أخصائية نفسية في مركز ذوي احتباجات خاصــة,,أي استفسار أنا حاضرة/ قديم

السلام عليكم
بنت اختي في مرحلة المتوسطه طبعا متاخره المفروض تكون بالثانوي
كانت طبيعيه تمشي طبيعي وتتكلم طبيعي لكن كانت عندها فرط في الحركه
مع مرور السنوات لوحظ عليها اختفى صوتها وضعف شديد في البنيه
وشد في ارجلها بحيث لا تستطيع المشي طبيعي كانت في رجل واحده والان الاثنتين
وثقل في السان ونزول الريق ولا ترتاح في اكلها يعني تغص بالاكل
تراجع في مستشفيات ولكن الى الان ما صار شي بلعكس الحاله تزيد سوءا

جزاك الله خير

السلام عليكم ورحمة الله وبركاته
ولدي عمره ثلاث سنوات ونص الى الان مانطق ولاكلمه يقول ماما وبابا بس وهو يلعب يعني مايوجه هالكلام لنا عنده رفرفه باليدين ودايم ياخذ الاشياء ويحطها على الارض ويتركها تدور تواصله البصري ممتاز وعلاقته الاجتماعيه مع الاشخاص الكبار ممتازه يلعب معهم ويحظنهم ويبوسهم بس الاطفال مايلعب معهم بس اذا طفل معه اكل يروح له ويشاركه الاكل واذا معه لعبه ياخذها منه بس مايشاركهم اللعب بس اذا طفل جاء عنده ومعه لعبه يحبها عادي يلعب معه ..... ملاحظه تقريبا الاطفال مايشوفهم الا بالسنه مرتين بحكم بعدي عن اهلي ولااتركه يختلط مع اطفال لاني اخاف عليه .....
يفهم علي اذا قلت ماما حمام يروح للحمام ويفهم علي اذا قلت له الاشياء اللي يحبها يعني يفهم اني اقصد هالشي وبديت اعلمه وين خشمي وين فمي يأشر عليهم .... مثلا اقوله ماما وين خشمك يحط اصبعه عند خشمه وين فمك يحط اصبعه عند فمه بسم الله عليه اول ماابدا اعلمه على شي بسرعه يطقنه ماشاء الله تبارك الله
والاشياء اللي امنعه منها فاهم وعارف يعني لو ياخذ الريموت مثلا والايباد والجوال ويطالع فيني ويضحك ويهرب
يحب التجمعات مثل الاسواق والمنتزهات
اذا جاني ضيوف وقلت يالله ياماما سلم على خالتو عمتو .... إلخ يسمع كلامي ويروح ويبوسهم
سويت له قياس سمع وطلع سليم والحمدلله
انا شاكه ان عنده توحد من اطلاعي على النت بس الى الان ماعرضته على دكتور
ياليت تدليني على مستشفى متخصص بالرياض لمثل حالة ولدي
الله يجزاك خير ويوفقك في حياتك ويفتح لك ابواب الجنه ويسعدك بالدنيا والاخره

اختي كابتشينو جزاك الله خير انا عندي ولد عمره ٧ سنوات ٥ شهور متخر في الكلاام تم ثلاث سنوات يقول ماما وبابا قليل من الكلمات بعدينداينطق شوي حتي كمل سبع سنوات يقول كل شي بس يشقلب بعض الكلام مع الترديد يصححها مشكلتي انه في المدرسه خووووووواف جدا ويضربونه الاطفال ما يدافع عن نفسه ابداعكس البيت يضرب اخوانه ولا يسمع كلاام احد يرفض الذهاب للمدرسه الا في القوه مع انه شاطر في دروسه سوالي هل هو طبيعي مع العلم انا لم نذهب به لااي طبيب ابدا

انا حابه استفسر منكم عن حالة ابني عمره ٣ سنوات احيانا مايرد على اسمه لما اناديه وهالاحيان كثير ويحب الحركه بس مو دايم ويحب يرمي الالعاب حقه في كل مكان فوضوي بمعنى اصح يعني مايحب اللعب بترتيب بس يحب الاطفال اللي اكبر منه ويحب يلعب معهم يتعلم بسرعه اشياء اكبر من سنه ولما يتعلم شي مستحيل ينساه بس كلامه مجرد كلمات متفرقه مايكون جمل ويسولف معانا بس ينادينا بالاسماء يطلب اشياء بسيطه زي مويه همه حمام شارع سيارة هيا بنا توم جيري سبيستون كل شي يطلبه بس بكلمه وحده يعني اذا يبغى يطلع يقول هيا بنا واذا بغى التلفزيون يقول توم جيري سبيستون وزي كذا
من ناحية الكلمات تري حافظ الارقام والحروف عربي وانجليزي ويدل طريق بيتنا لو اخذته بمشوار نمشي انا وياه ويدل بيوت اقاربنا اللي عندنا بالحي لانه مايروح جهة اي بيت بس البيوت اللي سبق ودخلناها فأحيانا احسه طبيعي بس مزاجي واحيانا اقول ان فيه شي طبعا انا توقعت انه تأخر بالكلام لانه اغلب وقته عند الخدامه كلنا نروح دواماتنا مايبقى غيره عندها ويعرف الالوان والاشكال الهندسية مايحب القعده بالبيت يحب الخرجات والسفريات واول مايلاحظ انا قربنا لشارع بيتنا يمسك يديني عشان ما افتح الباب ويبكي
كمان يطلع اصوات وهو يمشي احيانا تكون نفس اغنيه فيلم كرتون يحبه واحيانا لحن اناشيد ومرات اصوات حيوانات وهذا مايعجبني فيه فأتمنى اللي عندها خبرة تطمني