خلونا نساعد بعض في تعليم كتاكيتنا الحمام //تم الدمج

معك حق والله تعتمد على الفهم والاستيعاب
بس انا قريت ان الطفل كل ماعلمتيه وهو صغير تعلم بشكل اسرع وما ادري والله اذا صحيح والا لا

ودي اعلمه بهالعمر وارتاح خاصه اننا صيف ورمضان الله يشرفه عالباب وغير كذا ماوراي سفره ولا شي وابوه يداوم يعني الطلعات ح تكون قليله فهالشي مشجعني اكثر
بس نفسي اعرف كم تقريبا احتاج مده علشان يجيني من نفسه يطلب حمام

وبالنسبه للحفاظه وقت النوم لا تضيقين صدرك هي لازم يتاخر موضوعها شوي لان يبي لها ضبط نفس وهم صعب عليهم هالشي
بس علشان مايعذبك نوميه متاخر وصحيه كل اربع او خمس ساعات شيليه ووديه الحمام واذا برضو مايرجع ينام اجلي فكرتها لين تحسين انه مستعد

الله يسهل علينا يارب ويرزقنا الحلم والصبر

حلوة فكرة الصور والله شكلي بسويها وبرضو افكر اطبع جدول التشجيع واعلقه على باب الحمام علشان كل مايسوي في الحمام نحط صوره نجمه يمكن ينفع هالموضوع
كويس ما شاءالله انها بدت تستوعب بسم الله عليها
الله يتمم وتتعلم وتحققين الانجاز الاكبر وانا معك
والله اذا شفت فيه احد مثلي جالس يعلم الحمام اتشجع اني اكمل معه لينح يعرف

انا ولدي عمره ثلاث سنوات بتمام ودي اعلمه طفشني بس معرف كيف ابدا وكيف افهمه خصوصا انو احس مايستووعب كثير 
ريم فيصل ببداء معاك من الان بروح اوديه الحمام وافسخ البامبرز بس اكتبي لي يومياتك معه عشان استفيد 

ما شاءالله تبارك الله ولدك عمره حلو وبيقدر يفهم بسرعه
قبل ماتبدين قولي له اول انت صرت كبير وشاطر وخلاص الحفاظه صار للصغار وعطيه نموذج من اطفالكم الصغار اللي يلبس
مثلا ولدي اقول له الحفاظه حقت ديما وانت كبير صرت رجال تروح حمام ونظيف
وشجعيه باي شيء يحبه بس ابعدي عن الشوكولاتات لانها تسبب اسهال الله يكرمك وبيبهذلك اكثر

شوفي انا اليوم ثالث يوم لي وللحين يسويها على نفسه مع اني اساله كل شوي تبي حمام ويقول لا واتفاجئ انه عملها على ملابسه
وناااادر يقول لي ايه ويطيعني ويروح الحمام واحيانا يسويها بالصدفه في الحمام

بس يبي له صبررررر الموضوع لانه بيطلعك من طورك وبيحسسك بضغط نفسي خاصه اذا كنتي مثلي لا شغاله ولا احد يساعدك

بس كل ماحسيتي باحباط تذكري ان رمضان جاي واننا بفصل الصيف وهالشي بيخليك تتشجعين اكثر انك تكملين معه

وشوفي يوميلتي كاتبتها بهالموضوع
يبا شجعيني واشجعك علشان نتحمس اكثررر :39:

حلو الموضوع ..

بنتي الشهر الجاي تكمل سنتين ..

جربت قبل كم يوم اعلمها ع الحمام هي عارفة ان دي الاشياء تسويها بالحمام بس رافضة تسويها ومن اقول الها حمام ضربت راسها بالارض و انواع الصياح ..

ف قلت خلها شهرين كمان و اجرب معها ..