لاتستسلمي ل الشيطان يريد ان يضلك عن سبيل الله والله انك يااختي نفس حالتي كل ماتضايقتي قومي وتوضي وصلي لك ركعتين واستغفري واقري قران وربي بترتاحين نفسيا الدنيا كذا كدر ب كدر الله يعينا عليها ويفرج همك ويسترك عاجلا غير اجل يارب
أختي بقولك معلومة مرة مهمة : وهي أن الشيطان شديد المكر والذكاء فمن صفاته : 1- الوسوسة 2- عدم اليأس والناس قسمين : مستقيم وفاسق وشوفي معاي كيف يشتغل على الاثنين الفاسق : يضيعه , يخليه يرتكب الذنوب وبعدها ينبسط على حسابه . المستقيم : يدخله من باب الطاعة ويبدأ يشتغل عليه وكمان يوسوس له بالمعصية وإذا سواها الشخص جاء له وقال: لا وعاد مسوي نفسك مطوع والناس شايفتك قدوة أنت كذاب ومخادع وأبو وجهين وإذا بغى الشخص يتوب قاله : ياشيخ تحسب ربك بيقبل تويتك ياكذاب ويجلس ليه الين مايخليه ييأس من روح الله وهنا يقع المسلم في كبيرة من كبائر الذنوب . ومن خلال سماعي لبرنامج نور على الدرب بإذاعة القرآن اللي يجي(9:15) م يذكر المشائخ أن هذه وسيلة من وسائل الشيطان ليغلق على العبد باب التوبة وعلى فكرة الشيطان يجي للعبد قبل وأثناء وبعد الذنب ...؟؟؟؟؟كيف ؟؟ أقولك كيف : يقوله اش رأيك تسوي كذا والله حلو وأنت لساك صغير وفي مجال تتوب وتراك أحسن من غيرك هذولا فسقة وأنت طيب .,وأثناء الذنب يزينه له ويحليه له وبعد الذنب يقوله : أنت كذاب وربك ماحيقبل توبتك اش تحسب الدين لعبة. وإقرائي إن شئتي كتاب تلبيس إبليس مرة روعة وفيه قصة عن الراهب اللي فتح له الشيطان 99باب للخير وختمها بالشرك. الله يثبتك ولاتكثري من لوم نفسك وقولي للشيطان : ماللك دخل هذا بيني وبين ربي .واستمعي للأشرطة التي تتكلم عن التوبة منها شريط خطيررررر : دمعة تائب للشيخ إبراهيم الدويش.