خلونا نساعد بعض في تعليم كتاكيتنا الحمام //تم الدمج

السلام عليكم
عندي بنت كملت الصيف دا سنتين والمفروض تبطل الحفاظة علي حسب ماشوف في ناس من سنة وشوي يبطلو وانا كنت مستنية الصيف عشان ابدا تعليمها وبديت معاها بكل رقة وبدون تعصيب شهر كااامل وشوي وانا حامل وبرضو تعاند شافت اطفال يروحو الحمام وهيا فاهمة بس عناااااااد وبعدين ولدت وقلت حرام تغار خليها بعد شهرين من ولادتي بدات تاني وبرضو تعاند اعطيتها حلاوة حاولت بكل الطرق بعدين صرت اصرخ عليها وبعدن بديت اضربها
هل اكمل تعليمها بالشدة لانو الطيب ماجاب نتيجة مع اني خايفة عليها يجيها شي من الضرب وماني حابة اضربها بس رفعت ضغطي ولو ابوها دخل الحمام تفصخ الحفاظة وتبكي تبغا الحمام عشان يطلع ابوها
ولا اخليها للصيف الجاي لان شتانا بارد ما اقدر اعلمها وبيكون عمرها 3 سنين

ادعووولي وادعولها





تعبت تعبت تعبت

ياربارحمني برحمتك


قولولي ايش شي عشان ابطل اضربها خاصموني لاني احسن اني قاسية
صرت اضربها علي اي خطا تسويه لانها بالطيب تعاند

نفس الحال عندي وبنتي عمرها ٣وخمس شهور وعجزت معها حتا صرت اضربها بدون حس مني لانها تعصبني وفيها عناد مافي احد مثلها

لا تضربينها
نفس بنتي ثلاث سنين وخمس شهور وجابت لي الجنان
مو راضيه وتبغى الحفاظه تبكي وما تسوي شي لا وديتها بس نخرج تسوي على نفسها
وتجلس تبكي
بصراحه رجعت لبستها الحفاظ تعبتها وتعبتني ايش الحل الله اعلم

خليه الاصيف الجاي واذا دخلتي الحمام دخليها معك من شان تشوفك وتسوي زيك بس سنتين صغيره مراح تفهم الان

عاقبيها بس مو بالضرب اذا استخدمت الحمام لها مكافئه و اذا سوتها على نفسها لها عقاب و شيلي كل الاشياء اللي تحبها من العاب و حلويات من تحت ايديها و قولي لها بدون تهديد انه كل ما راحت الحمام بتعطيها شي و لما تشيلي الحفاظ خلاص ينشال نهائي لا تحطي لها اياه بالليل جيبي مفرش خاص حق البلل و تحطيه تحت مفرش السرير و وديها قبل لا تنام الحمام و تصحيها كل ٣ ساعات توديها الحمام حتي لو هي نايمه وديها
و خلال النهار توديها الحمام كل نص ساعه لحد ما تتعود انا استخدمت هالطريقه و نجحت خلال ٣ ايام فقط بس يبي لك حزم بدون عصبيه و الافضل يكون في حمام خاص للاطفال صحيااا و علشان التعويد على استخدامه