أما ردود بعض البنات غرررريبه!
اجل حركات طفولة ومراهقه وشفاحة الخ.. !
واللي تقول ما ابي الناس يعرفون اني احب زوجي!
سلامااااااااااااااات..
ليه معقدين حياتكم كذا.. هذا زوجك.. يعني حبيبك وشريك حياتك..
وش المشكلة لو لبستي شي فيه اول حرف من اسمه او اسمه كله..
بالعكس.. حركة لطيفة وفيها شقاوة ودلع وتعبير عن الحب..
الزوج بيفرح فيها اكيد وبتكونين ادخلتي السرور لقلبه.. احتسبوا الاجر عالاقل..
بعدين اللي تقول موضة قديمة ومدري ايش..
شوفوا جويل خبيرة التجميل اللي في ام بي سي..
لابسه برقبتها حرف k من زمان.. لانه اول حرف من اسم زوجها (كمال)..
وهي اعلم مني ومنكم بالموضة..
واصلا هالشغلات ماتخضع لصرعة او فترة معينة..
انا مره سويت نقش حناء فيه اول حرف من اسمي واول حرف من اسمه..
وبينهم قلب وفراشات.. كان مره حلوه.. سوته لي حنايه هنديه..
وماتتخيلون وش كثر زوجي فرح مررررره بهالحركة.. ماشاء الله تبارك الله..
واكثر شي اسعده اني رازه النقش قدام الناس.. خصوصا اهله..
حسيته فهمها على اني فخورة فيه ومعلنة حبي له قدام الكل..
وياربي لك الحمد دامه شي بالحلال ويقرب القلوب وش المانع؟؟
عيشوا حياتكم يا بنات.. ولا تسجنون نفسكم بعقد وكلاكيع..
وسعي صدرك وعلقي اسم زوجك برقبتك او ميداليتك او انقشيه بحناء..
او حطي استكرات الحروف على صدرك او كتفك..
اذا انتي ماسويتي كذا لزوجك اجل مين بيسوي له ويدلعه ويتباهى فيه؟!!
هذا زوجك حلالك شريك حياتك.. عيشي وفرفشي انتي واياه..
وش رايكم بللي تلبس شي بحرف الزوج
متابعة النقاش، صفحة 14