نفس السالفه واكثر منها عادي يا اختي انا اقولك ابوي اعتقد انه كان مضطهد من قبل ابوه وهو صغير وهو كنت اسمعه يحكي امي عن زمن كان عذاب ماتصدقين وكان ابوه مايحبه ويكره امه ومايعطيها شي نهائي وتزوج عليها وبعدين طلق امه وماخلوه يدرس لما جات الدراسه بالديره من زمن وكان ابوه يخليه ينام بالجبال عشان الغنم وعشان الابل مسكين وهو يعاملنا حسب ماعلمه ابوه ويتصرف مع امي زي تصرفات ابوه مع امه الله يحفظه ويهديه ويدخله جنته بلا حساب ولاعذاب ويجمعني به في الجنه الشاهد لاتلومين ابوك لعل وراه شي ماتدرين عنه سبب متأصل فيه او سبب طرأ عليه بذي الفتره انا بعد ماعرفت خلفية ابوي ما الومه لو يطقني طق وهو زي ابوك ويمكن ابوك احسن شوي منه في اشياء تسير الواحد حتى مايقدر يقولها قولي الحمدلله بس والله يهديه ويهديكم ويقرب قلوبكم
اهلا عزيزتي .. من قراءتي لموضوعك ذكرتيني ببنت اعرفها لها نفس المعاناه ..باعتقادي اي علاقه يصير فيها جفاف مده طويله بتوصل الى هالمرحله من البرود في العلاقه .. انصحك لوجه الله نصيحه بسويها لو كنت في محلك ..
اعرفي ان الرجل بطبيعته جاف ولا يعرف يعبر .. وصار له 15 سنه على ماقلتي مايجلس معكم ماغير يحب مجالس الرجال .. لذلك انتي واختك بتدريج لازم تسون له حركات بالغصب تحنن قلبه والموضوع مايتم بيوم وليله لكن حاولي تسولفين معه وتذكرينه بطفولتكم .. ادري بيكون الوضع احراج بنسبه لك لانك مو متعوده تكلمينه .. لكن جربي تدخلين عليه يوم وتقولين له اخبارك يبا ؟ وشلون يومك ؟ .. ولا تقولين له سالفه مضحكه عن عمامك او شي يهمه .. ولا طفولتك واشباهك على مين .. شوي شوي تعودينه يكسر الحاجز .. وعادي لو قطيتي وجهك هذا ابوك ومصيرك تعرسين ان شاء الله ويبغون ذكرى حلوه يذكرونك فيها .. لايصير وجودك زي عدمه .. وحشاك طبعا .. لكن حاولي و حاولي فيه ترى العمر لله محد دايم .. انا توفى خالي من كم سنه وتمنيت لو اني عرفت اكثر عنه .. وش يحب وش يكره تمنيت اني اسولف معه واعرفه اكثر .. مابالك ابوي !! اختصار الكلام حاولي ياحبيبتي وتذكري ان فيها اجر للاخره و في الدنيا بركه .. والله ياجرك في اجتهادك