تجربتك في تغيير نفسك للافضل فتغيرت نظرتك لما حولك للاحسن "لايغير الله مابقوم،،،)

انا اكتشفت شي احسه هو السبب الرئيسي
بحالة الزهق والملل الي تصيبني وتصيب ناس كثير

الي هو سوء التخطيط والضياع ان الواحد ماعنده
هدف ولا له مهارات يشتغل عليها

ما تتصورون قديش الاهتمام بالمهارات والطموح يرفع
ثقة الانسان بنفسه وحتى يعطيه هيبة عند الناس وجاذبية

بداية بعملي حطيت لي خطة امشي عليها
تطوير شخصي لي وتطوير لبيئة عملي

حطيت لي هدف السنة الجاية اني ادرس
اما ماجستير او بكالوريوس بتخصص احبه

حسيت كذا اني مرتبة فكريا اكثر من قبل

التخطيط الحلو جميل بالحياة ... حتى بتفاصيل الحياة
اليومية شي حلو اخطط بيوم معين كيف بقضي وقتي
سواء اسوي طبخة جديدة او اقرا كتاب او مقال عن موضوع
يهمني .. او مثلا اقرر اصوم الخميس هذا او احفظ
سورة معينة من القران !

هذي الامور الصغيرة لها اثرها الحلو بالنفس ..

هذا تغير حلو سويته بحياتي

من ناحية شخصيتي الاجتماعية !! ما اتكلم كثير
جزء منه خجل وجزء منه لاختلاف التفكير بيني وبينهم


يعني خجلي ممكن اكسره اتكلم
بس لا صار تفكيرنا مختلف ماقدر اخذ راحتي
اقول كل الي ببالي

مقدر اسوي شي غير اني انا اشاركهم
الي هم يبون .. تقريبا حل حلو :)

شموعة حلو موضوعك

الله يسعدكم نورتوا

واستفدت من تجاربكم

تجربتي انا كمان //

في بداية دراستي بالكلية تعرفت على بنات طيبات حتى كانوا يعينوني على الدراسة ويشجعوني وكانوا مثال للصحبة الطيبة بعدها بسنة تعرفت على بنات غيرهم لاني كثير اشوف بنات فاتعرف على اي احد فكانت في السنتين فرق بين الصحبة الاولى والصحبة الثانية حتى في الحالة النفسية عندي تغيرت من خلال احتكاكي بالبنات

الفرق /

الصحبة الاولى والله راحة نفسية وطمانينة وكانوا يشجعوني بالدراسة

الصحبة الثانية رجعت للاغاني بعد ماسبتها ورسبت في مادتين او ثلاث تقريبا ونفسيتي كانت اسوء من اول

لحقت على نفسي الحمدلله ورجعت لصحبتي الاولى وشجعوني عالدراسة وكانوا ليه اخخواتي الحمدلله الى ان تخرجت

انه ما تعرف بسرعة على الناس لانه بصراحة انغشيت فيهم

ممكن اجلس 6 او 8 شهور وبعدين اتعرف اشوف طريقتها وتعاملها مع الباقيات يعني ادرس شخصياتهم وبعدين اختار

صعبة الصداقة

والى الان ما عندي صديقة

كلهم زميلات

موضوع فعلاً حلو ويستحق المشاركه فيه
انا كنت واعترف فيها,,,انتقد أي شي مايعجبني,,,لو كان لواحد ماعرفه,,,بعدين صرت ادور الأعذار لهالشخص,,,واقول في نفسي,,يمكن,,,ويمكن

مثلاً
كنت لمن اشوف رجال بسيارته واقف قدام السوق وعياله معاه,,ومزعجينه,,,وامهم تتسوق
كنت اقول الحمد لله والشكر,,ليه ماينزل هو وعياله,,,مع زوجته,,,او يخلي عياله بالبيت,,,ليه يقعد ينتظر بالسياره
تغيرت نظرتي,,,وصرت الاقي عذر,,,لأن وحده مره تكلمت انو هي وزوجها كذا,,,تقول لأن عيالي اشقياء جداً
اذا نزلوا للسوق,,,ممكن يتلفون اشياء,,فنضطر ندفع قيمتها,,,غير الازعاج,,,ولو خليتهم بالبيت لوحدهم,,,يتضاربون
فالحل,,,يقعدون مع ابوهم بالسياره لين اخلص,,,لمن يرجعنا للبيت,,يروح هو يجيب الأغراض اللي يعرفها هو
هنا عرفت اني كنت سيئة الظن فيهم,,,فصرت الاقي العذر
واشياء كثيره الواحد اما مع تقدم العمر,,او من خلال قراءته,,او اطلاعه,,او اختلاطه بالناس,,,ممكن يتغير كثير