عدم معرفتي بالمواضيع "المحرجه" (راح تجنني)

السلام عليكم
كيفكم بنات؟ مبارك عليكم الشهر وكل سنه وانتوا طبيبين يارب! :27:
بدخل في المشكله على طول، موضوعي اليوم حساس ويفشل وقبل لا تجي وحده مدرعمه وتقولي روحي انقليه لقسم الصحة أقولها لاااااا
انا مقهوره ومعصبه من كل ام واخت تطنش وما تناقش هذه المواضيع مع البنات في البيت ونفسي اعرف لييييييش الحيا السخيف هذا اللي اتربينا عليه في عوايلنا؟ 
المشكله يا بنات اني من صغري وانا أعاني بكل "مشاكل الحريم" من لخبطة دوره + لآلام عجيبه في البطن + لإفرازات مززززعجه + لمشاكل ظهر+  لثقل وكبر صدري + عدم مساواة لون الاماكن الحساسه = وحده حاسه بالعدم! وياما نزلت مواضيع هنا في القسم اطلب فيها المساعده
الحين اخر شي اكتشفته وهذا سبب كتابتي للموضوع انه طلعتلي قطعه زايده في ال () تحت، ما تبرز الا لمن اجلس في الحمام الله يعزكم لكن مره مضايقتني في المشي والصلاة. لي اربع ايام ما اقدر اطول في الحمام ومسببتلي امساك لاني احس انها مغطيه مسار الـ ..، فاهمييييين؟؟؟

والله مقهووووره لأني ماعرف شي عن ذيك المنطقه حتى الأجزاء المختلفة اللي يطلع منها هذا وهذا مني فاهماه وأخاف ادور على النت ليطلعلي شي يخوف. انا بنت يعني مني متزوجه!
المصيبة اني مريت  بكل هذه المشاكل وحليت معظمها لحالي من غير ما اكلم احد، في البدايه اتوقعت انه حظي انه ربي رزقني ام خجوله واخوات حييات بس الطااااامه الكبرى انه كلللللللل البنات متربيات بنفس الطريقه، بالله ليش الغباء هذا؟ 
اللي ابغاه منكم :
1) مساعدتي في مشكلتي، قولولي وش اللي طالعلي؟ وكيف اتعالج وهل له اخطار في المستقبل؟ والاهم اسمه الطبــــي علشان اعرف اسوي عليه بحث!
2) ناقشوني في سالفة الـ "عيب نتكلم في ذي المواضيع"!!! مو حراااام تعيشي بنتك في جحيييم وهي تحسب انها الوحييييده في العاااالم اللي تعاني من هذه المشكله؟! وانها خلاص ما عاد تنفع للزواج او انها بتموت او او او
نفسي احد يفهمني ليش التخلف اللي عندنا هذا :(

35 تعليق 7,038 مشاهدة

شاركي في النقاش

سجلي الدخول لإضافة تعليق.

التعليقات

34
  1. @najola_1

    الحآجة طآلعة لك من فتحة الشَرج ؟
    يآ ربي شكله بوآسير الله يعينك ..
    لآ تستحين روحي لأمك و قولي لهآ كل شي ..
    مع النت صآر لآزم الأمهآت يوعوآ بنآتهم مآ عآد فيه شي يستحى منه !
    أنآ كنت أروح لأمي و أسألهآ صحيح كآنت تصرفني بعض الأحيآن و تستحي بس برضو كنت أسأل
    اهدمي هآلحآجز بنفسسك و احمدي ربك عندك أخوآت كبآر اسأليهم برضوو ..
    و لو تبين سؤآل ثآني أنآ حآآآآآآآآظرررررررررة
  2. @aayonh_2

    جد هالشي منتشر عندنا بشكل

    هو المشكله مو انو لازم تخبرك امك بكل شي وكل الاشياء اللي محتمل تجيك

    بس المفروض تضير الام كااسره جميع الحواجز بحيث ان البنت اول من تلجأ له هي امها من غير ماتخجل او تتردد

    وبالنسبه لك اللي فهمتته ان اللي فيك بواسير
    واهم شي بعلاجها تتجنبي الفلفل وحاولي مايكون فيك امساك
    وكثره المشي والوقوف

    وابدن مو محرجه البواسير منتشره بشكل واسع كلمي امك وروحي للدكتوره وربنا يشفيك

تابعي تجارب أخرى من هذا القسم.