يا أختي احمدي ربك وربي ان خنقتني العبرة
ماشالله انتي بنعمة عظيييمة احمدي ربك عليها
والله والله صارلي نفس موقفك تماما شكيت ان عنده جوال ويوم نزل للبقاله فتشت السيارة وفعلا لقيت جوال وابو كشاف بعد
ولقيت رسايل غزل وكلام والله والله عمره مارسله لي من تزوجنا يقول ماعرف الكلام الحلو
كيف عرفتله الحين!!
ويوم طلع من البقالة رجعته مكانة
وبعد كذا نزل يجيب غرض لولدي وحنا مروحين قلت مافيه الا هالفرصة واخذته ويوم رجعت البيت فتشت فيه وهو كان ياخذ شور ولقيت صدمة وراء صدمة زوجي اللي ماكان يعرف شي ولا له سوابق من البيت للمسجد
يسوي كذا رحت دقيت عالرقم وساكت مايرد
وانهرت وارتجفت وجاني بروودة وشعور ماقدر اوصفه
المهم يوم طلع واواجهه وهو تغير وجهه وقعدت اصارخ وابكي وهو يقول هذا واحد من خوياي هذة دايم شماعة لكذباتهم وخيانتهم واقوله دق طيب قال الليل راح تبيني ازعج الرجال قلتله لاياشيخ
دقيت انا ولو انه رجال على قولتك على طول رد المهم وارجع ادق وهدوووء وقعد يحلف وانا ماصدقته
اخر شي قال صدقتي بكيفك ماصدقتي اضربي راسك بالجدار وانقلعي لبيت اهلك
ومن بكرة دقيت عالرقم وطلعت مرة آه يالقهر
والحين كاشفته عالفيس مسوي علاقات وصداقات وله حسابين بعد والله اعلم من ضايف بايميلاته!!
مع انه ماكان كذا قبل زواجنا وأول سنتين من زواجنا بعدين تغير من اصحاب السؤء حسبنا الله ونعم الوكيل
حلفتكم بالله ايش رايكم بموقف زوجي
متابعة النقاش، صفحة 3