زوجي العزيز ... طفح الكيل

السلالالالام عليكم ي خواتي

في البدايه احب اقولكم اني ماكتبت موضوعي عشان محتاجه رأي اني صح او غلطانه انا بس محتاجه افضفض و دعواتكم في ظهر الغيب لعلها تصدف بساعة إجابه

مشكلتي اكيد اكيد مع زوجي المصون ومكالماته مع البنات .. تخيلوا معه وحده بالواتس اب كل ماحطت بيت شعر كتب مثلها ويرجع يوريني يقولي كتبته اهداء لك . مايدري اني معاه ع الخط واكتم في نفسي وابتسم واسكت.. تدرون الحريم مايخفى علينا شي سبحان الله ... الله يكشفهم بأبسط الطرق وبدون مجهود .. المعلومه توصل لحد عندك ههههه
احيانا ألمح له اني فاهمه واقوله الله يهديك وتخلي عنك حركات المراهقين يقولي انتي مريضه نفسيا يتهيألك... يكررها دايم ع باله بيأثر فيني وبيصرفني
مو مهم هذا كله المهم اني وصصصلت معاي اليوم من بيت شعر كاتبه بلهجت هذيك البنت وماقدرت اسسكت خلاص الطاقه انتهت .. انا انسانه ما اقدر اتحمل فوق طاقتي حاولت ماقدرت .. واجهته قلت له كاتبه ل فلآنه !!! عصب  واخذ عصا يبي يضربني !!! تخيلوووو شين وقوي عين ؟!
عصبت وصرخت قلت له لو تمد يدك والله اذبحك هنا وقمت اصارخ واهاوش طلعت من طووووري بس جبت كل بلاويه الي كنت ساكته عنها .. جلس يحلف انه بيطلقني ويقول لمي اغراضك ويقول والله لاجيبها فوق راسك قلت له ما اطلع الا بورقتي اذا جبتها تعال كلمني وقلت له اطلع  براآ ههههههه تصدقوون ؟!! 
والله طلع طول اليوم عند اهله تحت .. احس اني مرتاحه الحمدلله اني تكلمممت بكل اللي بخاطري مع اني ادري انه مبسوط الحين وماخذ راحته اكثر
حاولت معه بكل الطرق بس ادري الي مايتوب من نفسه مافيه امل يتغير الله يعين بس
ابي دعواتكم ان الله يهديه ويصرفه عن الحرام ويسخره لبيته
سامحوني ع الكلام الملخبط
نسيت اقولكم ع سالفة باطلقك باوديك لاهلك باتزوج عليك كل ماتهاوشنا جنني فيها!! انا اقوله ماتفررق :(
بس والله تعببببت

44 تعليق 4,782 مشاهدة

شاركي في النقاش

سجلي الدخول لإضافة تعليق.

التعليقات

44
  1. @shmaa_hyat

    الله يسخره لك ويهديه حاولى تتكلامى معها فى وقت يكون فيه رائق وتتفهمو وتقوليله مترضى على انى اكلم احد من وراك وحط نفسك مكانى وبالتفاهم والطيب ربى يصلح مابينكم وتراء الرجال زى الاطفال يبغى لهم من ينصحهم ويعلمهم والله يسخره لك ويبعد عنه بنات الحرام
  2. @queen_37

    عجبني تصرفك يوم قلتي له لاتمد يدك والله انك قوية ويارب تعدين بعض الحريم الي ترضى بالاهانة والضرب وما اقول غير الله يصبرك ويعينك
  3. @dhk_hm

    قسم بالله انك كفو وبنت رجال
    زين ماسكتي عن حقك
    خليه يحس انك ثقيله ومنتي ميته عليه
    الي مايقدرك لاتقدرينه

تابعي تجارب أخرى من هذا القسم.