شاركي في النقاش

سجلي الدخول لإضافة تعليق.

التعليقات

1,989

  1. @brlnty_9

    نجلونا
    الله يقومك بالسلامه ويسهل أمرك وتتمي التاسع على خير
    لوحه
    حبيبتي بأي مستشفى استقريتي؟
    طماطه
    ربي يرزقك ولادة سهله ميسره بساعه طيبه

  5. @bnt_alksym3

    قصة ولادتي حياكم....

    مسائكم ورد وجوري ياكروشات الله يهون عليكم وتالدون ولاده ميسره سهله ...

    لي اليوم من ولادتي 18 يوم... من الشهر الثامن كل يوم معي طلق وكنت خايفه إني أولد ولاده مبكره...

    ورحت للمستشفى وأخذت مثبت خفيف وصرت كل ماحسيت بالمغص أخذت حبه والحمد لله دخلت التاسع

    وبنفس الطريقه الطلق يوميا معي ....

    ولما صار لي 5 أيام من التاسع ورحت الدكتوره وكشفت وقالت مفتوح الرحم 2 سم ...

    وبعده بيوم قمت الصبح كم مره من ألم المغص وضغط على تحت قوي ... ولما قمت الظهر خف المغص

    بس فيه ضغط كل شوي لدرجة أقول بينفتح الكيس من قوة الضغط...

    وبعد ماصليت وأفطرت أخذت ملعقتين خروع مع كاس عصير وصرت أمشي ببيتي ومعي كتاب الولاده وأقرأ فيه

    وأنفث في مويه وأنفث على نفسي وأمشي بسرعه وخطوات متباعده ... وبدأ معي وأنتم بكرامه الأسهال


    يمكن خمس مرات وبعده بدأ ضغط قوي وقلت لا لسى ... صليت المغرب ويالله صليت كل شوي مغص ...

    على طول دقيت على زوجي كان بالمسجد قلت خلاص بدأ الجد يالله على المستشفى وكانوا أهلي متجمعين

    بأستراحه وأخواني جايين اللي بالرياض حطيت عيالي والشغاله عندهم وقلت أبي أروح لمحل شوي وأجي

    ودخلت المستشفى وقاست الرحم قالت 3 سم وأنا طبعا مو بكريه فممكن بسرعه يفتح الرحم ...

    ودوني على الكشك وجت الدكتوره اللي بتولدني وشافتني وأنا أتوجع وكنت واقفه وسبحان الله بطني ينزل

    تحت مره قال الدكتوره خلاص الحين ولاده جنين نازل مره ...

    ودخلوني الكشك وقاست الدكتوره وقالت 5 سم خلاص يالله غرفة الولاده ... وعلى سرير الولاده طبعا حطولي

    مغذي وقالت الدكتوره أبي أفتح الكيس علشان على طول ينزل الجنين وقلت لا تكفين أصبري شوي ماأدري

    وش جاني خوف مو طبيعي .... وقالت أحسن لك بسرعه ولاده ... إذا جاك طلق علميني علشان أفتح الكيس

    ولما جتني طلقه قلتله وفتحت الكيس وقالت يالله أدفعي وأنا مامعي دفع لسى قلت لسى يادكتوره ماأحس

    بدفع قالت يالله أنا أشوف راس البيبي وقال ماني مسويه توسيع بيبي يمكن صغير لأنه بداية التاسع ...

    وصرت أدفع وأنا ماأحس بدفع بس تعبت ولا فيه شي ... وبعده بفتره من التعب والدفع بدون فايده قالت خلاص

    أبي أفتح راس ممكن كبير وفتحت وبعده بشوي الحمد لله دفعت وطلع دحومي بعد قلبي والحمد لله سمعت

    صيحته وفرحت وحمدت ربي على نعمته ... وأخذته الممرضه تنظفه قدامي وقالت وزنه ماشاء الله كيلوين و800

    جرام الحمد لله ... وبدت الدكتوره تخيط وبعده بشوي طلعت المشيمه وأنتهت الولاده بحمد الله الساعه 9 مساء...

    والحمد لله ولدي ولله الحمد ماأحتاج حضانه وطلع معي...

    لكن بدت مأساة الخياطه صارت خياطة الدكتوره سيئه مررررره ماتتخيلون شكلها وش لون ... ورحت لدكتوره

    بمستوصف وقالت محتاجه خياطه الخياطه مره سيئه وأعطتن مطهر وقالت أستخدميه ... واليوم رحت له وسويت

    خياطه جديده عسى الله يكتب لنا الأجر....

تابعي تجارب أخرى من هذا القسم.