ملف الزوجات الثانيات***حياكم****

هل تعلم لماذا عندما يكبر الانسان
يكتب بقلم حبر وليس قلم رصاص
حتي يتعلم ان محو الاخطاء لم يعد
سهلا

من الصفحة الرسمية للشيخ العريفي علي الفيس بوك

يقول الشيخ

مساؤكم زواج!! خبر : ( يمنية نذرت تزوج زوجها بمصرية إن فاز مرسي بالرئاسة ).. مممممم وش تعليقك ؟!

صباح الفل..
أنا زوجة وحيدة..يعني زوجي ماعنده إلا أنا والحمدلله -لأني ما عندي طاقة نفسية تتحمل إني تشاركني فيه زوجة ثانية-
ليش دخلت ملفكم؟
فضول .. عندي زميلات بالدوام زوجات ثانيات..وأختي زوجة ثانية.. وأحسهم مرتاحين ماشاءالله الله يتمم عليهم.. وأنا زوجي عنده ولدين من زواج سابق.. ويكره أمهم الله يستر عليها لأن عقب الطلاق صارت مشاكل ومحاكم وتعاملت معه بطريقة تفاجأ فيها..ومع كذا أحس بغيرة من ناحيتها بسيطة والحمدلله يعني ما تأثر على حياتي..

بس حبيت أقول شي بسيط
فيه وحدة من البنات قالت إنها تقبل متزوج ولا تقبل أرمل أو مطلق.. أنا ما أعرف وجهة نظرها.. يمكن ما تبي مسؤولية تربية عيال غيرها وهي لا شك مسؤولية وعبء كبير..

بس من تجربتي.. الكلام كله على الزوج
في البداية كانو الولدين يطمعون فيني زي ما يقولون لأني أميل للهدوء بعكس والدتهم اللي كانت عصبية شوي.. وبعد كم شهر بدو يتطاولون لأنهم أطفال ولقو شخص كبير مطاطي راسه لهم.. وأبوهم انتبه وجلس معنا كلنا وقال هذي مثل أمكم..وتحترمونها مثل ما تحترمون أمكم..
الكلام كان صعب على الصغير لأنه متعلق بأمه..والكبير ما فرقت معه كثير..
بس بفضل الله ومساندة والدهم الفاهم المتزن..قدرت خلال كم شهر إني أخليهم يحترموني لذاتي ويحفظون احترامهم لأمهم..
بالكلام الطيب.. بالإكثار من كلمة ياماما..ياحبيبي..الله يرضى لي عليك..حسيتهم يلينون كثيررررر..رغم إن والدتهم تدللهم أكثر مني بكثير..وتغدق عليهم الهدايا المادية.. بس أنا كنت أسمع لهم..أسولف معهم..أطبخ لهم بيدي رغم وجود خادمتين وطباخة..أتوسّط لأبوهم عندهم..بديت "أمثّل" إني أمهم مع إني متأكدة إنه يستحيل أحد ياخذ مكان أمهم..وما كان هذا طموحي أبد..بل طموحي إننا نتعايش بسلام ونحب بعض ونحترم بعض..وحملت وجبت لهم أخت طارو فيها ويموتون فيها بشكل ما تتخيلونه..
أقسم لكم باللي بيحاسبني على هالقسم..إن الولد الكبير الحين أطول مني ماشاءالله..ورب الكعبة إني إذا زعلت عليه ولا كلمته إنه يتحببني يقول بالله عليك لا تزعلين يا خالتي..ورب البيت إنه مخزن رقمي بجواله Mom...يعني أمي..وكل ما تهاوش مع أمه وطردته من بيتها إني أنا اللي أتطلبّه يراضيها وأقول له بكرا يسوّي فيك عيالك سواتك فيها..تراها ما طلعت بهالدنيا إلا فيك أنت وأخوك لا تحليها تحس إنها ما طلعت بخير..
وزوجي مرة سألني: تؤمنين إن زوجة الأب عليها التربية والتعب والسهر والتدريس..والخير للأم إذا كبروا العيال؟
قلت له: أنا اشهد..مهما كانت زوجة الأب طيبة ..العيال خيرهم لأمهم..
قال ما يزعجك إنك أنتي اللي تعبتي وربيتي وسهرتي ودرّستي ولبّستي..وإذا كبروا العيال خيرهم لأمهم؟
قلت له: لو ماصار خيرهم لأمهم يعني أنا ماعرفت أربّي.. لو ما بروا أمهم وأحسنو لها عزّ الله إني ما ربيت..


نصيحة..
إذا أنتي زوجة مطلق أو أرمل وعندك عياله..يكفي تتبسمين لهم.. يكفي تطلين عليهم قبل ينامون تقولين تصبحون على خير...يكفي تسوين لهم ساندوتش الصبح..يكفي "تكفّين شرّك عنهم"...والله ثم والله ثم والله إن تجنين ثمار هالشيء في عيالك وفي زوجك..وفي رزقك..وفي كل أمور حياتك..

أعتذر على الإطالة والله يوفقنا للخير ويصلح نياتنا ويطهرنا من أمراض القلوب

بنت الشيوخ

الله يسعد امك و ابوك الي احسنو تربيتك
و الله انك نموذج مشرف لزوجة الاب مع اني كنت استبعد وجود نماذج مشرفه لهم بعد القصص الي سمعناها عنهم بالجرايد


دخلت مخصوص عشاان ارد عليك

الاميرة ميرال
خالة شوشو
الليدي


طبعا كلام الليدي مو موجه لميرال , موجه لاحدي بنات الملف
وبنفس الوقت نفس الكلام اللي مضايق الليدي من ميرال
موجه لانسانة ايا كانت من هي

يعني ياليدي نفس اللي مضايقك وسامحتي فيه هو نفس اللي تلفظتي فيه
علي غيرك
فترة دخولي المنتدي بالاول شفت لكي كلام بملف الجيران معمم
كله اهانات وتجريح وتلميح للملف الثانيات وبرغم من كدا اي موضوع لك بيعجبني ارد عليه
بمنتهي الادب , لان هذه هي اخلاقي ولاني مااتعامل مع معرفات ولكن اتعامل مع مواضيع

لكن لك فترة طويلة بعدتي فعلا عن الكلام او التلميح عنا


ثانيا : كلامي موجه لميرال وخالة شوشو

الملف والمنتدي ماهو ملك احد حتي اجي انا او غيري واقولكم اطلعوا خارج الملف

لكن كل انسان المفروض مايرد بنفس الاساءة , لانها اهانة له قبل ماتكون لغيره

لاني احبكم اقولكم هالشيء ابتعدووا عن الرد والاخذ والعطي علي اي اهانة او سخرية

وقد طلبتم منكم هالشيء مرارا وتكرارا ع الخاص

اعرف انه الكثير يكرهك ياميرال لمجرد انك معنا بالملف , ولو قلبتي علينا ورحتي تسبي فينا باي مكان اخر بتلاقي الترحيب والحب
هذا شيء واضح مايحتاج , لكن اللي اطلبه منكم لا تتبادلوا الاهانات والسب مع الغير

وربنا هو اللي بيحاسب وبياخذ حق الكل , وعني انا ماني مسامحة اي واحدة تلفظت عني
او عن الزوجة الثانية بشكل عام باسوا العبارات والالفاظ

وبالنسبة لليدي خلاص اتمني يكون في تسامح بينكم الثلاثة وتنسوا اللي صار ورمضان ع الابواب الله يبلغنا اياه ويرضي عنا

وخيركم من يبدا بالخير ,