معلوماتك عن عمان والسعودية حماااس

بنات عمان اكتبوا لنا كل شي عنكم هل انتم من اهل السنه والجماعه وش عاصمتكم واسماء مدنكم وش مشهورين به اسماء طبخاتكم وصور لها اسماء المولات عندكم طريقة الحكم عندكم مثل عندنا ال سعود او انتخابات ابي اعرف كل شي عنكم انتم بشرتكم بيضاء او حنطيه مثل الاغلبيه عندنا ابي اخطب منكم ههههههه

ابي صور لاطفالكم بنات واولاد وشبابكم ابي اشوف لبسكم مثلنا اوغير موضوعكم حمسني مره للتعرف عليكم حاكمكم سني او شيعي مثل بشار ماعرفت حكام العرب الا بعد الثورات توقعتهم كلهم مسلمين على مذهب اهل السنه والجماعه

يالبى بنااات عمااان ياجعلني افداكن

انتوا اهلنا وحبايبنا والله....بصراحه احسن اهل الخليج بالاخلاق اهل عمان والنعم فيكم ناس اجاويد

يالبى قلوووبكم تهبلووون ههههههههههه ياحبني لكم

وشسمه انا راح اجاوب على بعض الاسأله
عندنا اذا كلمنا البنت
اهل نجد ( المنطقة الوسطى ) البدو والحضر يقولون كيف حالتس
اهل الشمال اغلبهم بدو يقولون كيف حالتس
اهل الجنوب يقولون كيف حالش
اهل الحجاز ( المنطقة الغربيه ) الحضر يقولون كيف حالك والبدو كيف حالتس
اهل الشرقيه يقولون كيف حالج
بتكلم عن منطقتي القصيم طبعا منطقه نجديه يقولون كيف حالتس هههههههههه
عندنا يحذفون ياء المتكلم يعني مثلا ( يدي تعورني - المكيف مايبردني - اخوي ذبحني ) احنا نقولها ( يدي تعورن - المكيف مايبردن - اخوي ذبحن ) هههههههههههه طبعا هي لغة عربيه موجوده بالقران
طبعا احنا اهل المنطقه الوسطى واهل الشمال نقلب حرف الكاف تصير ( تس )
يعني مثلا ( كذا - كبدي - كذاب - كبيره ) تصير ( تسذا - تسبدي - تسذاب - تسبيره )
عند اهل الشرقيه الكاف تصير جيم مثلا ( سمك - كذاب - كبدي ) تصير ( سمج - جذاب - جبدي )
وبعضهم يحطون ياء وهاء اخر الكلام مثل يابعد عمري يقولون يابعد عمريه
وزوجي بدوي من نجد لهجتهم مشابهه لنا بس فيه اختلاف
عندهم كلمات حلوه مثل ( ياويل حالي - علي الطلاق عشاك عندنا - ياعزوتي ) ههههههههههه
بالنسبه لحرف القاف عندنا الاغلبيه ينطقها مثل ما ينطقون المصريين حرف الجيم ان شاءالله فهمتي
وشسمه ياليت تقولين عن لهجاتكم على الاقل بعض اللهجات والكلمات اي منطقه انا استانس على اللهجات
اللي لاحظته عندكم دائما تحذفون حرف النون بالجمع يعني مثلا ( يقومون - يروحون - يمشون ) انتوا تقولونها ( يقوموا - يروحوا - يمشوا )
احنا عندنا حضر الحجاز وبعض اهل الجنوب يحذفونها اما اهل نجد والشمال والشرقيه وبدو الحجاز والبقيه ما يحذفونها
امممم ووش اسامي القبايل عندكم؟؟ اللي اعرفه عندكم المنصوري والعامري والريامي صح؟؟
عندكم نفس قبايلنا يعني ( الشمري - الدوسري - العنزي - المطيري - السبيعي -الحربي - العتيبي ) لان بالكويت عندهم بعضهم نفسنا
وعندنا قبايل الشمال والمنطقى الوسطى والشرقيه والغربيه اكثرها بدويه
ما عدا اهل الجنوب اغلب القبايل اهل جبال وفيه قله بدو
وهل عندكم منطقه مثلا لون بشرتهم بيضاء وعيونهم ملونه ههههههههههه
عندنا الاغلب حنطي او اسمر وفيه ابيض وفيه قله اسود في بعض المناطق
عيون ملونه طبعا مافيه الا اذا متزوج اجنبيه هههههههههههه
احيانا نعرف الواحد من منطقته لان فيه مناطق اشكالهم تصير غير مناطق ثانيه
يعني مثلا احنا في المنطقه الوسطى الاغلبيه عيونهم كبار وحواجبهم كثيره شوي وفيه بعضهم متصله
اهل الجنوب عيونهم اصغر وحواجبهم تكون اقل واجسامهم طويله
والاكلاات عندنا الكبسه ههههههههههه والهريس والمرقوق والجريش وغيرها

انا حضريه نجديه من مدينة القصيم
وزوجي بدوي نجدي
واحنا ساكنين بالشرقيه
وش رايك بالتنوع والثقافه هههههههههههههههه
والسموحه طولت عليك يالغاليه
يالبى قلبتس فديتس يا عسا يدينتس ما تمسها الناار

بس خوفتني بمزاجها ((افاا ليش ؟؟ ؟؟ والله ماقلت شيء)) >> يالبى البراءة

اي مو لأني أحب كلمه السلطنه نفس حبي لكلمه الملكه شطحه>> أخوي اسمه سلطان وهو صغير كنا نقوله السلطنه بعدين تحول الامر للسلطنه العمانيه تخيلي نقوله السلطنه العمانيه ويرد لا ونلحنها بعد تحشيش خخخخخخخ الحين هو بالجامعه وللحين متذكرتها

أي يالبى مثل فديت بالضبط بس الفرق أننا متاح لنا نقول يالبى وفديت والدول الثانيه لا خخخخخخخخخخخخخخخ>> تحشييييش ،، تدرين كلمه يالبى طلعت من كم سنه يعني مصطلح اخترعوه جيل الشباب وكلمات كثييييييييير اخترعوها الشباب وماهي متداوله في اللهجه السابقة وسوينا غزو فكري للدول المجاورة وصاروا يتكلمون لهجتنا الشبابيه الحلوه هع