التمليس الدائم؟؟؟

حبيبتي أنصحك ما تسوين تمليس أبدا طالما إن شعرك مب خشن .أنصحك إذا إنت من الشارقه تروحين صالون جهينه أنا ما أسويلهم دعايه بس فعلا إللي يشتغلون هناك ناس عندهم ضمير وأنا حبيت أسلوبهم .

أنا أروح عندهم أسبوعيا عشان أسوي جلسات علاج لشعري بعد أن خربته بالتمليس .شعري ما يحتاج تمليس بس كنت أحب أشوفه مفرود وما أحب التموجات .

صدقيني النتيجه بينت من أول جلسه حسيت التقصف راح وشعري بدأ يستعيد حيويته هي عطتني شامبو وبلسم وسيروم وكل واحد أحسن عن الثاني .اليوم كانت الجلسه الثانيه وحاسه بتحسن واضح وأنا سعيده بالنتائج وفلوسي ما تروح على الفاضي لأن الجلسه ب200

سألتها اليوم عن التمليس الدائم شو معناته وردت علي وقالت ما في شئ اسمه تمليس دائم لأن الشعر يطول والجذور اكيد بتكون مب مملسه بمعنى تمليس دائم هو نفسه التمليس العادي بس السعر مختلف لكن التعب واحد ولازم كل كم شهر تروحين تملسين الشعر الجديد إللي نما.

اسمعي نصيحتي وروحي اسألي وتطمني بنفسك

والله هي صادقه لايوجد تمليس دائم

انا جربته في صالون بابوظبي وقطع شعري بالبداية استانست ان شعري مفرود وايش حالاته لكن مرت ست اشهر وطلع شعري السابق اكثر خشونة واللي بالاسفل صار مثل الاسلاك انقهرت وتعرفون سرت للصالون علشان استشور قالت لي راعيت الصالون ليش حارقة شعرج قلت لها سويت تمليس دائما قالت لي ابدا ماتسوين لشعرج لانه يخشنه ويكثر من تساقطه وقالت عليج بحمام زيت اسبوعيا ...على فكرة هالتمليس الدائم ترك فراغات في شعري الكل لاحظها وغير ذلك غالي دفعت الف وخمسمائة درهم على ثلاث ساعات دمرت شعري نصيحه عليج بالزيوت ترطب الشعر وتغذيه...انا جربت خلطة زيوت فادتني

مشكورين على الردود..
وجدان..ممكن اعرف شو الخلطه؟

بصراحة انا جربت الفرد اللي بالاعشاب وكانت النتيجة روووووووووووووووعة لدرجة اني طلبت منة كمية لاهلي لانهم لاحظوا الفرق من اول مرة والحمدللة لاتساقط ولا شي والاهم من هذا كلة اني ارتحت من الاشتشوار للابد