تطلقت اه ياربي الله يسامحه / استوفى الردود

سبحان الله

دائما رددي حسبي الله على من ظلمني >> جربي وما راح تندمي

خلاص هو اتخذ قرار عزي نفسك

واذا تم الطلاق الله يعوضك باللي احسن منه توك صغيره والعمر قدامك

وباين ان خالتك تبغاها من الله
وجاتها
كيف راح تعيشين معاه وامه كارهتك والله راح تعيشك بجحيم

اسأل الله ان يفرج همك ياعزيزتي
والله اني حاسة فيك وفي كل كلمة كتبتيها
وكل تصرف او لحظة صدق مع النفس و تنازلات قدمتيها
وانا مثلك عرفت اني حامل وانا في بيت اهلي بعد ماصارت بينا مشكلة
وقصتي ماتختلف عن قصتك كثير، امه واهله السبب وهو عصبي و يمد يده دايم
بس أنا بقولك الحين خلاصة تجربتي:
النفسية السيئة والأفكار المتشائمه التي تمرين فيها الان هي بسبب الحمل
يعني عز عليك وجود هذا الكائن اللي يربطك بطليقك وصار عندك رغبة في التنازل عشان خوفك من المستقبل
نصيحتي لك
1-احمدي ربك على نعمة الحمل فكم من انثى محرومه
ولعل في هذا الطفل سعادة و رزق ساقها المولى لك
واهتمي بنفسك وانبسطي ولا كأن شي صار
بتقولين صعب اقولك أكيد ولكن اللي باعك برخص بيعيه بتراب ولاتشاورين
والله مايستاهل دمعه من عينك
2-اقطعي تواصلك معاه نهااااااااااااائيا
اذا جوالك الاتصالات ارسلي 8883 بعدين مسافه وبعدين رقمه هو ل902 وبكذا بيسوون لرقمه حظر وكل مابيتصل عليك بيطلع له جوالك مغلق، بالنسبة للواتس اب سوي له بلوك من الستينق
تقولين ليش،، اقولك لانك جربتي التواصل معاه وتنازلتي بمافيه الكفاية و زيادة ولا نفع معاه بالعكس
الخائن الأثيم لعب بمشاعرك واستغلك وطلب صورك وصور اختك، أكيد نواياه السيئه اتضحت لك
خليك ذكية و عزي نفسك واقولك إياها وصية من اخت في الله
والله ان كلامك معاه ماراح يرجعه لك أبدا الا ان يشاء الله
لو هو فعلا ندمان وفيه خير بيدق باب اهلك ويكلم ابوك واخوانك رجل لرجل
وهذي كانت وصية أبوي لي الله يحفظه وندمانه اني ماسمعتها كم مره قالي طنشيه لاتكلمينه بس أنا ماندمت الا بعدين
ليه
لان كلامك معاه ماراح توصلون لنتيجة أبدا ويزيد القيل والقال وتذكر الماضي و وووووو
بس مع الرجال لو جاء راح يتفقون وكل واحد يعرف اللي له واللي عليه
(( وانا افضل لو لو لو لو جاء يبي يرجعك اطلبي لك رضوة بدل البهذلة والضرب والطلاق والاستغلال تستاهلين ومنها تعزين نفسك وتختبرينه لو فعلا صادق وندمان)))
3- ابعدي عن راسك الخرابيط وسالفة مين بيتزوجني والا هو ربي يسر دربه وفتحها عليه بعد ماتركني
ياقلبي مو دليل وتذكري ان المؤمن مبتلى دايم
بس انتي واظبي على ذكر الله والدعاء وصدقيني بتحسين براحة عظيمة
4- ارجع واقولك لاتتواصلين معاه أبدا أبدا أبدا
والله ييسر لك الخير ويسعدك