هـل تتزوجين مـن ( مـوظـف ) في مستشفى ؟؟ قضية للنقاش

وليش لأ
لو ماقابل النساء بالمستشفى بيقابلهم باماكن ثانيه
وبعدين اذا انا ماوثقت بزوجي بأثق بمين
مو معقوله اعيش طول عمري بشك

الصراحه أعتبر هالسؤال غريب بعض الشئ

والعتب ليس على المكان لكن على اخلاق الأشخاص الذين يعملون في هذا المكان، يعني ماضرني ان تزوجت من شخص يعمل في المستشفى، بالعكس هذا الإنسان بتكون عنده حساسية عاليه من الناحية الإنسانية لأنه يعمل ويرى ويشوف حالات كثيره تعبانه، ويمكن منتهيه بعد، يعني هالشي ممكن ينعكس على تعامله معاي اقلها بالحنية والمراعاة والخوف، مثلة مثل ضابط الشرطه ولا المطافي ولا غيره.


وبالنسبة للبنات اخي الكريم اصابع يدك مب وحده ومب كل وحده منقبه ضامنه الجنه ولا كل وحده متبرجه ضامنه النار

انا بصراحة مابغى واحد يشتغل بمستشفى مع اني لما افكر بعمق القاني غلطانة مية بالمية

وذكرتني اخوي بموقف مر علي الله يعوض علي يارب

تقدم لي واحد يعمل بمستشفى ومواصفاته ممتازة

وكنت خايفة من سالفة الاختلاط.. قالت امي نروح المستشفى للقسم اللي يعمل فيه وماراح يعرفنا لأننا متغطيات ونشوف طبيعة عمله

وتخصصه علوم طبية.. ورحنا و دخلت لقسمه

وحاولت يمين يسار ماقدرنا انشوفه

دخلنا احدى الغرف لقينا موظفة لابسة بالطو ضييق وبرقع والعيون مكحلة << انا عجبني شكلها فما بالك بالرجال

وجالسة على مكتب موظف والموظف جالس على كرسيه قبالها ومبسوووط على الآخر !!!!!!!!!!!!!!!!!!!!!!!!!!!!!

وتضحك بصوت عالي وهو يضحك معاها

انا هنا انهبلللللللللللللت انجنيت صراحة

شلون اتزوج واحد يسمع ضحكات وسوالف بنات ويشوف اشكال والوان

واللي خاطبني مديرته حرمة بعد!!

قعدت افكر بالبيت واستخير ولاحسيت براحة ابد ورفضت

لكن الصراحة صراحة كني بديت اتندم لأن السالفة مر عليها سنتين وتزوج هو ماشالله

وانا للأسف على حالي!!!!!!!


لكن رحم الله امرئ عرف قدر نفسه ...

انا عارفة حالي احس اني ماتحمل المناظر هذي


والبنات يختلفون فيه بنات عندهم القدرة عالتحمل

أنا بالنسبة لي اشوفها عادي أهم شي أخلاقه ودينه
لأن ألحين كثرت الفتن سواء بمستشفى ولا غيره
والاتكال على الله وحده