زوجة اولى انا ضدك زوجة ثانية انا ضدك//قديم+تم الرد

طيب وش فيها اذا صرتي زوجة اولى او ثانيه..؟

يعني حرام مثلا او مستحقره هالفئه ولا وش السالفهه..؟

يعني حسيت من الموضوع تحريض..!

طيب وحدهــ قرت وحده موضوعك زوجه اولى وتمشكلت مع زوجها ع الموضوع فراح تكونين مدمره بيت باكمله..!

وانتي مفتخره انك تطلقتــي والحين انك زوجه لوحدك مافيه ثانيه تشاركك لو ربي كاتب زوجك يتزوج تراه بيتزوج بوجودك او انك انفصلتي عنه برضاك ولا غصب..!

كل هذا نصيب من ربي ولازم نرضى فيه...!

على فكره
لو زوجك فكر يتزوج بكر لانه مااخذ بكر هذي نظرة الرجاال
ايش رااح تسووين رااح تطلقيين للمره الثاانيه عشاان مااتصيرين زوجه اولى ؟؟؟؟
جااوبيني بصرااحه

الحمد الله الرزق مو بيد احد

زوجة أولى أو زوجة ثانية ما تفرق أهم شي رجال يخاف الله ومعطي كل ذي حق حقه

يا كثر زوجات وحيدات و ذايقات الهم ويا كثر زوجات معدد مدللات


المهم التوفيق

لا اله الا الله

مافيه احد مرتاح لا وحيده ولا اولى ولا ثانيه ولاثالثه ولا رابعه ولا رجل معدد ,,,,,,,,كل الحياه مشاكل بمشاكل بس فبيوت المعددين المشاكل اكثر لان فيها مشاركه برجل واحد واب واحد واللي مشتركين فيه اطراف مختلفه وبينهم غيره وحقد وحسد ....

فلو مثلا انتي عندك مشكله مع زوجك ولا عيالك حلها بيكون سهل مع بعض لان هذا شريك حياتك وهذولي اولادك لكن لو فيه اطراف ثانيه زي الضره واولاد الزوج وخصوصا اذا ساكنين عند بعض المشكله ان ممكن تكون مشاكل بينهم ولو صغيره اصغر من مشاكلك مع عيالك ولا زوجك بس حلها يكون صعب جدا وانا عشت هذا الواقع كنت في بيت اب معدد فيه مشاكل لكن صعب حلها جدا والسبب سوء سياسة المعدد في بيتهم .....

الغيره المفرطه من المرأه والاخوان من الاب واللتي تصل الى حد التعدي على حقوق الغير .....والان تزوجت والحمدلله وحيده واخواتي وحيدات وكلنا نواجه مشاكل لان هذي طبيعة الحياه لكن كلنا متفقين ان المشاكل اللي بعد الزواج اخف بكثير من اللي كانت مع اب معدد.....والان زوجي فيه عيوب كثر التراب ويجيب لي الهم احيانا لكن والله مقارنة بحياتي السابقه اني احس حياتي الان جنه...عن اول ....


وانا اقول لزوجي لو تزوجت علي بتطلق لكن لو جينا للواقع لو صار هذ الشي ماراح اسويها ابدا حتى لو ظلمني لان بطلاقي انا الخسرانه انا امرأه لو تطلقت محد بيتقدملي غالبا الا ان اكون زوجه ثانيه ....وش الفايده اشرد من معدد واطيح بثاني وعيالك ايش بيكون مصيرهم شتتيهم ولا استفدتي شي ...دمرتي حياتك وحياتهم عشان تعاقبين زوج اولادك اهم من نفسك .....

ولو تزوجتي اي رجل ثاني بيحط فباله مسألة التعدد و مو كل واحد ماعدد معناته يحب زوجته ومو كل واحد معدد معناها مايحب زوجته اللي تزوج عليها ...صدقيني احنا نفهم الرجال غلط الرجال ماهم زي طبيعتنا ...كل واحد يتزوج على زوجته يعني مايحبها هذا كلام غلط 100% الرجال يحب كل النساء ويعشق الميل لهن طبعا للجنس فقط ومجرد ان ينتهي من شهوته زيها زي اي وحده ثانيه ....
بس احنا نتكايد ونتخاصم ونتحارب ونطلق ونظلم ونغار واحنا كلنا نساء وكل هذا عشان رجال ...والرجال مافكر فينا ....

يااختي المفروض الحرمه تصير انانيه زي الرجال وبتفكر بنفسها ومصلحتها ....حنا نركض وراهم وهم ولاهمهم ...انت تحب فلانه اكثر لانها الثانيه وانا قديمه ..والثانيه تقول انت تحب الاصل وام عيالك هي الاساس وانا الفرع وانت ماخذتني الا للفراش بس ...وتصير حرب بينهن وهو ولا على باله عايش وناسته ...ويطالع بغيرهم بعد....

انا انصح كل زوجه انها تفكر بنفسها وتترك الرجال ولانعطيهم اكبر من حجمهم ...فطلاقك منه لسبب زواجه فقط اهانه لك انتي وليس له هو بالعكس لو تطلقتي بتريحينه وبتريحين ضرتك...لان الرجل مايكرهه بالتعدد الا المسؤوليات والمشاكل ....ياكثر الرجال اللي تزوج اكثر من وحده وندم لان كلها لحظات وتذهب السكره وتبدأ الفكره مل من الثنتين ومابقاله غير المصاريف والمسسؤوليات والرجل المعدد اكثر رجل يعاني هذا كلام عن تجربه ...فاحسن شي بالتعدد ان يهلك الرجال قبل المرأه وان شاءالله من هذا الحال واردى ......لان تعذيب قلوب النسوان مو شي سهل وماهو منا لعدل انهم يستاانسون واحنا نتدمر لازم حتى هم ياكلونها...

عيشوا حياتكم ياحوائيات وانبسطوا ولاتظلمون غيركم وخلو عندكم كرامه ...مالت عليهم الرجال ..نتهاوش ونتعادى عشانه..ونغار عليه وهم يمشون بين الناس ويقولون علينا بعد ناقصات عقل ودين ويفكرون بغيركم بعد