فضفضه بس سامحوني
السلام عليكم وكل سنه وانتم طيبين بنات انا نفسيتي مره تعبانه ماني طايقه نفسي ولا بيتي ولازوجي كمان كارهه كل شي وماعادعندي امل في شي بس جالسه ابكي خاصه اذا راح زوجي وصايره مالي خلق لشيء ودي اموت وارتاح من الناس مافيه شي يسليني مليت 15 سنه نفس الحياه ونفس الروتين مافيه شي جديد في حياتي احيانا تجيني افكارة وهواجيس ومرات اندم ع عمري الاراح ع الفاضي ماسويت شي في حياتي لاعيال لا عمل حتي صداقات مالي ولاجيران زي الناس احس انهم اخوات لي احس اني عايشه كذا من غير هدف والله مليت كل مااجلس لوحدي احس اني ولاشي واشوف البنات الامعاي والابعدي عايشين حياتهم ويشتغلون والامشغولين بعيالهم احس عن جد اني فاضيه وفارغه ماعندي شي مليت ومرات افكر في السنين الاراحت كيف راحت ماحسيت فيها واتذكر ايش سويت والاكيف راحت مااتذكر شي مرت بسرعه واخذت ايامي كلها بس الحين احس اني ندمانه ع عمري الاراح مافكرت في حياتي ولا شاركت احد في قراراتي فانا ندمانه اني مااستشرت احد في حياتي الزوجيه ولافكرت في مستقبلي الحين لمااشوف بنات اخواني واخواتي الصغار حوامل او بعيالهم انقهر واندم وابكي ع عمري ليش انا لا ليش انحرم من العيال وانا اموت فيهم حاسه قلبي بينفطر من القهر حاسه قلبي بينفجر نفسي في طفل اضمه ع صدري والله اكتب لكم وانا ابكي من القهر وماعاد في يدي شيء اسويه غير الصبر والله يعطيني الصبر ويرضيني بالا كاتبه لي ويكتب لي الخير ويكرهني في الاطفال وينسيني حبهم ويجمد قلبي قدام الناس واهلي وماتنزل دموعي ويزيد حبي لزوجي ويزيد حبه لي لان ماعاد لي الاهو ولازم اصبر واتحمل والله يعيني ادعوا لي في هذا الشهر الكريم ان الله يكتب لي الخيرفي حياتي وسمحوني بس كان ودي افضفض لااحد ومالي غير الله ثم غيركم ادعوا لي تكفون