سؤال لكل من عندها عيال وتزوجت الله يجزاكم الجنه

قريت من يومين ان المحاكم في المملكه صارت تعطي ام الزوجه وصاية وعناية اطفال بنتها اذا تزوجت البنت بعد الطلاق بعد القصص والقتل اللي يصير
لكن هل امك بتقوم فيهم لو جبتي معهم شغاله تساعدها وتعطينها لهم مبالغ ماديه ؟
وهل هالامر مع كل القضاة وشي مكتوب والا ممكن حسب راي القاضي ؟
انت ابحثي اكثر وتاكدي

جيتي على الجرح انا مطلقه وعندي ولد عمره سنتين شايله همه مقدر اتزوج واخليه مقدر اصبرعنه ولاودي احد غيري يربيه ودي يبقى معي طول العمر واعيش كل تفاصيل حياته,,,

وبنفس الوقت ودي اكون عايله واستقر نفسيا واجيب عياااااال..


انا بخليها على ربي واللي كاتبه ربي راضيه فيه وكل اللي يجي من رب العالمين خير...

صح كل شي قسمه ونصيب من رب العالمين ..لكن انا اعتبرها جريمه انك تنجبين اطفال من زوج حياتك معاه مضطربه

اعرف وحده معها ولد من زوجها الأول وزوجها الأول راعي مخدرات ومايهمه حتى نفسه
تقول تزوجت واحد ثاني ملتزم وكنت افكر انه راح يخاف ربه في ابني ويعامله مثل عياله
لكن للأسف طلع العكس يكره ويحقد عليه مثل الضرة ماتحقد على ضرتها
وتقول يحطم شخصيته واذا الطفل تكلم يقلده بطريقه سخيفه عشان يبي الطفل
تهتز شخصيته ولا يعرف يتكلم
في الاخير اعطته امها ومسكينه بين نارين ولدها وزوجها الحاقد
الله يفرج كربتها وينجيها من كل مااهمها