قصه اختي الله يعوضهاء ادخلوووو

يارب فرج عليها من عندك و****لله بعد المنظار بكره يقولولها حمل سليم يارب

الله يشفيها ويفرحها بطفلها وتقر عينها فيه ياارب

الله يفرج عليها ويرزقها وكل مسلمة بالحمل السليم بقولج قصتي كاملة عشا ن تتطمنين ان شاء الله انا مرة حملت وطبعا كان الحمل بعد فترة طويلة وكنت فرحانة فيه بالمرة سبحان الله اليوم سويت فحص الحمل المنزلي ومن بكرة جاني مغص فضيع اسفل البطن والظهر كنت بموت من الالم رحت للطوارئ قالوا لي مو مبين لاكيس ولاحمل ولا شي احتمال برا الرحم ولازم تتنومين عندنا ونحطج تحت الملاحظة يانسوي لج عملية ياننزله بغسيل يا مدري شنو وقعدوا يالفون على راسي وقعت على عدم التنويم وطلعت ع مسؤوليتي بعدها بيومين زاد الالم ورحت لهم وهم نفس الشي يفحصون منظار داخلي في الرحم وخارجي على البطن قالوا مافيه حمل وذا معناته انه خارج الرحم ولازم تتنومين لانه في اي لحظة بينفجر عندج الانبوب ونسوي عملية وو قصة طويلة عريضة الله لايعيدها من ايام الاكيد عشت ايام رعب في رعب وتحليل هرمون الحمل كل ماله ينزل تنومت عندهم 4 ايام وباليوم يكشفون 3 او 4 مرات كل انواع المناظير ولا شافوا حمل وليش كل هذا عشان اجهزتهم في المستشفيات الحكومية قديييييمة المهم اخر يوم وحدة دكتورة فحصت قالت معاج تليفات بالرحم وزادت علي الهم والخوف وقعدت اصيح ومعاي اصلا غدة درقية وكوليسترول وقلب الله ياجرني ويشفيني على طول كلمت زوجي قلت تعال بطلع حاولوا فيني اقعد لكن كنت مصممة خلاص شبعت مهزلة ولعب باعصابي ووقعت وطلعت الظهر والعصر رحت لدكتورة نساء في مستشفى ثاني خاص واجهزتهم حديثة اول ماخذت الاشعة قعدت تضحك قالت هدي اعصابك لان انا كنت اصيح ومنهارة قالت شوفي هذا هو داخل الرحم موجود في كيسه بس للاسف ........ متوفي متوقف نموه عند شهر والمغص اللي تحسين فيه عبارة عن طلق خفيف من الرحم عشان يلفظه سبحان الله بكيت بحرقة الله يخلف علي بالولد الصالح وقالت معاج تليفات بالرحم ايضا وقلت لها شسوي قالت لاتسوين شي قبل 3 شهور كل حمل احتمال كبير جدا ينزل من حاله انتظري يومين الى اسبوع بينزل عليج دم وبيطيح بدون عمليات غسيل لان حجمه جدا صغير وقعدت اشرب دارسين وحلبة وشجرة المدينة 4 ايام وبعدها جاني طلق المغرب الله لايعيده من يوم ونزل ياقلبي عليه ولفيته ورحت انا ابوه دفنته برا المدينة الله يعوض علينا بالولد الصالح تدرين للحين اذا مريت من عند الشارع اخر المدينة تذكرته وبكيت الله يشفع فيه والحين نزلت دمعتي سبحان الله ياقلب الام المهم من كل هالقصة ان اختج ان شاء الله حملها مو برا الرحم لاني قبل فترة صادفت وحدة حملت برا الرحم وقصوا لها انبوب الله لايبتلينا تقول المه موووووت ماتتحمله الوحدة وقصوا له انبوب وبقى الثاني وحملت ماشاء الله وجابت ولد ربي يخليهم لها
يعني باختصار بعض الدكاترة يصلحون مخرجين افلام رعب جزارين اي شي الا انه تقولين عليهم اطباء لاتصدقونهم وغيروا المستشفى

ربي يقومها بالسلامة ويعوضها خير

الله يشفيها ويهون عليها والله ماعندنا مستشفيات سنعه ولا دكاتره الله يخارجنا منهم يارب