احساس بالنقص فضيع ....
السلام عليكم ورحمة الله وبركاته : اخواتي الغاليات بالامس حصل لي موقف وأنتم احكموا عليه من خلال ارائكم ورودودكم النيره , جارتي ماشاء الله تبارك الله رزقت بمولود وذهبت لتادية الواجب ولما دخلت حسيت بشعور غريب واحساس باالنقص ونظرات الحريم لي كانت غريبه وسلمت وجلست وطول الوقت كنت ساكته الا قليل ماتكلمت وطبعا ماقدرت اسلم على النونو لانهم راح يخافون مني عليه وبعد مانزلت لشقتي اتصلت جارتي الثانيه وهي تقرب لهم وكان من ضمن السواليف انهم جايبين (طشت ) وحاطين فيه بعد مايروحون الضيوف فنجانين القهوه والشاي علشان ياخذون اثر كل من زاراهم وهي تحلف وانا اعرف انها صادقه , المهم قلت لها من حقهم يخافون على بنتهم من العين لااخفيكم الموقف حز في خاطري لاني لي 12 سنه متزوجه ما انجبت لكن الحمدلله راضيه بقدر ربي لي وقلت في داخلي (يارب يامعين الصابرين) تصبرني على بعض العقول المتخلفه اللي تخاف مني على عيالها وترزقني خيرا مما اخذ مني , الحمدلله راضيه لكن حركات بعض الحريم تجلب لك الهم فكرت انعزل عن الناس واتركهم ولا احضر لااي وحده نفاس بس احسها صعبه لانهم احيانا يكونوا قريباتي ,شوفوا لي حل وصبروني لاني تعبت من كلام الناس ونظراتهم لي ,ادعوا لي من قلوبكم الصادقه عمري قارب الاربعين ,بصراحه تمنيت اكون مكان جارتي وطفلي على يدي والناس تبارك لي بس ماهو حسد لها الله يبارك لها فيما اعطاها ويرزفني مثل مارزقها من غير حول منها ولاقوه ,الابقوته عزوجل .