شاركي في النقاش

سجلي الدخول لإضافة تعليق.

التعليقات

792
  1. الله يسامحك

    يا ريت انا الي عندي موعد

    اريد اشوف البيبي كيف صار شكله


    بالنسبة لي افضل موعد العيادة الخاصة اكثر لانها تعطيني وقتي و زيادة و نجلس نسولف و ما تتملل مني الطبيبة ابدا

    بس فتحت بالحكومي لاني اصلا بولد في الحكومي و ماني خسرانة شي .. المهم اني بتطمن عالبيبي كل فترة
  2. يا اختي حتى انا متشوقه حق البيبي بس الوسواس ذابحني .. والله زوجي يتم يضحك عليه من كثر ما احاتي قبل لا ادخل على الدكتوره ويوم تقولي كل شي طبيعي وما فيج شي يمووووت من الضحك ويقولي يوم اقولج انتي وسواسيه الله يعين .

    اليوم خلصنا اجراءات الخدامه باقي نقص لها تذكره واشرف ان شاء الله
  3. @rsyl

    أم عـبـدالـرحـمـن
    حنيين الفهد .. نعيما لج ولندوري .. والله يسعدكم ويهنيييييييييييكم في مناسباتكم
    السلام عليكم
    شأخباركم بنات..

    أم عبدالرحمن

    إن شاء الله تكونين رحت الموعد الآن..
    يا بنت الحلال خلي عنك الوساوس حنا نتمنى يجي موعدنا ونشوف البيبي مثل ما قالت أروما ..
    أنا موعدي الأسبوع الجاي بإذن الله لكن للأسف :( ما فيه سونار.. لكن.. يمكن أسوي رباعي لى حسابي إذا حصلت موعد بإذن الله..
    والله يرزقك الخادمة الصالحة الثقة النظيفة المدبرة يا رب..

    عى فكرة يا أم عبدالرحمن.. شفتي ..
    الذهب نزل نزول قوي على طول بعد ما شريت.. شيء يقهر.. :06:
    لكن الحمد لله على كل حال..
    زوجي يقول لي خلي هالطقم لك.. واشتري لها ثاني.. شكله ناعم مرة وصغير..
    كيفه.. قلت له خلاص إيدك على 4 آلاف على الأقل.. كل الأطقم اللي بألفين وثلاثة صغيرة وناعمة.. مدري وش يبي؟
    حاط في باله طقم مثل أطقم زواجي اللي بعشرة وخمسطعش.. أطقم تشريها العروس.. مب هدية.. بس كيف أشرح له.. وميزانيته رايحة هالشهر.. الله يهديه..
    أقول له رح وأشتر بنفسك وشف الأسعار مب راضي.. بلشت فيه


    ============

    قوارير
    الله يوفقك في اجتياز الشهادة.. طيب شرايك تتعاقدين مع مدرسة خاصة تدرسك في البيت.. على الأقل كم يوم.. تختصر لك الدورة..
    والـ IT انا حسبتها حقت كامبردج..
    وإذا على العيد.. بأقولك.. خذي لك دراعة واسعة فخمة.. وخليها للعيد.. أو للنفاس لو ولدت قبل العيد.. ولا تكثرين طلعات في العيد.. ما له داعي التعب.. بيت أهلك وحمولتك وبس.. وإذا كانت الجمعة عندهم أحسن..

    على طاري الزلال الله يشفيك منه.. إيش أعراضه؟
    أنا هالأيام رجولي موررررررمة وخايفة يكون زلال..

    ============


    نوني..

    تصدقين خوفتيني على سالفة زميلتك هذي.. حسستيني بالذنب.. :01:
    لأني من النوع اللي ما أقول للناس أني حامل.. لحد ما يسألون هم بنفسهم..
    والله مب علشان شي.. لكن ما أدري.. أستحي أعلن للكل..
    مثلاً قرايبي أمي تقول لهم إذا انتصفت في الثالث..
    لكن زميلاتي في العمل ما دروا إلا قبل شهر بس.. حسيت أني مسختها.. وبطني مب راضي يطلع.. قلت لهم.. أنا زعلانة عليكم ما فيه أحد لاحظ كرشتي الصغيرة؟؟!! خخخخ :hahaha: ( أبتغدى فيهم قبل لا يتعشون فيني).. قالوا لا!.. نحسبك سامنة شوي بس!
    قلت لهم أنا حامل.. وفي الخامس.. اخس عليكم..! انصعقوا..

    يعني قد لا يكون سوء نية أو خوف من حسد.. لا والله.. لكن ما أدري.. أستحي جداً أنشر إعلان عن حملي..:35:
    بعدين لاحظت الحين لما قلت لهم عن حملي صار الكل يراعيني ويخاف علي.. وأنا ما أحب حركات الدلع أبداً.. حسيت أني منحرررررررررررررجة.. لو كنت قايلتهم من أول كان الدلع صار أكثر لكن الحمد لله أني ما قلت لهم.. وأكثرهم بنات مب متزوجات يصير الموضوع محرج أكثر معهم..

    أما على سيرة الحمام أعزك الله..
    أنا ما عندي مشكلة فيه.. الحمد لله..
    أنا مشاكلي كلها في رجولي.. وركبي.. حولت اليسرى إلى اليمنى هالأيام وما أدري ليش أثناء النوم تزيد..
    يعني احمدي ربك شيء أحسن من شي.. :)

    ============

    راعية مبدأ

    اسم الله عليكم ما تشوفون شر..
    ذكرتيني بموقف صار لي مثلك ويمكن أشد..
    أنتي على الأقل زوجك معك..وولدك شوي كبير الله يحفظه..

    أنا كنت في سوق الناصر.. معي بناتي.. وكانت نجودة عمرها يمكن سنتين بس..
    وأمي وأختي كانوا لحالهم.. يعني أنا أمشي لحالي وهم لحالهم ونتواعد بعد ما نخلص..
    المهم..

    ركبت المصعد.. وصعدنا يوم جاء يفتح الباب.. وإلا بنتي حاطة يدها على باب المصعد ففتح وسحب يدها دخلها داخل الجدار.. ما أدري كيف..
    وهي تصرخ.. وأنا أسحب يدها.. ما كنت عارفة شسوي..
    وكل خوفي أن المصعد ينزل أو يصعد وإيدها داخل وتنقطع!!! (أعرف قصة كذا)
    وهي تبكي.. وأنا ما همني ألمها بقدر خوفي من اللي قلت لك..

    وأصرخ انادي السكيورتي كان واقف قدامي ويسحب معي مب راضية تطلع.. ونضغط الأزرار نبيه يسكر الباب علشان تطلع إيدها مب راضي..
    بعدين ضغطت يدها (عاد اسم الله عليها يومها صغيرة كانت إيدها مدبدبة ما شاء الله).. وسحبتها بكل قوتي.. وطلعت..!!
    وأضمها وأبكي بحرقة ما أدري كيف..:icon33:

    كنت متماسكة وقوية لآخر لحظة.. لكن لما طلعت وخلصت انهرت.. قمت أضمها وأصيح.. كأنها كانت بتموت وربي أحياها..

    عاد هي قامت تبكي بقوووووة.. وأقولها حركي يدك.. تقول ما أقدر..
    قلت خلاااااص .. انكسرت يدها!

    وأركض أتصل على أمي ما ترد.. أتصل على أختي.. تقول لي تكلمي بصوت عالي ما أسمعك!... أقولها البنت انكسرت يدها.. تقول وشو؟ ليش صوتك واطي؟ علي صوتك!!
    أنا بموت من القهر منها :mad2:.. وأصرخ.. البنت انكسرت يدها!!
    قالت ما أسمع شيء!! سكرت بوجهها الخط..

    رحت الحمامات وغسلت وجه البنت.. وقريت عليها اسم الله عليها والحمد لله خفت..
    يوم وديتها المطعم وشريت لها خرابيط.. سكتت الحمد لله وطلع ما فيها شيء..
    لكن روعتي ذاك اليوم في حياتي ما مريت بمثلها..
    قعدت ليلتين ما أنام.. أحس قلبي يوجعني.. :heart:


    على فكرة بالنسبة للأسماء.. أسماء عيالك سعودية مرة.. غريبة تاخذين اسم أخوهم غير..
    يمكن مشاري أحلاهم.. رامي وساري وباسل أحسها بعيدة عن أسماء عيالك مرة.. وبندر مشابه لبدر..
    هذا رأيي المتواضع.. وأرجو أنك تنطنشينه.. الله يعينكم على لقافتي.. يا ربي.. ليش ما أقدر أسكت؟.. أنا شدخلني.. :rotaeye:
    بس والله أحس أني قاعدة أكلم خواتي فعلاً

    ============

    سعيدة على طول..
    وينك؟ اشتقنا لسواليفك..


    ماماتو حمادينو
    عسى ما شر؟ وين الغيبات؟

    ضاااع اسمي
    وينك يا شيخة؟ مشتاقين لك.. الاختبارات خلصت مالك حجة بسك نوم..

    ============

    حنين الفهد

    مبروووك قصة شعرك ونادر.. تدرين.. اليوم كنت بأكلمك عليه.. أقول كيف تصبرين عليه كذا..؟
    الحمد لله.. الحين أنا والله ارتحت وانبسطت.. أحسه كأنه ولدي..
    طيب ما قلتي لنا كيف طلع شكله؟ أكيد رجال ما شاء الله..

    ما قلتي لنا ذاك اليوم يوم تروحين السوق في الزحمة شريتي الفصوص وإلا لا؟

    ============

    أروما

    يا ويلي.. والله أنتي ونوني خوفتوني..
    طيب يمكن مسكينة عندها حق..
    شوفي.. أنا ما قد قلت شي للناس إلا ويخرب سبحان الله.. مع أني ما أعتقد أن فيه عين ولا أحب أوسوس أبددددداً..
    لكن إيش راح أستفيد وإيش الناس راح تستفيد لما تعرف؟
    مثلاً الخادمة من أول ما قدمت عليها والكل يدري.. تعقدت أمورها وطووووولت.. وبعدين فركشت..
    أنا ما اعتقدت أن فيه شي.. لكن هذا اللي صار..
    كل سنة أقدم على الماجستير والناس تدري.. وما أنقبل.. والسنة اللي ما قلت لهم فيها ربي يسرها إن شاء الله..
    كل مرة أقدم على عمل وأبلغ الناس تتعقد الأمور بشكل عجيب وما يتم.. ولما أسكت تتم أموري بكل سهولة..
    حتى السفر.. والله شيء عجيب.. إذا قلت للناس إني بأسافر الدولة الفلانية.. تتعقد الأمور وزوجي ما تطلع له إجازة.. وتتفركش السفرة.. ويصير شكلنا قدام الناس بايخ.. أنا أحب ما أقول إلا لما أحجز وأتأكد وما يبقى على السفرة إلا أسبوع أو أقل..

    ما أدري.. والله أني ما أشك بالعين.. الله يعلم بما في نفسي..

    لكن سبحان الله أنا أرتاح نفسياً لما محد يدري.. أكون مرتاحة وما أحس أني أحمل هم كلام الناس لو فشلت..
    والرسول صلى الله عليه وسلم يقول "استعينوا على قضاء حوائجكم بالكتمان"..

    لا تسيئين الظن وتعتقدين أنها تخاف منكم ومن عيونكم.. يمكن هي بس ما ودها تتعجل وتنشر الخبر لحاجة في نفسها..

    أنا ما أشوف فيه داعي أنشر إعلان من أول شهر الحمل.. لو بيدي كان ما قلت لقرايبي إلا إذا دخلت الرابع..

    ============

    الراجية
    وينك؟ شأخبارك؟
    ما قلتي سرير البيبي من وين شريتيه؟
    أنا حاطة عيني على واحد أبيض من إيكيا.. وبأخليه في الغرفة مع البنات.. لأنه راح يكون نفس ستايل سرايرهم ودواليبهم.. وبآخذ له أدراج نفس أدراجهم إن شاء الله.. لكن يمكن بعد شهر أو شهرين..
    وبآخذ سرير صغير للنفاس آخذه معي بيت أهلي.. وأحطه في غرفتي إذا رجعت بيتي..

    ============

    شهودة.. سارة 511.. بنت طيبة.. نونة السعنونة

    لا نزال ننتظركم..
  4. السلام عليكم،
    رسيل>>> انا يختي على قولة المصريين>>> ماتنبلش في بقي فولة
    وكل وحدة وطبعها
    بس عاد انا مو توني اعرفها صارلنا 4 سنين مع بعض
    يعني خبزتني وعجنتني
    انا مازعلت بس استغربت
    والفشلة لها لاني الوحيدة من بنات الشركة الي كنت على علاقة طيبة معاها

تابعي تجارب أخرى من هذا القسم.