درس في الأنوووووثه

روعة من احلى ما قرأت

?درس في الأنوثة والجمال



?? البشرة و النعومة ??




بالنسبه للنعومه... أكيد أول شي ازالة الشعر من الجسم كله ..
بالله كيف بتدلعين وأنتي مخبيه الشعر اللي طلع فساقك وخايفه يلمس بالغلط كوعك الخشن ...
ولاخايفه يلمس كف يدك ويلقاه متقطع وخشن سواء بسبب الغسيل والشغل أو الاهمال !

أكيد مابيكون عندك ثقة انك تقعدين جنبه براحتك بس مو بعد انك تدلعين وهذا مو لان عندك مشاكلمستعصيه ولا قبيحه لأ.. لازم تعترفين انك عجازه وبس...
ومع الايام مع الميانه والتعود على الزوج واول مايروح الحيا .. بتصيرين ماتهتمين إن شاف ساقك بشعر ولا شاف شعرك منفوش ولا لمس جسمك وهو خشن ...
ولاتقولين بطل يحبني زي أول أو خلاص مل مني أوالكلمة اللي دايم نقولها لانفسنا انك مهمها تزينتي بيمل منك خلاص وتبهتين بعينه...


غريبه؟؟ أشوف الفنانات مايبهتون ولا حتى نفسنا يالحريم نمل منشوفتهم؟؟
دام نترقب الجديد ياتري الفديو كليب الجاي كيف بتسوي شعرها ؟
ياترى المقابله الجايه وش بتلبس فستان ؟؟
ياترى وش لون المكياج اللي بتحطه بالحفلهالفلانيه وكيف ستايل الفستان الي بتنزل صورها فيه ؟؟؟


ليش ماعمرنا ملينا ابد لا حنا ولا رجالنا من النظر والتأمل والتمعن بجمال هالفنانات اللي اغلبهم عدوا الثلاثينات
وأنا هنا اقصد القديمات من جيل نوال الزغبي ونجوى كرم وديانا حدادوغيرهم .... مليتوا منهم؟؟
مو كل فتره ودكم تشوفون وش صاروا وش لبسوا وش تغيرفيهم؟؟ يعني مامليتوا...
لان ببساطه الزين محد يمل منه... لكن أنتي تقنعين نفسكبهالشي بالقوه لحد ماتصدقينه...
لكن اتحدى اذا كان زوجك يشوفك احلى بنظره بعد شهراذا كنتي تتنزينين ثلاث مرات بالاسبوع ...
ويشوف حلاك اقل اذا تزينتي سبع مراتفالاسبوع ؟؟
هذا التفكير بقمة الغباء ... ماراح يمل دام زينك كليوم بلون وشكل وشعرك كل شهرين ثلاث بقصه ولون....


اسعدي نفسك واسعديه وخلي ثقتك بنفسك كبيره ...
انوثتك مصدرها ثقتك بنفسك والمرأة بهالزمن ثقتها أولا تجي منجمالها أو بمعنى اصح اهتمامها بنفسها ...





?? نرجع لنعومة البشرة ??
..
* أول شي تهتمين تزيلين شعر جسمك شهريا بعد كل دوره وإذا كان نموه سريع مرتين فالشهر ولا تتعيجزين مره لانك بتعيجزين دايم .. ومابيمر سنه إلا والشعراللي فجسمك خفيف بنسبة 50 فالميه لان البصيلات تضعف مع الاستمرار انك تشيلينها أول ماتطلع

* كريم مرطب للجسم ويكون عطري وحلو على ذوق زوجك؟

عجزانهتدهنين جسمك كله؟ بسيطه ياستي

من فتره ماهي قصيره جونسون نزلت سبراي بخاخ زيت - وريحته حلو كالأاطفال- ترشينه رشششش بس على جسمك بعد ماتتحممين ولا انعم يالعجازهولا حتى البخ عجزانه عنه؟



بعدها دهني يدينك ورجولك وركبك واكواعك ماياخذ منك ثلاث دقايق بكريم معطر لو نفس ريحة عطرك يكون احسن وبخي فوق الكريم بخة عطر قبل يشربه الجسم عشان يثبت ومرطب حلو لوجهك وبتصيرين ولا انعم


* اذا بشرة جسمكخشونتها مستعصيه بس قبل ماتتحممين افركي سيقانك وركبك ويدينك واكواعك بزيت زيتون معسكر افركي بشكل دائري لحد ما يحمر الجلد شوي وبعدها بنفس اللحظه بتصيرين حريركرريها كل اسبوع مره تجدد بشرتك وتنعمها وبتصيرين والحرير ينزلق على ساقك زي الدعايات ...


* هنا ابي أقولكم عن جل جديد نوعا ما اللي متأكده منك إنالاغلبيه مايعرفونه هذا الجل يخلي البشره بدون مبالغه حرير حرير حرير .. تدهنينهعلى يدك أو صدرك أو رقبتك أو وجهك أو أي مكان تبغينه أول شي هو ماينمسح يعني اقصد مايبلل الملابس أو لو تمسحينه بكلينكس مايبلل .. مو قادره اوصفه زين لان قوام الجلغريب وماتتشربه البشره بس يعطي نعومه ولمعه طبيعيه تجنن وكله كوم ولما تحطين فوقهشوي بودره لماعه لؤلؤيه أو ذهبيه يطلع خياااااااااااااااااااالي اضمن لك تدمنينعليه ادمان وله استخدامات كثير

منها تثبيت كريم الأساس وينخلط مع الظل يخلياللون يطلع مركز زي ماهو فالعلبه وبرضو يثبت حبوب الجليتر أو اللمعه اللي تنحط فالصدر أو الوجه أو الكتوف ..
أنتي بس لما تشترينه بتلقين له استخدامات ايوه نسيت اقول بعد انه مخفي للتجاعيد
واعتقد انه بيصير روعه اذا البشره فيها اثار لحب الشباب لأنه يغلف البشره يخليها متساويه
ولما تحطي أساس فوقه يطلع مره حلو المهم طولتهاعليكم الجل هذا تلقينه برضو فمحلات وجوه اللي ذكرتها قبل كذا
وهو من ماركة سماش بوكس موجوده اعتقد فقط في محلات وجوه أو فيسزواسمه فوتوفينيش ... ان شالله يعجبكم..
سعره غالي نوعا ما بس كميه
صغيره مره منه تمدينها على مساحات كبيره يعني اقتصادي إلا اذاكنتي بتتحممين فيه فيبغالك كل شهر واحد



طيب فرضا ماقتنعتي هههههه ولاماقدرتي تجيبين لا الجل ولا البخاخ ولا الزيت ولا عندك استعداد تسوين


وش اخبار فمك بكل ما احتواه من شفايف ولسان واسنان وصووت وهذا الفقره الاخيره لان اذا ماقتنعتي بشي منها لاتكملين قراءة موضوعي هههههه مابيك


اول شي يقابلك وأنتي رايحه للفم الشفايف


روعه الوان الوردي والمشمشي والاحمر وغيره وغيره فيه بقلتر وبدون يجيزي العصار يعني ماتحطينه بفرشه زي القلوسات العاديه هو زي ماقلت عصار وفيه فتحهصغيره من فوق تضغطينه وتاخذين بفرشه من عندك ماله فرشه بس يجنن يجنن وسعره خمسينوحاجه .. وعندهم برضو قلوسات بروائح الفواكه جدا رووعه بالوان روعه ولماعه بسريحتها شي رهيب ؟ وبرضو في فمحلات مكياجي المعروفه قلوسات حلوهأول مشكله يانها تكون صغيره يانها تكون كبيره صح؟

طيب لو كانت صغيره ..؟؟
ممكن ترسمين بمحدد الشفايف خط شفايف وهمي خارج الحدود الاصليه بس لازم يكون لون المحدد نفس درجة الروج تماما عشان يضبط وبيطلع حلو بعد ماتتمرنين على وضعه

* القلوس أو الملمع من أكثر الأشياءاللي تكبر الشفايف وتحليها وحسب ما اسمع انه جذاب جدا ا وأكيد فهمكم كفاية.. فيهمنه أنواع وألوان وإشكال وأنا عن نفسي جربت ماركات كثير ... لكن والله والله مالقيت القلوس اللي زي اللي أشوفه فالصور والتلفزيون اللي يخلي شفايفك زي القزاز مليانه ومنفوخه وتلمع ومافيها خطوط الشفايف الا فماركة فور ايفر عندهم ألوان تجنن بدرجات


* بالنسبه لتشققات الشفايف في فنكتار وبرضو عند بودي شوب مرطبات قويه وحلوه بالفواكه وزبدة الكاكاو وبعد كويسه تدهنين فيها الشفايف

* اما بالنسبه للتصغير .. فاولشي ماتستخدمين الوان غامقه .. الالوان الترابيه واللحميه تناسبك كثير والافضلماتستخدمين قلوسات لانها تزيد حجم الشفايف .. والمحدد اللي بارز ولونه قوي ومو ممزوجفالروج مايناسبك لانه يركز النظر على حجم الشفايف ..


والمفروض تنبسطين بصراحه لان الموضه هالسنتين الشفايف الكبيره العالم تحقن سليكون وأنتي رباااني ابسط ياعم ...ولو انا منك احط اطلق قلوس ولايهمني واكبرها زياده ههههه

بس زي ماتفقنا لازم تكونين أنتي اللي معجبك هالشي ومرتاحة عشان تدلعين وأنتي كلك ثقة

* اما اذا كان لون شفايفك غامق أو محدده شفايفك رباني بلون غامق فالحل انكتحطين طبقة كريم أساس على شفايفك قبل تحطين الروج عشان يعطي اللون اللي تبغينه


وغالبا لما تبغيت تشترين روج عاجبك لونه خوذي نفس اللون افتح بدرجه عشان معشفايفك يطلع اللون اللي تبين ..

*وطبعا عشان يطلع الروج حلو لابس تكونين شايله الوبر اللي فوق شفتك العليا أو على الاقل مشقرته عشان تكتمل الانوثه


خلصنا من الشفايف ولو ماقتنعتي خلينا نروح للأسنان



?? نرجع لنعومة البشرة ??

* طبعا التسوس أو اذا فيه أسنان بارزه أو مو مرتبه الأسنان فأنتي بقمة الغباء اذا سكتي على نفسك لان جمالك وجهك مايكمل إلا بابتسامتكوابتسامتك عمرها ماتصير مشرقه إلا بأسنان صحية على الأقل ومرتبه ونظيفة لو ماكانتبيضا ثلج..


فلازم تكون أسنانك تمام التمام وماعندك تسوي
ولو أطراف أسنانك مكسره روحي لدكتور أسنان كويس يسوي لك اياها لو طرفها مكسور
أو كان متسوس الحين في ماده يستخدمونها تعوض المفقود من اطراف السن ومو مكلفه كثير ..

وطبعا أكيد اذا أسنانك يبغالها تقويم حتى لو عندك عشر عيال لازم تسوينها كفايه اللي راحمن عمرك...

وإذا أسنانك تعبانه ركبي أسنان
وإذا لثتك فيها نزيف أوالتهابات لازم تتعالج مالها حل لانها بتتعب اسنانك وبتسويلك رائحة فالفم وأنتي فغنى عن هالاشياء اتفقنا

* طيب الحين إن شالله تكونين خلاص مافي تسوس مافي سن طالع سننازل مافي سن مكسور ..


نجي للنظافه الللي مافي مفر منها لأي إنسان فكيف عاد فمرأه ومتزوجه وتبي تدلع ؟ فرشه ومعجونوخيط تنظيف أسنان ممكن ملح وهيل يطيب فمك ويبيض أسنانك... هذابشكل شبه يومي ...
والحين لازم تسوين تبييض أسنان اذا أسنانك صفرا أو متاثره بالشايوالقهوة أو لو كنتي لاسمح الله لاسمح الله ربي مبتليك فالتدخين ..
وأول كان غالي بس الحين الإعلانات ماليه الجرايد عن عروض تنظيف الأسنان وتبييضها حسب اللي يناسب ميزانيتك..


وبعد الحين طايحين بطبقة البورسلان اللي يدهنون فيها الأسنان وتطلع لولو زي اللي مسوية آصاله نصري بيااض ناصح وآسنان تلمع وابتسامه حلوه .. بس ماعندي فكره عن أسعاره
* بالنسبه للسانتنظيفه يكون بالفرشه حقت الاسنان
وفي فالصيدليه حاجه اسمها معلقة اللسان تنظفينفيها اللسان الصباح أو بعد الأكل تتخلصين من البقايا أو من مسببات رائحة الفم الليتكون على اللسان ...وفي كثيرررر أنواع غسولات فم ومضمضات بكل النكهات .. لكن سمعتإن طعمها مش ولابد بالنسبة للطرف الأخر

وبرضو في بخاخات للفم فكل الماركاتوممكن تلاقينها في الصيدليه تعطر الفم ...
وطبعا مافي أحسن من السواااك تنظفينأسنانك وتطيبين فمك فيه .. وإذا غلبتي حبة هيل تمضغينها ولا حبوب ** وغيرها تقوم فالواجب ... ولاعاد تجين تقولين فمي وأسناني ؟؟

الحين بعد ماصارت نظيفة ومرتبه وريحة أنفاسك حلوه بتقعدين جنب زوجك بكل ثقة وتبتسمين من كل قلبك بدون ماتلفين وجهك ولا تحطين يدك على فمك ولا تخافين تهمسين له من قريب ولا تقبلينه بأي وقت أو يقرب منك وتتهربين منه ولا تضطرين تقولين مافرشت أسناني ؟










?? أظافرك ??





قصيها وخليها نظيفه ومرتبه






?? اللبس ??




خلصنا من جسمك نفسه نجي عاد للبسك وطبعا مستحيل اجيب طاري لبسك براالبيت لاني ادري انك بتكونين خبيره فيه وكل شي على الموضة تعرفينه بس للي برا البيت سبحان الله ... تعالي نتناقش أنا وياك ونتكلم بصراحة




أدري انك فالبيت تبينترتاحين طيب هذا متفقين عليه بس ليش هالراحه ماتجي إلا بقميص قديم ولونه غبي ووسيعكنه مو لك وموديله نص ونص ؟




ليش مجرد مسمى اسم لبسالبيت صار معناهقميص قطني من أبوعشرين ولا من أبو خمسه مشي حالك..




وان تكرمتي لبستي بودي ولا بلوزه من اللي كرفتيهم لبس برا أوشكلهم طلع مو مره مع جينز قديم ولا أي شي ومشي حالك وغالبا حافية
ولا شبشب من تزوجتي ماغيرتيه ليه؟




طيب ليش الاكسسوار بس برا البيت طيب اقنعيني؟ يعني بتفقدين توازنك لو لبستي حلق كل يوم؟ ولا يعني إصبعك بيطلع منمكانه اذا لبستي خاتم ناعم .. ولا بتختنقين اذا لبستي سلسله لو بدون تعليقه ؟




طيب قولي لي من اللي قال بس إن اللبس المريح لازم يكون شين أو خلينا نتجاوز ونقول مو جذاب ...




طيب ليش ممنوع لونه يصير فاتح وحلو ويفتح النفس طيب القميص الواسع الليمكبر سنك ومزود حجمك ومخفي ملامح جسمك وماظن بتجرأين على حركة دلع وحده وأنتي لابسته؟




ومن قال إن القميص اذا صار جذاب وناعم ويفتح النفس بيصير مو مريح ههههههه




عليكم أشياءتقهر وتفرس على قولة المصريين ..
طيب مو أريح البنطلون القطني أو الجنزأو أي قماش فالدنيا مو شرط يكون لاصق فيك وكاتم نفسك؟




مو أحلى بوديناعم أو توب أو بلوزه أحلى من القميص اللي كمه مكشكش وزرايره تهبل ويقهر قهر





طيب الشبشب الله يكرمك يوم انك تلبسينه كل يوم وكل وقت مع كل لبسوفي المطبخ وفي الحمام وفي الصاله وممكن تدخلين به غرفة النوم ليييييييه الشباشب مو غاليه واقصد شباشب البيت..لو كل مرهتروحين تشترين جزمه للفستان الفلاني وصندل للطقم العلاني .





طيب ليش القمصان كيف بيجيك نفس تدلعين وأنتي كاشخه بقميص لابسته أمس وقبل أمس واللي قبله؟
طيب فرضا صرتي وسيعة وجه وتدلعتي منّ هوذا بالله اللي بيتقبل منك؟

سبحان الله وبحمده
سبحان الله العظيم

ممتاز


موضوع يبيله رواقه وقراءه بهدووووووء


لي عوده ..