الله يفرج هم كل وحده تدخل و تعطيني رأيها تعبانه و ربي !

السلام عليكم ورحمة الله وبركاته

كيفكم اخواتي الغاليات و الله اني اشكي لله ثم لكم همي اللي ما قدرت اقول حتى لامي واخواتي عنه انا متزوجه وعندي 3 أطفال و زوجي عينه طويييييله يعني متعب حيييييييل

المهم قبل يمكن 8 سنوات ولدت ب ولدي اكتشفت ان له علاقه بمجموعة بنات موب وحده وانكر هالشي بالرغم من وجود رساله مرسله من جواله لرقمها و كاتب اسمها وقت نومه يعني موجود بالبيت جوالات نوكيا اول ما طلعت اللي تخزن المرسلة وهو مايدري بهالميزة لان الجوال جديد كان ...

قال اكيد فيه طريقه احد ارسلها من جوالي وانا نايم طبعا واضح انه كذاب بس مررتها وقلت يمكن يتعدل لانه ندم واعتذر و قال انا واسطه بين صديقي وخويته و انا متأكده انه كذب لكن الشكوى لله

الآن قبل شهر تقريبا انا ادرس ماجستير و اداوم يعني تقريبا مشغوله معظم اليوم و برضاه ..
المهم فتحت جوااله بالصدفه والقى رسائل فيديو اباحية من زميله في الواتس اب ويحلف اني ما اشوفها والاقيه داخل منتدى وضايف وحده كصديقه ويراسلها عالخاص وهي تكتب له مواضيع رياضيه وتقول عشانك ابحب الهلال و قسم الطبخ تنزل مواضيع وتكتب الموضوع عشان فلان و يرد عليها في المنتدى بأغاني وكلام حلووو عمري ماسمعته منه :icon33: و بطاقات لآحلى شعر وياكثرها ومسوي توقيعه باسمها ويقول والله موب عشانها !!!!!! وانا اقراها تقطع قلبي وتألمت من جد وكان فيه رسائل خاصه مع شخص يقوله جوالاتك مقفله ويتكلم عن جوال ثاني مع انه قدامي بس جوال واحد ..
واجهته حلف مافيه جوال ثاني وهذي حركه نرفع فيها ضغط واحد في ادراة المنتدى
و اللي متعرف عليها حلف انه بس في المنتدى وانه شي عادي مايستاهل الزعل لانه كلام فاضي في النت ولانه كان يتسلى وترى ما كلمت و لا رحت لها عشان تزعلين !!!!!!!!!!!!!!!!!!!!
ويقول والله كأني كنت بحلم و صحيت الحين ليش انا سويت كذا وندمان ومقهور ..... ..
حذف معرفه وحلف ماعاد يدخل المنتدى من يومها ..
الحمد لله انا مهتمه بنفسي و بعيالي وبشهادة الكل و فكرت انه ممكن حسد او نظره مع العلم ان اهله ضدي و بقووووه
من بدت السالفة و انا ما اطيقه استغفلني كثييييييير و انصدمت فيه ما توقعت هذا كله وخايفه من اللي ماعرفته وسوست و مرضت والاهم انعدمت الثقة ومادري وش اسوي ؟؟ تكفووووون قولوا لي

والا زمننا هذا حاله الله يفرجها علي وعلى كل مسلم ومسلمه :icon36::icon36::icon36:

14 تعليق 1,928 مشاهدة

شاركي في النقاش

سجلي الدخول لإضافة تعليق.

التعليقات

13
  1. @almas_20010

    عزيزتي عليك با الإستغفار والدعاء لزوجك با الهداية وعليك با الصبر لا تخلين وحده من هذه الاشكال الي ما تخاف الله تهدم بيتك وتفرق بينك وبين زوجك واولادك واخيراً انصحك با الصدقة والله تدفع البلاء عنكم


    دعواتك لي بتيسير اموري
  2. @am_shmokh_7

    الله يفرجه عليك بس والله تفكير الرجال كذا نفسي اعرف وش يحسون لاسوو هذي الحركات يعني مو كلهم اغلبهم ماقول غير نسأل الله السلامة والعافيه
    بس تعرفين طنشي والله مالنا الا الدعاء ولاتكدرين خاطرك ترا كلهم كذا الا من رحم ربي

    حرام لاتكرهين رجلك ولاشي مشي الحياة قصير انتي اجتهدي بالدعاء وابذلي الاسباب اللي تصرفه عن هذي الامور واشغليه واشبعيه مادياً معنوياً نفسياً جسدياً واطلعو اتمشي ومشي عيالك كل شوي وكل مالزق فالكمبيوتر الزقي معاه بس لاتشوفين معاه جيبي كتاب واقري وخليك جنبه مدري جمبه المهم خليك كذا واقفتله بدون مراقبه فهمتيني  
  3. @sweet_forever

    ياقلبي استودعي الله زوجك بكل وقت وكل حين والزمي الاستغفار والدعاء والصدقة والصلاة على الحبيب
    الله يفرج همك وييسر امرك ويسعدك دنيا واحره يارب
  4. @nosh_24

    اهتمي بدراستك وبنفسك ..
    واذا خلصتي من هم الدراسه تفرغي لزوجك ومشاكله .. وحليها
    طنشيه .. حتى لو يخون ولو يسوي ويسوي .. مرده بالنهايه لك مايقدر يستغني ..
    انتي ارسلي له احاديث او ايات او فتاوي عن العلاقات المحرمه وهالاشياء
    خذيه بإسلوب انك تعضينه وتنصحينه .. من بعيد لبعيد
    لاتتعبين نفسك وتمرضين بسبب واحد مايستاهلك ..
    بالنهايه انتي لنفسك
    ..
    لاتنسين الدعاء والاستغفار والقران ..
    رددي ( حسبي الله ونعم الوكيل )

    الله يفرج همك ويسخر لك زوجك
  5. @askrym_krz

    استودعي الله قلبه وادعي له بكل سجده وتريها فتررررررره وتعدي ان شاء الله الله يفرج همك ويحفظ لك عياااالك من عيال وبنات الحرام ..,

تابعي تجارب أخرى من هذا القسم.