الروأكيتان!!!الله يجزاها كل خير ويوفقها اللي تساعدني

هلا والله بـmiss_spring:26:

الصراحه ردك يخووف:unhappy: بس انا بالنسبه لسعر العلاج ماعندي مشكله لاني مثل ماقلتلكم سبق واني تعالجت بكذا مستوصف وصرفت مبالغ كبيره...والمشكله انه بدون اي نتيجه:(

اما بالنسبه لحبوبي انا حبوبي حمرا تقريباً مااعرف وش قصدك باللي راسها ابيض!!وبشرتي انا دهنيه فان شاءالله يعطي معي نتيجه:)

وانا ابداً موب مستهينه بالعلاج بالعكس انا مره متردده وهذا اللي خلاني افتح هالموضوع واستشيركم
والحمدلله اغلب البنات شجعوني

واكيد بالنسبه للممنوعات اللي قلتي عنهم,, انا ماعندي نية حمل لاني اصلا مابعد تزوجت:biggrin:
والليزك بعد انا يعتبر سني صغير على هالعمليه فنفس الشي ماافكر اسويها الحين ولابعد سنه"ان الله احيانا"

والكبد الصراحه انا ماسويت تحليل ولا ادري ان كان فيه مشاكل والا لا:unsure:

بس ان شالله مايكون فيه شي


ومشكوووورره على ردك والله يجزاك كل خير:2thmup:

السلام عليكم
أختي أنا كمان أستخدمت هالحبوب لمدة 6 شهور بالبداية طلعت الحبوب بوجهي بزيادة يعني انا لمن رحت كانت خفيفة و مثل ماقالوا الأخوات لازم تحليل دم و هذا انا كنت اتخاصم علشانه مع الدكتور اخاف مووووت من التحليل و اأبرو هو يصر لازم كل شهرين تحليل و غير طبعا جفاف الشفايف عانيت منه كثير بس جفاف الشعر حلو لو تجلسين أسبوع مايدهن
المهم أني جلست6 شهور بعد ماوقفت العلاج الحمدلله بشرتي صافية من الحبوب لكن الأثار و البقع الحمرا و بدأت تقشير كريستال بس الحين رجعت تطلع الحبوب ثاني بشكل خفيف و سألت الدكتور اللي الحين اسوي عنده تقشير قال لازم تخففين الجرعة الى 10 جرام و تستمرين عليها بس الوالدة مارضت تقول اثارها سيئة بالمستقبل ..

و انتي لازم تروحين الدكتور و هو يوصفها لك حسب وزنك ..

على حسب انا استخدمتها ولا قدرت استخدم العدسات معها بس صاحبيت عادي كانت تستخدمها وكانت تستخدم عدسات بس كانت تستعمل قطره للعين معها

مساء الخيرات

انا استعملة الحبوب لمدة 6 شهور

مع اني الحبوب للي بوجهة بسيطة وطلعت بعد مازرت مدينة جده.


فرحت لطبيبة اسمها د/ ريما الساعاتي بمستشفى ادمة


وكتبتها لي بصراحه لحد الان ماطلعت الحبوب مره ثانيه.


واحب اقولك اذا ودي تعالج روحي د/ ريما الساعاتي بمستشفى ادمة


لانه مره كويسة وعالج عندها كثير من اقربائي ونتايج تجنن معاها.


دمتي بود

انا بقول لك عن تجربتي

أنا استعملت هالحبوب لمدة 6 شهور تحت اشراف طبيبه كنديه في مونتريال
الطبيبه خلتني أوقع على ورقه الغرض منها تعهد مني بعدم ممارسة الجماع أو عدم ممارسة الجماع بدون واقي (رغم اني مو متزوجه لكنهم أصروا علي اني أوقع لأنهم ما تفرق معاهم اذا متزوجه أو لا)

ليش خلوني أوقع على هالورقه؟؟
لأن الحبوب عباره عن جرعه مركزه من فيتامين A .. اللي ممكن ينتج عنه جنين مشوه في حالة الحمل


الطبيبه خذت تحليل دم وكبد قبل العلاج، وكانت تعيد التحاليل كل 4 أو 5 أسابيع، و ما تكتب لي الوصفه للشهر اللي بعده الا بعد ما تشوف نتيجة التحليل

الطبيبه شرحت لي كل الاثار الجانبيه ((وطبعا أكثر شي كانت مركزه عليه هو موضوع تشوه الجنين))

الاثار الجانبيه اللي صارت لي
- جفاف شديد في بشرة الوجه والجسم .. وتخيلي هالجفاف مع جو مونتريال في عز الشتا ودرجة الحراره 20 و 30 تحت الصفر
كنت أحس بالألم في يدي من كثر ما هي ناشفه ومتشققه
لكني استحملت
وطبعا الكريمات العاديه ما كانت تنفع،، فكنت على طول أستعمل الفازلين .. أدهن فيه وجهي ويدي ورجولي


- تشققات في الشفايف لدرجة اني لما ابتسم كان يطلع دم
وهم هاذي واظبت عليها بالفازلين

النتايج بديت اشوفها أعتقد من ثاني أو ثالث اسبوع
وكانت نتايج رهيبه


أهم شي هو التحاليل الشهريه

وانا مستغربه من الاطباء في منطقة الخليج اكثر شي مركزين عليه هو تساقط الشعر!! بدال لا يحذرون الواحد من الاثار الاكثر اهميه وخطوره.. ماسكين على تساقط الشعر!!!