الملف الــحــــــ(11)ــــادي عشر لــــ((خبرتي+خبرتك بمستشفيات المنطقه الشرقيه))

كيف خياطة مستشفى سعد؟ واطلب منهم تجميل ولا ايش؟

السلام عليكم

صباح الخير

اشتقت لسواليفكم من زمان عنكم طبعا أنا ما ولدت صامده الله يكتبه بالساعه المباركه

جايه من قوقل شخبارك أنا الحمد لله بخير كل يوم أوجاع جديده والنفسيه يوم لك ويوم عليك الله يعين يا رب

فلسفه معليش مسامحتك أهم شي سلامتك أنت والبيبي

بنات أشوف في أزمة خياطه في تجمعنا أنا بكريه بس قريت عن الولاده في كتاب أمريكي ويقول أن الطفل إذا وسع لنفسه أحسن من إذا وسعولك جراحيا لأنه يلتئم أسرع ويكون أقل عرضه للإلتهابات والمنطقه ترجع زي قبل أحسن يمكن عشان كذا مستشفى سعد يستخدمون هذي الطريقه والله أعلم

الله يتمم علينا بخير ويكتب لنا ما في صالح

بنات مين عندها موعد دصبا هذا الاسبوع ؟ابطلب منها طلب اللي موافقه تقولي؟



وورلد فعلا م سعد سياسة التوليد عنده امريكيه وعن تجربه هنا وهناك



بس تصدقين ريحني كلامك الله يوفقك

صبحكم / مساكم الله بكل خير

الله يعطيكم الصحة و العافية جميعاً اللي مكرشة و اللي فكت البقـشة :biggrin2:

أنا من يومين مع كل حركة أو دخلة حمام و إنتوا بكرامة تنزل علي مويا و إفرازات

المهم رحت اليوم تخيلوا مافي إلا دكتورة وحدة بكل عيادات النساء و عاد هالدكتورة مرة شاطررررة

اسمها سحر مشهورة بالمانع أنا من أول ما حبيتها لأن زحمة عليها و إذا انضغطت تكشر و تمشيك بسرعة

المهم ما كان فيه إلا هي .. و قالت لازم أفحص مهبلي و أصلا أنا رايحة و في بالي أبي دكتورتي تفحص

أحس الرحم مفتوح .. طبعاً أدري إن مافي وحدة تعرف بنفسها بس لأن صرت أحس الهوا يدخل و يطلع

و أشك إن طلقي بارد لأن طول فترة حملي ما أحس بآلام و لله الحمد .. الزبدة فحصت و طلع مفتوح 1سم

و الراس ناااااااااااااااااااااازل مرة مرة بالحوض فقالت ولادتك خلال اسبوع و يمكن قبل مع الفحص لأنه

يساعد .. و إنه بينزل افرازات بنية لا تخافي هي من الفحص .. و أنا عندها نزل إفراز بني

بس لما رجعت البيت بعد ساعة تغيرت حركة النونو + ضغط قوي أحسه أسفل ظهري و الحوض

+ شوي مشى الإمساك و إنتوا بكرامة + نزلت كمية مويااااا لونها أحمر يعني مبين إنه دم مو لون بني

و الحين فيني ألم خفييييييييييييف .. أوصفه بالشـد أكثر من إنه ألم .. يعني يضايق ما يألم


طبعاً و أنا أكتب لكم يستجد شي جديد و أمسح و أعدل هههههـ

أدري يمكن يختفي كل هذا و يمكن أعوشر بس مرة تحمست و قمت نطيت أخلص شوي ترتيبات

فعلاً مهما قلت إني جاهزة تطلع لي أمور جديدة .. و الله يسهل علي و عليكم ..







و عليكم السلام

أنا بخير جعلك بخير .. مسكت نفسي أرد الصباح عشان أقولكم وش يصير بموعدي :biggrin2:






شوفي صح كلامك و هذا اللي أقراه و اسمع دائماً و يقولون إن ما عدم الحريم إلا الشق

لأن شايفة بالخارج ما يشقون إلا للبكرية و مو دايم و بعض المستشفيات هنا ماشية على هالنظام

و أنا أشوف إنه صح .. و قريت تجارب كثير يقولون أفضل بمليون مرة و ترجع المنطقة تلم يعني

مافيها خوف .. و أريح لك في النفاس لأن الخياطة هي اللي تخليك مرابطة بالسرير و ما تتحركين

على عكس لو بدون خياطة مرتاحة نفسياً و جسدياً ..

في موضوع حلو قريته ملياااااااان تجارب بس بجيب لك الرابط لأني حافظته بجوالي

World هذا الرابط
http://forum.hawaaworld.com/showthread.php?t=1885017
مرة عجبني مليان تجارب بين المؤيد و المعارض