بسم الله وصلاة وسلام على رسول الله
:26:نبدا قصة ولادتي مثل ماوعدتكم:26:
اول شيء طبعا انا عوشرت ولله الحمد ومليييييييت ابي اولد جا في يوم حسيت مغص لاكن ماكان قوي وقررت
اروح المستشفى جا زوجي من الدوام ورحنا وكان متحمس يحسب اني باولد خخخخخخ
المهم رحت ودخلت الطوارء ولما دخلت راح الوجع ههههههههه جو يقوسون الطلق مافي طلق
وجت الدكتوره وقاست فتحة الرحم قالت مفتوح 2 سم
ارجعي البيت واشربي قرفه واشربي زيت خروع وشمي حلتيت
وفعلا رجعت البيت وكل يوم اجرب شيء وامشي وامشي لين رجليني تنفخت وتعبت ومافي فايده يابنات
وجلست على هالحال اسبووووووووعين ورجليني تعبتي ووركي انخلعت وصرت اسال البنات هنا في المنتدى عن شيء يفتح الرحم لاكن
بدون فاااااااااااايده وكل مره اروح للدكتوره تقولي نعطيك فرصه يومين اذا ما ودتي خلاص بنعطيك طلق صناعي
وجا في يوم ماقدرت انوم من الم ظهري رحت الصبح للطوارء ودخلت جت الدكتوره وقاست قالت لي الرحم مفتوح 2 ونص سم
وباسوي لك تحريض اااااااااااااه ياشين التحريض وجلست اصارخ وهي تفتح الرحم قالت يلا الحين صار 3 سم
وسوو الاجراءت الدخول ورحت للغرفه حقتي وسوو لي قصدره عشان يفضون البطن وانتم بكرامه وانا كنت جوعاااااااااانه وطلبت منهم
اكل كانت حاوسه الموضوع بيطول وخفت اموت من الجوع وجابوا لي اجل اكلت بس ماكثرت شوي وجت الدكتوره اللي متابعه حالتي
وقالت يلا باقيس فتحة الرحم وجت تقوس لقته مازال 3سم وسوووت تحريض يووووو ياشينه وقالت يلا الحين صار 4ونص سم
يلااااااااااااااا نشوفك في غرفة الولاده
وطلعوني غرفة الولاده سرير الولاده وسرير البيبي اناظره واقول ياربي متى اشوف بنوتي فيه
طبعا نسيت اقولكم من اول مادخلت وانا في يدي حلتيته لافتها بشاش واشمها لانهم يقولون تفتح الرحم وتحمي الطلق
وجتني دكتوره ثانيه وقالت يلا بنفتح موية الراس وفتحت موية الراس وركبوا لي المغذي وفي طلللللللللق صناعي وما ادراك
ما الطلق الصناعي
وبدا الالم يووووووووووو وطلق ورا بعض وانا اتلوا على السرير واستغفر وادعي لنفسي ووالديني
وربي يشهد على دعيت لكل محرومه ان الله يرزقها ويهون على كل الحوامل
واقرا الزلزلة وكل شوي يقوسوووون
المهم جلست على هالحاله ليييين فتح الرحم 10 سم والالم صار ما يحتمل ابدا وصرت اصاااااااارخ يلا نادوا دكتوره وحسيت فعلا شيء
نزل تحت وانا ابي ادفعععععع واقول للمرضه خلاص ابي سوي بوووووش وهي تقولي لالا اصبري لسه الرحم مافتح
وشوي جت الدكتوره طااااااااااااااااااايره وبسرعه تلبس اللبس وحطيت رجليني في حق الرجلين ما ادري وش اسمه خخخخ
وبعدين حسين بشي تحت جالس يجرحني وكان التوسيع بعدين قالت حطي يدينك على المسكه وادفعي
مسكت المسكه وقلت يارب والدكتوره والممرضه الله يجزاهم خير يشجعوني يلا يلا بوش وانا ادفع وادفع لين جت لحظه خلاص مو قادره
وقفت لما وقفت حسيت بشي كبير وقاسي جالس يطلع مني وبعدين وعيت انه الراس وهي تقولي يلا خلاص اخر مره ادفعي دفعه طويييله
ودفعت دفعه طويييله وقالت الدكتوره خلاص خلاص خلصناوسحبت الجسم وااااااااو لحظه ماتوصف تعب وخوف وفرحه
وطلعوا بنوووتي وحطوها على صدري شوي وشالوها عشان يغيرون لها الله يخليها لي ولا يحرمني منها
شوي وجلست الدكتوره تخيط لي وجلست تحت المراقبه ساعه وودوني غرفتي
واسمع زوجي ورا الستاره يكلمونه ويباركون له
يارب لك الحمد مريت باجهاضات وتعب واوقات صعبه شفت فيها نظرات الشماته في عيون اقرب الناس لي
حسبي الله ونعم الوكيل
دعواتكم لي الله يحفظ بنوتي ويرزقني برها ويهديها
ويرزقني بعدها الذكور الصالحين يارب العالمين
نصيحه لكل المحرومات ماعليكم من احد خلي اللي يقول يقول ادعوا ربكم واقروا سورة البقره وعليكم بقيام الليل لان الله سبحانه وتعالى ينزل السماء الدنيا ويسمع دعاء عباده
شاركي في النقاش
سجلي الدخول لإضافة تعليق.
التعليقات
46- الحمد لله على سلاامتك وسلامة الامورة
الله يخليها لك ويحفظها من كل شر - ماشاءالله،الحمدلله ع سلآمتك
والله يحفظلك البنوته وتشوفينها عروسه - الحمد لله على سلامتك
والله يخليلك ياها يا رب
ويرزقك الذرية الصالحة يا رب - مبروك العروسه الله يخليه لكي ياقلبي وعقبال الصبيان
- الف مبروووك الله يخليها لك
ويرزقك برها
من جد مرينا بنفس الي مريتي عليها
الله ياجرنا بس
مواضيع مشابهة
تابعي تجارب أخرى من هذا القسم.