☂☁☀♡تجمع لمسافرات دبي ☂☁☀♡

السلام عليكم

ع القوة بنت دبي ... الله يعافيك الباخرة تطلع للبحر وتتعشي فيها شو اسمها.... وكيف احجز لها\؟؟؟

نزلت الملابس الشتويه عندكم ولاباقي؟؟ عندكم محلات تخفيض الماركات ولا ؟؟

ابي فستان ناعم وسعره معقول من وين؟؟

وابي طقم للشاي والقهوة للمطبخ ينفع اخذه من الامارات واركبه طيارة؟؟

مسبح العين الحارة يفتح على الاسبوع الجاي .


كثرت عليك تحمليني.

اختي بنت دبي جزاك الله خيرماقصرتي
حابه أسألك عن بوابات التعرفة المروريه في شارع الشيخ زايد شالمقصود فيها وش هي
ترا إحنا السعوديين نمر من الطريق ونشوفها وماندري شالسالفه ردي علي
أخاف السالفة فيها غرامات واحنا ياغافلين لكم الله ياليت الرد اليوم ضروري بكره راجعين السعوديه ان شاء الله

وعليكم السلام ورحمة الله وبركاته

افضل وحده سفينة البوم اتصلي فيهم واحجزي ^^


الشتويه بعدها مانزلت بعض المحلات تسوي تخفيضات والبعض لا

بتحصلين الفساتين في دبي مول + مركز البستان

ينفع إذا غلفتيه عدل وفي المطار اطلبي ستيكر قابل للكسر

اي وحده تقصدين إلي في راس الخيمه والا إلي في العين ؟؟؟

بطاقة سالك بتحصلينها في محطات البترول تشترينها وتحطينها على واجهة السياره وكل ما تمرين على بوابه يخصمون 4 دراهم

الغرامات تكون على السيارات إلي ما فيها بطاقة سالك او إذا بطاقة سالك ما فيها رصيد وتكون الغرامه 50 درهم على كل مرور

بس ما عندي فكره إذا الغرامه تكون حق اللوحات الاماراتيه فقط او اللوحات الثانيه ^^

مرحبا بنت دبي
بغيت اسالك عن المنطاد في ابن بطوطه متى موعده
لاني بحثت عنه وقالو في الشتاء كل نص ساعه يطير لكن في الصيف يطير مره وحده في النهار ومره وحده في الليل ابغى متى وقته بالضبط ودخلت موقع ابن بطوطه بس ما استفدت شي
وبغيت اسالك وين القى اماكن تاجير الجيت سكي

والله يعافيك ماقصرتي