هذي حياتي المؤلمه 2>>ابغى اشاوركم ادخلو

انا اليوم بمشي ان شاءالله عند امي
ودعواتكم لي
لاتنسوني بكره اخر ساعه من الجمعه
واخر الليل وبين الاذان والاقامه
واللي تصوم تدعي لي
طلبتكم لاتنسوني
لاني ضايق صدري حيييل حييل

زوجي مايبغاني ويحاول يقهرني ويضحك علي
وامس جاب لولده عشاء وانا تقل قطو ماعطاني
وامس قلت له ابي اروح لسوق انا وولدي يمكن نلاقي حقات العيد
قال دوري من يروح معك ودورت خالاتي وخواته وكلهم مرتبطين
قلت خلاص بروح لحالي قال لا ترجيته قال لا
وعقب قال بروح معك بس ساعه يعني المغرب بس وتخلصين كل لبسك ولبس الولد والنعال وكل شي
كل ساعه ماتكفي
يومين كاملات يمكن بس ساعه مستحيل اخلص
ورفض
وقال اجل مافيه روحه لامك واقعد ابكي قلت ليه قال بس
والحقه واقول تكفئ بروح
قال بكره
واروح وانا منهاره بكاء وادق على ابوي واقوله كل شي
ويدق على زوجي
وبعدين دق علي ابوي وقال اني دقيت عليه وقال بعيوني ام خالد ومايصير الا الخير
وانفجر قهر
ليه يلعب على ابوي ليه
وادق على زوجي واقوله ليه ماقلت لابوي انك ماتبيني وانك متقرف مني وانك تشوف غيري
ويقول مشغول ويسكر بوجهي

دعواتكم دعواتكم والله احس اني مخنوقه ومااقدر اتنفس
ولا يدخل في فمي اكل
من الضيقه والتفكير
 

اختي الله يعينك ويسخرلك زوجك 0 كان ابن بازيقوله بعد التشهد الاخير والله يسر كل ماهمه {حسبنا الله سيؤتينا الله من فضله وانا إلى الله راغبون }قوليه وكرريه والله باذنهيفرج همك ويكتب لك السعاده ان ***** الله

اختى لازم تقوين شخصيتك الطيبه والحياء ماعاد تنفع هالايام
طنشي زوجك وسخري حياتك لولدك
اذا ماقدرتي تكوني قويه حاولي تمثلي القوة هذا يستمتع لمايشوفك تبكين
يعني لما يقولك مافي روحه لامك المفروض مابكيتي وقعدتي تترجيه
كان وقفتي بكل شموخ وقلتي خير ان شاءالله ومشيتي وتركتيه
حاولي تصوريه فديوا وهوقاعد على المسنجر حتى تثبتي للكل صدق كلامك
ربي يفرج همك

خلك باردة معه لا تبكين قدامه حتى ما يستهين بها عليك بالبرود والجمود والسكوت وخليكي بالنظرات اللي فيها كلام

السلام عليكم
يا اختي انت ليش مطلعه امك وحش يعني عشانك تنظفين البيت وتقطعين السلطه تكرهينها
واذا هاوشتك هذا اسلوبها صح انه غلط لكن ما يصير تتكلمين عنها كذا انا قريت لعضوات كثير في عالم حواء يقولون حنا اللي نشتغل في البيت منذ الضغر وما عندنا خدم وامنا تكرفنا كرف عادي تبين امك تشتغل وانت قاعده
ليش ما قلتي
امي اللي شالتني في بطنها تسعة اشهر امي اللي شافت الموت وهي تولدني امي اللي يوم ابوي طلقها تمسكت فيني أمي اللي يوم تزوجت اخذتني معها ولا خلتني اضيع عند اب وزوجته امي اللي سهرت علي وانا رضيعه امي اللي ربتني وكبرتني
انا استغرب انك ام وتقولين ذا الكلام عن امك وهاذا انت بترجعين لها في النهايه لو مهما سويتي وتحملتي ماراح تلحقين فضل امك وجزاها مهما سوت فيك ويمكن عدم توفيقك في الزواج سوء معاملتك لامك وعدم رضاها عنك لكن نعذرك لصغر سنك ولظروفك السيئة من طلاق والدينك انصحك نصيحة ارضي امك وبريها واحسني لها ليرضى عنك الله ويرزقك ببر ابنائك والزوج بداله زوج ولكن الام ما لها بديل هذا رأئي واتمنى تقبلينه الله يوفقك ويرزقك بر والدينك ويرزقك بر ابنائك ويصلح لك زوجك اللهم امين