الموضوع مغلق

بنااات شرايكم تشاركوني همي...وخصوصا الي مجربه ((عيد كلينك))

السلام عليكم ورحمه الله

كيف الحال انشا الله كويسين...

انا بنت عمري 19 سنه..من المنطقه الشرقيه

ومثل مايقولون في عمر الزهور...وانا بالله...مو حاسه بسعاده..وماعتقد في احد عنده مثل الهم الي فيني:( :(

ومن اشوف امي..كيف ضايق صدرها علي ..يضيق صدري اكثر..شايله همي لدرجه ماتتصورون


مشكلتي اني..من سنه صابني حادث حريق..مما ادى الى تشوه في اليدان وقليل من الوجه...

تنيمت على اثره بالمستشفى شهرين..

والان اصبح على حادثي سنتين...واثار الحروق موجوده ومسببه لي ازمه نفسيه..خصوصا اني احب الزينه..:( ..((على قوله امي ماتهنيت بعمري))

الوالد الله يحفضه عرضني على اطباء كثيره...4 دكاتره بالمنطقه الشرقيه..ولم استفد...

وجربت دكتور بالرياض ..ايضا لم استفد

..واخيرا...

وانا كنت ابحث عن علاج بالنت...

طلع لي دكتور ممدوح عشي...وفي علاجه الجديد زرع كبسولات تحت الجلد لمرضى الحروق...

ويقال انه نسبه الشفاء 95%

صار عندي بعض الامل...بأذن الله تعالى

لكن عندي سؤال...مين جربت اجرت او سمعت عن عمليات الدكتور عشي

الوالد بكلم الدكتور بعد 4 ايام انشا الله...

وراح اقولكم ..شنو صار معاي

بس انتو ادعوووو لي....وربي اني اتمنى ارجع قبل اول..

الله كريم..

اختكم..

63 تعليق 44,325 مشاهدة

شاركي في النقاش

سجلي الدخول لإضافة تعليق.

التعليقات

60
  1. @nor_alanoar_1

    ما عندي فكرة عن الدكتور لكن الله يشفيك ويوفقك ويجعلك قرة عين لوالديك آآآآآآآآآآآآآآمين يارب العالمين
  2. @am_algmayl2006

    الحمد لله على قضائه والله يشفيك
    الحمد لله الطب تقدم كثير وعمليات التجميل منتشرة في الداخل والخارج وان شاء الله تستفيدي من دكتورك
  3. @kl_alghoamd

    بصراحه انا جربت ممدوح عشي
    لكن حالتي بسيطه جدا جدا
    كانت عبارة عن اثر في الجبهه ومشوه شكلي ولما راجعت عند دكتورة قالت صعب عمل اي شي
    ورحت لممدوح عشي وعملها ليه والاثر بسيط جدا
    المهم الكل في العيادة يمدح في عمله
    وغير كذا يعملك تخفيض كويس بعكس بقيه الدكاترة في العيادة
    وعلى فكرة عليه زحمه واكثرها حالات الحروق وناس كثير تجيه من مختلف مناطق المملكه
    المهم عزيزتي توكلي على الله واحجزي عندة
    بس الاهم تعطينا اخبارك يالغاليه اول باول

تابعي تجارب أخرى من هذا القسم.