كل واحده تقول وش الشي الزين او الشين الي سوته بالولادة او قبلها /بعدها

جزاك الله خير على هالموضوع المهم
بالنسبة لي هذا رابع حمل الله يسهل ولادتي يارب وجميع الحوامل
بصراحة ماكان عندي شي مميز سويته إلا المشي .. أنا معلمة وغصبا عني أمشي كثير في المدرسة
وخصوصا حملي الثالث مشيت كثير ولا غبت من المدرسة إلا آخر التاسع هذا غير المشي في البيت والشغل قبل تجيني شغالة
والحمدلله ولادتي الثالثة كانت جدا ميسرة ...
وماكنت أصيح وقت الولادة ولكن أتوتر شوي وهذا يسبب لي تشنج وقت الولادة يعني أطرافي تتصلب بس يحطون لي إبرة في المغذية أرتاح بعدها ...
وقت النفاس بصراحة مو ذاك الإهتمام بنفسي أشرب قرفة أكثر شي .. أشرب عصيرات باردة لأني أكون عطشانة ..
الخياط بس بيتادين والمرهم اللي يعطوني إياه بالمستشفى والحمد لله مايطول يطيب بسرعة ...
بعد نفاستي أطلع ماتغير فيني شي:(
نحيفة مثل ما أنا ولا زيادة لو كيلو ... وغير يذبحني الإمساك وتجيني بواسير بس الغلط إني ما آخذ ملينات ..
أما في نفاستي هذي إذا ولدت على خير يارب راح أهتم أكثر بإذن الله ,,, طبعا من خلال قراءتي للكثير من المواضيع في هذا المنتدى الرائع وغيره من المنتديات قررت التالي
أولا على الريق كأس حليب ساخن مع سبع حبات تمر << هذي مفيدة جدا للإمساك
وعشان آلام الظهر أحط مع الحليب ملعقة ماش مطحونة
ثانيا الحلبة في العشرين يوم الأخيرة
ثالثا القرفة عادي كل يوم أمووووووت فيها ... وبرضه قشر القهوة مررررة مفيد للحريم
طبعا إحنا نسوي كثير أكلات شعبية والزوار بعد مايقصرون
عصير الشمام الطازج يدر الحليب
وبس .. مقدر على اللهومات الحارة عشان عندي جرثومة في المعدة

بالنسبة لبشرتي خلطة ( جليسوليد وليمون وزيت زيتون ) تصلح للجسم كله بما فيه الوجه
شعري ماينفع فيه لكن بداوم على زيت فازلين يمدحونه
بالنسبة لبطني أنا دايم أربط بشماغ طول الأربعين والحمدلله مايطلع لي كرش ...
وكمان بجرب تمارين كيجل إن شاء الله لتقوية عضلات المهبل وتضويقها

معليش طولت عليكم بس إن شاء الله أحد يستفيد ...

مرحبا حبيت اشاركم. انا غلطت غلطة كبيرة وهي شربت قبل ولادتي ثلاجة قًرفه كبيرة وحمت الطلق عندي والرحم مسكر وتنومت في المستشفى واخر شيء سولي تحريض ولادة والغلطة الثانية اني ماجهزت شيء لنفسي ولا للبيبي وبعد اللي بغا يذبحني انه الخياطة استشمت يعني صار فيها جروح وماعرفت اعالجها لين جتني جارتي الله يجزاها الجنة واعطتني خلطة زيت الزيتون مع الخوا جوا والحمد لله تعافيت بعدها والله يسهل لي ولادتي هالمرة وماتتكرر هالغلطات. وبس اتمنى تكونوا استفدتوا

الزين اني استخدمت ميبو وغسول افالون الطبي واستخدام ملين كمان تفاديا للامساك في الاسبوعين الاوائل وانصحكم كمان بتمارين كيجل مهمة جدا. بلا لهومات بلا خرابيط . وقبل الولادة المشي والجماع مهم . وتولدون بالسلامه

بارك الله فيكم و الله يودلنا بالسلامة

يابنات الملين تاخذونه من الصيدليه بدون وصفه طبيه؟ وبس كذا اسمه اقوله ابي ملين؟
وجزا الله خير صاحبة الموضووع وكل اللي ردو وافادونا