مواقفنا ايااام الطفولة ،،محرجة ،،مضحكة،،تفشل مثلاا ،،، يلا خلونا نتونس

ههه

الف مخي ابغى موقف يضحك ماعندي لكن عشانكم بقول موقف طبعا وانا صغيره امي كانت دائما تنبها من الرجال وخاصه اصحاب المحلات فكان عندي حرص منهم فلما كنت ثاني ابتدائي تقريبا كنت اروح البقاله يوميا تقريبا وكان صاحب البقاله يسألني اش اسمك وكنت اشوفه طيب بس ماعلمته باسمي غيرت اسمي وقلت اسمي سلوى ومرت الايام وصاحب البقاله يعطيني احيانا حلاوه ابلاش وفي يوم سألني اش اسمك طبعا الحين انا واثقه من صاحب البقاله لانه طيب وماشفت منه شئ غلط قلت انا اسمي امل وانا من اول قلت اسمي سلوى علشان مابغاك تعرف اسمي وبعدها سالني معك احد قلت لا مامعي احد والله يابنات انه قام يطالع فيني نظرات خبيثه وجاء يبغى يلف علي وانا على طول سألته اش تبغى قال بس ابغى ابوسك وانا بكل ثقه ومابينت له اني خايفه قلت طيب استنى في واحد من اخواني بس اشوفه جاء ولا باقي وبسرعه طلعت من البقاله واسوي نفسي اطالع اخوي جاء ولا باقي وقلت الحين اجي استنى اشوي طبعا هربت بجلدي وميته من الخوف وما رجعت للبقاله هذه بعد هذاك اليوم ولاعلمت احد بهذه السالفه يازين الخوف
الموقف الثاني اخواتي كانوا دائما يخوفوني بيوم القيامه والحساب وان اللي مايصلي يدخل النار وانا وقتها اول ابتدائي تقريبا طبعا كنت اهمل في صلاتي يوم اصلي وعشره لا لكن كان فيني خوف ادخل النار وفي نفس الوقت اكسل عن الصلاه وفي يوم بالليل جلست ابكي كثير خايفه ادخل النار وقلت يارب اذا جاء يوم القيامه راح ابكي لك كثير وانت يارب راح ترحمني وتدخلني الجنه والحمد الله ربي هداني وصرت احافظ على الصلاه والموقف هذا الى اليوم مانسيته وكل مااتذكر عيني تدمع واسأل الله ان يرحمني
حبيت اشارك معكم

هههههههههههههه

موضوع رااائع

ههههههههههه... يسلمو على الموضوع