بنات لحقواا علي بغيت أموت ورجعت حييت ... صدمة عمري

السلام عليكم ورحمة الله وبركاته
أنا بكريه خلصت التاسع أمس ولله الحمد ودخلت في أول يوم من العاشر
قبل يومين انفتح الرحم 1 سم ونص بس مافي طلق ودخلوني المستشفى تنويم لكنه رجع تقفل
المهم في اليومين اللي راحت شفت الموت بعينه كنت في غرفة فيها 3 حريم غيري وكانوا بيحضروا للولاده بس كان صراخهم فظيع فظيع لدرجة مااتتحمل
الله يشهد علي أن هاذي أول حاألة ولاده إشوفها بعيني
أمي كانت تتعب وتروح للمستشفى وترجع ومعها النونو ؤلا عمري سمعتها تصرخ كل هالصراخ
ومو بس صراخ حتى حركاتهم تخوف والله أني مت رعب وجلست أبكي طول الليل
وثاني يوم جاتني الأخصائية الاجتماعية وجلست تهدي فيني وقلت لهم أبي أغير الغرفة مااقدرت أنام
طبعا مو بسهوله غيروها لي خذت السالفة وقت بس الحمد الله غيروها
ودوني غرفة ثانيه توضيت وصليت ركعتين بعدين نمت على السرير
جلست اقرأ الإذكار وبعض الصور والآيات وادعية الولادة وهديت شوي
كان بالغرفة ناس متأخره ولادتهم بس ماعندهم طلق
كلهم ينتظرون دكتور الصبح يحط لهم طلق صناعي
قمت من سريري أبغى أروح الحمام {والجميع بكرامة }لقيت الحريم في حالة استنفار اللي تدعي واللي تستغفر واللي تشرح لي ألم الولاده
خاصة اللي كانت تستغفر صوتها كان عالي وتستغفر بسررعه وتعيد الادعيه 200 مره ؤانا من شفتها توترت حسيت أني ماقريت شي ورجعت أعيد الادعيه واسوي نفسها ونسيت كل الادعية والايات اللي حافظتها
تعبت نفسيتي ولا قدرت أنام وجبت المصحف وقعدت اقرأ البقره للصبح
في الصباح جاء الدكتور يناقش كل حاله وسمعته يكتب لهم على تحاميل طلق
ولما جاء دوري قلت له أبغى خروج تعبت و لي يومين مانمت و لا أقدر أمشي في الممرات لأن في آخر الممر غرفة ولادة وخفت أسمع صراخ أحد
كشف الدكتور علي ولقاه مسكر وكتب لي خروج
وعندي موعد بعد أسبوع بس أنا قررت خلاص مااروح هناك ثاني
يأرب تفرجها عليهم وتسهل ولادتهم
أنا دائم اقرأ قصص ولادات بالنت والقاها سهله وموضوعها بسيط
وكثير ناس من قرايبي أصغر مني بالعمر خلفوا بس اللي مو مستوعبته هل كلهم مروا بالمراحل اللي شفتها
لهدرجه الألم غير محتمل!!
من أمس ؤانا أفكر مرعوبة والافكار تأخدني وتجيبني
قلت مالي إلا حوائيات يساعدونني تكفون بكريه ؤلا جربت الطلق
هل هو حار مثل الكهرباء ؤلا ألم زي الدوره
وش تنصحونني فيه ؟
أسفه الموضوع ملخبط وطويل بس ؤالله كله من الرعب اللي أنا فيه

82 تعليق 13,918 مشاهدة

شاركي في النقاش

سجلي الدخول لإضافة تعليق.

التعليقات

80
  1. @odaaaa_llaatham

    ماقدرني

    لا تخافي

    اي وحده تصارخ بالولاده دلع دلع دلع

    اهو صح ألم شـديد لكن اضن اللي بيولد وتعبان ويحس بألم مافيه شده حتى يصارخ

    عن نفسي ما اصارخ كل طلقه يعلق لساني على يا الله ارحمني يا الله ارحمني

    وصدقيني هالبنات دلوعات

    ولا تتوترين

    بما انك بالتاسع

    اخذي لك قلاص ماي زمزم لو ماعندك مويه عادي .. مب مشكله

    حطي فيها شويه زعفران

    واشربي كل يوم قلاص او قلاصين

    هالفكره خذتها من المنتدى قبل 3 سنوات ما اذكر من كتبها

    لكن سويتها و والله اللي رفع سبع اني ماحسيت بولادتي الاخيره
    والله العظيم انها طلق خفيف كأنه آلام دوره عاديه

    واني استغرب اذا شفت الطلقه قويه وانا ماحسيت فيها

    لاني كنت مرعوبه من الولاده لان ولادتي الاولى كانت صعبه

    فـ توكلي على الله بالدعااااء اطلب الله وسوي اللي قلت لك

    بإذن الله راح تتسهل

    واقسم بالله العلي العظيم انه وحده من صديقاتي تقول لي عن اختها مقررين عليها عمليه لانها ماراح تتحمل الولاده الطبيعيه وحطوا لها الاسباب كذا وكذا
    وقلت لها اللي كتبت لك
    وبعد ماربت تجيني وتقول كلنا ندعي لك انا وامي وخواتي ندعي لك لان طبقنا اللي قلتي والحمد لله ولدت طبيعي اللهم لك الحمد

    الله يسهل عليك ولا ترتاعين
    ربك معكـ واحمدي الله انك بأيام مثل هالايام المباركه الدعاء فيها مستجاب

    الله يكتب لك اللي فيه الخير

    <<<<<< كثرت كلام ادري تحمليني ^_^
  2. الله يسهلك ماقدرني

    وتبشرينا بولاده النونو بصحه وسلامه

    والف شكر لك وداعا للعظام على المعلومه
  3. @s_s_4

    اسم الله عليك يا ما قدرني

    يا قلبي

    مرحلة وتعدي ان شاء الله

    الطلق اللي يستدعي الانثى تصرح الطلق اللي يطلع بعده الراس

    اما الطلق اللي يروح ويجي مؤلم جدا لكن ما يستدعي اني اصرخ صحيح ابكي لكن ما اصرخ وفعلا كلام وداعا هذولاء بعضهم دلوعات بزيادة ..

    انتي وتروك بس اتطمني الولادة تسااااااااااااااهيل ادعي وانتي موقنه ان الله بيقدم لك الساعة الطيبة و يرزقك الذرية الصالحة


    و تذكري ساعة الولادة تدعين لنفسك و والدينك و كل عزيز عليك ..

    و صدقيني لو الم الولادة مرعب ما تلاقين الحريم بعد سنتين في كشك الولادة ..

    طوووولي بالك ..

    و ارتاحي يا قلبي ..

    وكبري مخدتك جايك بيبي يسهرك و ينسيك كل التعب اللي شفتيه

    اسال الله الكريم رب العرش العظيم يختار لك الساعة الطيبة ويسهل امرك ,, و يفرح قلبك .. و يقر عينك بمولودك ..

    وتبشرينا ..
  4. @am_fahd_2

    شوفي الطلق اذا ماصارختي وسويتي شهيف وزفير وقت الطلقه ماتحسين بشي
    يبيلك صبر كل طلقه تمر عليك عطي نفسك قوه صبر وتنفس صح
    بتولدين وتقولين سهله
    بس انا صارخت اول ولاده مت صراخ >> استفدت زاد الالم
    الثانيه >> ماسكه نفسي وادعي مسويه التنفس صح الحمدالله خف عن اول تجربه كلهم صناعي
    بس يعطونك مسكن بعد في الورك يخفف الم
    اذا تقدرين اخذي ابره الضهر اذا ماتحملتي

تابعي تجارب أخرى من هذا القسم.