مشكلة بنتي وظلم زوجها لها //اكتفى من الردود

هذا الكلام الصح فعلاً في سبب للمنع .

الله يفرج همكم

حتى اذا كان عقولتكم في سبب للمنع !!!!!مع ان مو من حقه اساسا يمنع و يقطع الارحام
اسلوب الولد غير محترم و وقح مع اب البنت اللي المفروض يحب على راسه و يكلمه بادب

و مبين اهل البنت طيبين اقولج يا صاحبة الموضوع لا تخلين بنتج تعيش حياه عذاب باقي حياتها توها باول عمرها

كل اللي ردو علي الله يوفقك للخير يارب ماقصرتو والله بارك الله فيكم واسعدكم الرحمن في الدارين يارب

انا لماكتبت مشكلتها كتبتها باختصاااار لكن اذا تبون تعرفون بداية القصه ابشروا
الولد من جماعتنا زي ماقلت لكم بس مانلتقي الا بالمناسبات علاقتنا رسميه نوعاً ما صار النصيب وللاسف يابنات كان تفكيري في زواجها المبكر ان ستر البنت زين والقريب ولا الغريب من هالقبيل يعني طوووووول فترة الخطبه الولد حمل وديع هدايا وزيارات وسوالف طيبه بعدين ملك عليها وتعالوا شوفوا اللي صار الولد مصدق نفسه يبيها تطلع معه للمطاعم ويبي يجي يسولف اربع خمس ساعات ويبي يكلمها بالتلفون طووول الليل انا ماعندي مانع ان كل شي يصير بس باعتدال لكن هو ماخلا فيها لاعيب ولا ذوق حضرته توها مادخلت بيته ويقول حقوقي عليك وانا زوجك ومدري ايش مااكذب عليكم اني كنت حريصه على بنتي طلعاتها بحدود وجيته عندها نفس الشي وهذي ماتزعل وخصوصاً ان زوجي مايحب صراحه الطلعه والدخله يقول لاتزوج وراحت بيته بكيفه بعدين اما يغثنا من الحين لا والف لا
تزوجوا وحملت على طول وبدت الملاحظات والانتقادات ليش هذا تسوينه كذا وهذا مايصلح كذا يبيها طبق الاصل من امه وقالها بوجهها بكل صراحه ابيك زي امي تماماً ويوم قالت له انا شي واهلك شي قال لها اللي مايبي امي انا ماابيه ووالله العظيم وانا صايمه اكتب لكم ولابظلم نفسي انا لاتدخلنا ولا سوينا مشاكل واصلاً مانروح ونجي عليها بالمره زوجي مايحب لاروحات ولاجيات
وسبب طرده لنا يوم ولدت يقول ليش ادخل على بنتي خلاص امه تقوم بالواجب مالي علاقه انا وترى ماطردني لحالي لا طرد بعد خوالها وعمامها وعماتها وجداتها مايبي احد ابد بس اهله هو وحصلت مشكله بينهم وهي حامل قام وضربها وامه طلعت لها تهددها لو اهلك دروا والله لازوج ولدي وبلعتها ولاعلمتنا وجت مشكله ثانيه ونفس الشي ضربها ورمى مفتاح الباب بوجهها والى الان معلمه الرضه بخدها ونفس الشي ماعلمتنا يعني ياخوات عيشه زي الناس الاوادم مافيه وكل ماقام وقعد قال لها انا ماابيك امي هي اللي تبغاك ولا انا ماتفرقين معي روحتك وهي تقول وربي ساكته اقول يمكن يتعدل يتغيير راحت تعلم امه انه مايصلي بالمسجد وتقول لها دايم عصبي ابيه يتعدل وش تتوقعون رد ام الولد تقول لها انتي ماعرفتيله ؟؟؟ولدي مافيه زييه تحمدي ربي عليه
الظلم ظلمات ياناس وزي ماتغشون بنات الناس عندكم بنات بكره تطيح الفاس براسكم وتشربون من نفس الكاس حسبي الله ونعم الوكيل وبس

عساه البلا اللي مايخاف ربه

انتوا غلطتوا يوم زوجتوها صغيرة مسكينة

لازم توقفون معها وتحلون مشكلتها ويعرف ان وراها رجال