ياقلبي يافيضه ..
ياروحي انتي الله يسعدك دنيا وآخره
اولاً :
اصبح عليك بالخير يالغلا .. يسعد صباحك :26::smile:
ثانيا .. تأكدي من شي .. الله سبحانه هو وحده اللي يعلم الغيب وادرى بحالك .. ولو تعرفين كيف يدبر امورك والله ليذوب قلبك من محبته !
لكن ابن آدم مايعلم الغيب ولا يدري وش بيصير بكره فعلشان كذا يتشائم اغلب الأحيان او يصاب باليأس ويتذمر من وضعه الحالي حتى وأن طال انتظاره .. وهو اساسا مايدري ان الله سبحانه في يوم وليله يغير من حال الى حال !
قوله تعالى :
(( وَمَا تَدْرِي نَفْسٌ مَاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّهَ عَلِيمٌ خَبِيرٌ ))
وانصحك يا اختي .. اكثري من الصلاه وعليك بالصبر ثم الصبر ثم الصبر !
قال تعالى :
(( واستعينوا بالصبر والصلاه ))
استعيني بالصبر والصلاه يا اخت فيضه .. واكثري من الاستغفار وبتلقين كل خير ان شاء الله .
حتى وان طال انتظارك ومليتي من روتينك .. لاتنسين ان الله سبحانه اعلم بحالك وهو اللي يدبر امورك بالغيب وانتي ماتدرين ..
(( عسا ان تكرهوا شيئاً وهو خيرٌ لكم .. وعسا ان تحبوا شيئاً وهو شرٌ لكم ))
سبحان الله ..
ولا تنسين يا اختي ان الله ارحم بالعبد من امه !
تأخرك بالزواج وبعض مشاكلك اللي بالبيت .. لاتعني نهاية الدنيا !
هذا يالغاليه يصير في اغلب البيوت .. لكن انتي وكلي الله بنيه صادقه واعتمدي عليه اعتماد كلي ولا راح يخيب ضنك بأذن الله
حديث الرسول صلى الله عليه وسلم :
( لو أنكم توكلون على الله حق توكله ، لرزقكم كما يرزق الطير ، تغدو خماصاً ، وتروح بطاناً )
وحقيقة التوكل يا اختي الغاليه .. هو صدق اعتماد القلب على الله عز وجل في استجلاب المصالح ، ودفع المضار من أمور الدنيا والآخرة كلها .
ولا تنسين ان رحمت الله تستدرّ ..
يعني لازم تدعين الله وتتذللين له بالسجود وتطلبينه ..
كقولك : اللهم ان في تدبيرك مايغني عن الحيّل .. وفي كرمك ماهو فوق الأمل .
<< اكثري من الدعاء هذا
برضو انصحك بخصوص الفراغ العاطفي .. شي طبيعي يافيضه انك تحسين بالفراغ العاطفي لأن اغلب وقتك فاضيه ..
الفراغ هذا تقدرين تملينه بأشياء كثير وتنفعك ..
اخيراً يا اختي فيضه .. انتبهي من وسوسة الشيطان وطريق الحرام .. لأن نهايته حتماً سيئه ومأساويه بكل ماتعنيه الكلمه من معنى .. وندم في ندم !
ادعي في سجودك دائماً (( اللهم اكفني بحلالك عن حرامك ))
ويابعد روحي بأذن الله بتزين امورك تفائلي خير وابتعدي عن الافكار السلبيه بقدر المستطاع .. لاتعاونين الأفكار السلبيه على نفسك وتقعدين تفكرين فيها دايم !
نفسك تحتاج منك دعم معنوي .. تحتاج ثقه بالله وتفائل .. فــ حرام ان الشخص دائماً يستسلم للأفكار السلبيه ويسترسل معها .. لأنه كذا يضر نفسه !
اتمنى لك التوفيق والسداد .. وان شاء الله اسمع عنك اخبار زينه :wink:
بخصوص اللي يقولون مو كل شيء الزواج..نقاش وفضفضة
متابعة النقاش، صفحة 7