متكلمه علي انا فيني خطى طبي بس مو ماثر علي بشي الحمدالله وهو زوجي يعرفه من قبل لايخطبني يعني ماغشناه واشوفها متكلمه عني واني سوده واني مااستاهله وانه خاين انه ترك بنت عمه وهي تحبه ورافضه الزواج عشانه ...........الخ بس من رقم غريب
وتقول انه ماتبي العلاقه بينهم كذا لازم تصير خطوبه وقريب ومن هالكلام والله يوم شفت الرسايل احس الدنيا لفت فيني ورجولي مو شايلتني مالقيت غير انه رد على الرقم وانت ايش دخلك بس واشوف المكالمات لقيت انه داق عليها

والمشكله اهلي مسافرين مااقدر اكلمهم واقولهم انتظرهم لما يرجعون اللي قاهرني صح انا لي فتره افكر بالانفصال بس ماتوقعت يخطب علي اشياء كثيره سواها فيني وكان يجيني واسامحه الين يوم بغى يضربني
هنا احسه قطع الشعره اللي بينا اللي قهرني انه هذي متكلمه علي ولادافع عني او يقول انا راضي او اي شي

رغم الحمدالله ماني سوده ولاشي وكل جماعته منهبلين علي

من قريت الرسايل وقلبي محروق وايام الملكه في وحده كلمت زوجي تقول خطيبتك تخونك وهي مو بنت وتنام مع شباب وعندي لها صور وهي نايمه معهم المهم جاء وقالي وقال مين له هدف يفرقنا شكيت فيها بس قلت لاحراااااام بس الحين والله مااستبعدها عننها خلته قاعد شاك اني مو بنت لين يوم الزواج

دعواتكم يابنات لي وربي قلبي محروق اخذ فلوسي واهلي معطينه فلوس ولاقدر ولاشي


للتوضيح اللي سالتني وش اللي مو عاجبه فيني هو بعد زواجي على طول حملت وصرت اتعب ومشيمتي نازله وهو يبيني اقوم اكرف وانظف ..............الخ

والحين وانا نفاس يبي انظف واطبخ وانا عمليه

حتى سوا عقيقة البنت ومارضى يخليني اعزم اهلي

واهلي كانو يجبون لي خدامه يقول لاهله انه هو جايبهم لي وانه مو مقصر معي بس انا اللي مقصره

والغريب انه بيترك البنت لي رغم كان منجن عليها ويموت فيها ولو تعبت يبكي عشانها والحين مايبيها بيتركها واحمدي ربي على هالشي انه بيتركها لي


للتوضيح انا ماعمري جبت طاري بنت عمه عنده ابد هو اللي دايم يجيب طاريها

بالنسبه اني اتكلم معه تكلمت معه واخرها امس زوجي من النوع اللي مايحب تتكلمي معه يقولك اللي يسويه وخلاص ماعاد يحب يسمع احد

وبالنسبه للشي اللي اعدله يبيني اغير عبايتي للكتف ومزركشه ومااتوظف ولااكمل دراستي رغم شارطين عليه

ويبيني بس اكرف بالبيت رغم والله يوم صحتي تسمح اني اسوي وماقصر واتعذر منه على تقصيري في فترة الحمل وكان يقولي عادي ولما يرجع لبنت عمه مايقدر وينقلب علي

والحين خلاص قرر يتزوجها وخطبها امس

وللمعلوميه لي الحين حوالي 10 او 9اشهر بس من زواجي

207 تعليق 28,713 مشاهدة

شاركي في النقاش

سجلي الدخول لإضافة تعليق.

التعليقات

195
  1. @alhya_frs_1

    قال انا شاطب عليك من زمان بس قلت يمكن تتعدلي
    هو وشهو الشي اللي مو عاجبه فيك ياختي حاولي تعدليه
    بعدين لاعاد تجيبين طاري اللي ماتتسماش عنده
  2. @astthnayyh

    حسبي الله عليها اذا كانت مسويه كل هذا !
    مستحيل فيه ناس بسواد القلب هذا :(
    الله يعينك ، مشكلتك يبيلها احد فاهم بوضعك فيه تفاصيل كثير ناقصة ، الله يفرج همك

تابعي تجارب أخرى من هذا القسم.