السلام عليكم
أول شي هذا النك حق صاحبتي وأخذته منها عشان تساعدوني
وبالأصح هالنك مشتركين فيه 3 بنات
أنا بنت تخرجت من الكلية قبل سنة وللأسف كنت مع شلة الله يستر علينا أجمعين
بحكم إن صداقتنا قوية كان نفتح قلوبنا لبعض
وكنا نسوي اشياء غلط اشياء كثيرة بدون ذكرها
وكان هالأغلاط والهبال وكل شي بيننا احنا وبس يعني اهالينا مايدرون بشي
والحين الحمدلله تبت وابتعدت عن هالأشياء ولكن هنا المشكلة
إن فيه من أهلي يسوي نفس غلطي مو شخص ولا شخصين تقريباً أكثر من 3
وأختي الكبيرة منهم
انقهر واتحسر في داخلي لأني عارفة الطريق هذا غلط
أكثر من مرة ألمح إن اللي يسوونه غلط واتضايق حيل يعني مثلاً اتأفف بكثرة أو ماأكلمهم وهم يحسون بس يطنشون
ولأني مجربة وندمااانة مرة ما ابيهم يسلكوم هالطريق
صرت ماعاد أنام لأنهم يسوون هالغلط قدام عيني وانا ساكته
براحتهم يسوونه من وراي بس مو قدامي واكون ساكتة
ما ابي يصير لهم مثل ماصار لي الله يهديهم
وهم كبار وعارفين انهم يمشون بغلط
وطبعاً انا ماتأكدت ان اللي يسوونه هو نفسه اللي كنت انا اسويه قبل
بس كل شي واضح ويدل على كذا والله صرت ماعاد انام اتضاااااااااااااايق
ودي انام بغرفة لحالي وهم يسوون اللي يسوون
بس مااقدر
أو اتمنى اتزوج اي شخص اي أحد عشان ابتعد عنهم ومااشوف اغلاطهم يسوونها وانا ساكتة
ابي ارجع انام زي قبل ولا عاد اقلق عليهم وافكر فيهم
قولولي وش اسوي لا حرمكم الله الجنة
ودعواتكم لي بالزوج الصالح عاجل غير آجل
شاركي في النقاش
سجلي الدخول لإضافة تعليق.
التعليقات
7- الله يثبتك يارب ويغفر لك
والله يهدي اخوانك وخواتك ويستر عليهم دنيا واخره
والله يرزقك باالزوج الصالح
اكثري من الاستغفار - حاسه فيك كله من التكنلوجيا الي محيطه فينا دش المجد المحافظ بفلوس وطبعا مستحيل كل الشعب يشريه بس المرفهيين
النت الاتصالات برنامج نقاء الي يحافظ على عيالك بفلوس ومستحيل الكل يشترك فيه يعني برامج المحافظه كلها بفلوس والدعاره بلاش ليش مايساعدوننا نكون مجتمع يتربىتربيه سليمه
ادعي الله يصلح حالهم مالك الا الدعاء لهم - الله يهديهم ..
والله يثبتك ع اللي انتي فيه ..
عليك بالدعاء لهم وحاولي تسولفين وتاخذين معهم وحاولو يكون لكم نشاطات واشياء تلهيكم
واذا خواتك من النوع اللي يستجيب للنصيحه حاولي تنصحينهم
واكيد هم حتى لو عصبو او ماعجبهم كلامك من داخلهم رح يتأثرون
اذا ماتقدرين تكلمينهم مباشره اكتبي لهم بورقه واعطي اختك الكبيره
وقولي لها ( من ترك شيئا لوجه الله عوضه الله بشيء خيراَ منه )
وبيني لهم ان نهاية هالطريق سيئه سواء ان اهلكم يدرون او تصير مشكله كبيره او لاسمح الله فضايح الله يبعدها عنا وعنكم
وبيني لهم انك من بعد ماتركتي هالشيء صرتي مرتاحه .. وانه حياتك صارت افضل واحسن ..
لاتبينن لهم انو فيك هم , ووقت السوالف معهم بيني لهم بمزحات او باي طريقه انو هالشيء غلط واكيد هم عارفين انه غلط
بس لازم التذكير شيء لابد منه ..
حاولي تتقربين لهم اكثر عشان اذا يتي تناقشينهم يصير فيه راحه بالكلام بينكم وفيه قبول منهم
ربي يهديهم ويصلحهم ..
انتبهي لاتستخدمين اسلوب التهديد ابدا مارح ينفع - الله يهديهم يا رب
- رفع
مواضيع مشابهة
تابعي تجارب أخرى من هذا القسم.