الحقوني بمشكلتي /تغيير سكني .. معدل

صباح الخير يابنات
من دون مقدمات عندي مشكله وابيكم تشورون علي تعطوني حلول قدام انجن
انا في بيت اجار وكنت مبسوطه بهالبيت مؤثثته احسن اثاث والايجار كويس
اليوم صاحب البيت قال لزوجي لازم تطلعون من البيت ابزوج ولدي وابحطه بشقه
المشكله العويصه ان ماباقي الا اقل من شهر على رمضان متى بندور شقه ثانيه والاغراض
والحوسه
والمشكله الثانيه انا مسجله ولدي بمدرسه جنب البيت وخرب علينا صاحب البيت الله يسامحه
:06: وكل متذكرت صاحب البيت اتحسب عليه وادعي عليه قهرني ليه ماعلمنا قبل شيله هم مدرسه ولدي ووجيراني المشكله زوجي فيه برود غير طبيعي يشوفني منقهرة ويقولي هو صاحب البيت وحر بحلاله
ورجاء لاتدعين على الرجل قدامي ياربي وش اسوي
تخيلو كن بنطلع نعتمر ونسافر لاهلنا خرب علينا كل شي
شورو علي وش اسوي

17 تعليق 1,631 مشاهدة

شاركي في النقاش

سجلي الدخول لإضافة تعليق.

التعليقات

17
  1. @ksh_sbr

    مدام ربي مقسم الارزاق ليش متضايقه

    ربي ارحم بك من نفسك

    يمكن لو قعدتي بهالبيت صار حريق لا قدر الله

    صار شيء انتي موب متوقعته

    ارضي بقدر ربي

    وخليك صابره

    هووو شيء يقهرما اقولك لا بس قولي الحمدلله

    قدامك شهر كامل قبل رمضان

    خلي ع لسانك حسبي الله ونعم الوكيل + الاستغفار ...

    ربي يفرج همك
  2. @thkryat_mnsyh_1

    لعلــه خير يالغاليه

    لاتشيلين هم اكيد خير لك

    والمدرسه امرها هيــن يمكن خير لولدك كمان

    هدي بالك يالغاليه وموفقين ياااارب
  3. @am_aro_12

    الله يعينك ويعيني

    احنا عكسك اتمني اطلع من البيت اللي انا فيه علشان صاحب البيت يحب الفلوس وكل شوي يزيد في الايجار

    وزوجي حالته الماديه ع قده يعني يبي نسرق علشان طمعه حسبي الله ونعم الوكيل

    ع بالهم الفلوس تجي بسهل

    اجل اللي ماعندهم فلوس وش يسوا يارب رحمتك
    لا والمصيبه زوجي يحب صاحب البيت ويقول ماابي اطلع احنا الحاله الماديه تنزل بسبب الايجار ومصريف البيت

تابعي تجارب أخرى من هذا القسم.